സൗന്ദര്യമത്സരങ്ങൾ എപ്പോഴും പൂർണ്ണതയുടെ വേദികളാണ്. മുടി സ്റ്റൈൽ ചെയ്യുന്നതിലും മേക്കപ്പിലും വസ്ത്രധാരണത്തിലും എല്ലാം അതീവ ശ്രദ്ധ പുലർത്തുന്ന ഈ വേദികളിൽ പക്ഷേ ചിലപ്പോഴൊക്കെ അപ്രതീക്ഷിത അബദ്ധങ്ങൾ സംഭവിക്കാറുണ്ട്. കഴിഞ്ഞ ബുധനാഴ്ച 'മിസ് ഗ്രാൻഡ് തായ്‌ലൻഡ്' പ്രാഥമിക റൗണ്ടിനിടെ കമോൾവാൻ ചനാഗോയ്ക്കും (Kamolwan Chanago) ഇത്തരമൊരു അനുഭവം ഉണ്ടായി. എന്നാൽ പതറാതെ അവൾ അത് നേരിട്ട രീതി സോഷ്യൽ മീഡിയയുടെ കൈയടി നേടുകയാണ്.

തന്നെ പരിചയപ്പെടുത്തിക്കൊണ്ടിരിക്കെ (Introduction) കമോൾവാൻ ധരിച്ചിരുന്ന വെപ്പ് പല്ലുകൾ (Dental fixtures) അപ്രതീക്ഷിതമായി ഇളകി പുറത്തേക്ക് വന്നു. നിമിഷനേരം കൊണ്ട് അവൾ അത് കയ്യിൽ പിടിക്കുകയും വേഗത്തിൽ തിരിഞ്ഞുനിന്ന് അത് തിരികെ ഉറപ്പിക്കുകയും ചെയ്തു.

Also Read

placeholder

അധികാരവും പണക്കൊഴുപ്പും കാണിക്കാൻ 44 ലക്ഷം രൂപവരെയുള്ള വാച്ചുകൾ!

placeholder

'എന്നെ പൂർണമാക്കാൻ എനിക്കൊരു പുരുഷന്റെ ആവശ്യമില്ല'; ഗോസിപ്പുകളോട് പ്രതികരിച്ച് മലൈക അറോറ

placeholder

കയറ്റുമതിയിൽ താരമായ മദ്ദൂർ വട; ഇന്ദിരാഗാന്ധിയുടെ ഇഷ്ടരുചി

ഒരു സെക്കൻഡ് പോലും വൈകാതെ അവൾ സദസ്സിനെ നോക്കി പുഞ്ചിരിക്കുകയും ആത്മവിശ്വാസത്തോടെ റാംപ് വാക്ക് തുടരുകയും ചെയ്തു. തിളങ്ങുന്ന ഗൗൺ ധരിച്ചെത്തിയ താരം റാംപിൽ പോസ് ചെയ്യുകയും ചെയ്തു. തനിക്ക് സംഭവിച്ച അബദ്ധം തന്റെ ആത്മവിശ്വാസത്തെ ബാധിച്ചിട്ടില്ലെന്ന് തെളിയിക്കുന്നതായിരുന്നു അവരുടെ ഓരോ ചലനവും.

ഈ വീഡിയോ വൈറലായതോടെ കമോൾവാൻ കാണിച്ച ധൈര്യത്തെയും ശാന്തതയെയും പ്രശംസിച്ച് നിരവധി പേർ രംഗത്തെത്തി. ചിലർ പരിഹാസവുമായി എത്തിയെങ്കിലും ഭൂരിഭാഗം ആളുകളും താരത്തെ പിന്തുണച്ചു. "അതിശയകരമായ തിരിച്ചുവിരവ്" (Flawless recovery) എന്നാണ് ഒരു ഉപയോക്താവ് കുറിച്ചത്. "തന്റെ സ്വപ്നത്തിന് പിന്നാലെ പോകുന്ന ആത്മവിശ്വാസമുള്ള സ്ത്രീ" എന്ന് മറ്റൊരാൾ പുകഴ്ത്തി.

താൻ നേരിട്ട പ്രതിസന്ധിയെ എങ്ങനെ മറികടക്കാം എന്നതിന്റെ ഉത്തമ ഉദാഹരണമായി കമോൾവാൻ മാറി. കാണികൾക്കിടയിൽ നിന്നും വലിയ പ്രോത്സാഹനമാണ് അവർക്ക് ലഭിച്ചത്.

മിസ് ഗ്രാൻഡ് തായ്‌ലൻഡിന്റെ ഫൈനൽ ഈ ശനിയാഴ്ച നടക്കും. ഇതിൽ വിജയിക്കുന്ന താരം ഇന്ത്യയിൽ നടക്കാനിരിക്കുന്ന 'മിസ് ഗ്രാൻഡ് ഇന്റർനാഷണൽ 2026'-ൽ തായ്‌ലൻഡിനെ പ്രതിനിധീകരിക്കും.

കൂടുതൽ ഫീച്ചറുകൾ വായിക്കാൻ ഗൃഹലക്ഷ്മി വാട്സാപ്പ് ഗ്രൂപ്പിൽ അംഗമാകൂ:https://mbi.page.link/grihalakshmi