ഒരുകാലത്ത് മികച്ചൊരു ഷെഫ് ആകാൻ സ്വപ്നം കണ്ട സാധാരണക്കാരനായ ഒരു ചെറുപ്പക്കാരൻ... ഇന്ന് ഇന്ത്യൻ സിനിമയിലെ തന്നെ അസാധ്യ അഭിനയമികവുള്ള നായകൻ! സഹോദരൻ സെൽവരാഘവന്റെ നിർബന്ധത്തിന് വഴങ്ങിയാണ് വെങ്കിടേഷ് പ്രഭു കസ്തൂരി രാജ എന്ന ധനുഷ് സിനിമയിലെത്തുന്നത്. പിന്നീട് തന്റേതായൊരു സാമ്രാജ്യം തന്നെ അദ്ദേഹം കെട്ടിപ്പടുത്തു. 43-ാം പിറന്നാൾ ആഘോഷിക്കുകയാണ് താരമിന്ന്.

To advertise here,

സിനിമയും ജീവിതവും

Also Read

placeholder

ദേശീയ പുരസ്‌കാര വിവാദം: ‘റായനെ’ക്കാൾ മികച്ച സിനിമകൾ ഉണ്ടായിരുന്നുവെന്ന് ധനുഷ്

placeholder

അവസാന ചിത്രത്തിൽ ആറ് പുതിയ രംഗങ്ങൾ കൂടി: വിജയ്‍ക്ക് നന്ദി പറഞ്ഞ് അനിരുദ്ധും

placeholder

ഒരേ ഇടത്ത് ആവർത്തിച്ച് വരുന്ന മുഖക്കുരു; ചർമം നൽകുന്ന മുന്നറിയിപ്പ്

2002-ൽ പിതാവ് കസ്തൂരി രാജ സംവിധാനം ചെയ്ത തുള്ളുവാതോ ഇളമൈ എന്ന ചിത്രത്തിലൂടെയാണ് ധനുഷ് അഭിനയരംഗത്തേക്ക് അരങ്ങേറ്റം കുറിക്കുന്നത്. പിന്നീട് പൊല്ലാതവൻ, യാരടി നീ മോഹിനി, ആടുകളം, അനേകൻ, മാരി, വാത്തി തുടങ്ങി നിരവധി സൂപ്പർഹിറ്റ് ചിത്രങ്ങളിലൂടെ തമിഴ് സിനിമയിലെ മുൻനിര നായകനായി വളർന്നു.

2011-ൽ പുറത്തിറങ്ങിയ "വൈ ദിസ് കൊലവെറി ഡി" യൂട്യൂബിൽ 10 കോടി കാഴ്ചക്കാരെ നേടുന്ന ആദ്യ ഇന്ത്യൻ ഗാനമായി ചരിത്രം കുറിച്ചിരുന്നു. 2013-ൽ ആനന്ദ് എൽ. റായ് സംവിധാനം ചെയ്ത രാഞ്ജന എന്ന ചിത്രത്തിലൂടെ ബോളിവുഡിൽ അരങ്ങേറ്റം കുറിച്ച ധനുഷിന് മികച്ച നവാഗത നടനുള്ള ഫിലിംഫെയർ അവാർഡും ലഭിച്ചിരുന്നു. റയാൻ ഗോസ്‌ലിങ്, ക്രിസ് ഇവാൻസ് എന്നിവർക്കൊപ്പം ദി ഗ്രേ മാൻ (The Gray Man) എന്ന ചിത്രത്തിലൂടെ ഹോളിവുഡിലും സാന്നിധ്യമറിയിച്ചു.

നിലവിൽ ഒരു ചിത്രത്തിനായി 20 കോടി മുതൽ 35 കോടി രൂപ വരെയാണ് ധനുഷ് പ്രതിഫലം വാങ്ങുന്നത്. ഒരു അഭിനേതാവ് എന്നതിലുപരി മികച്ചൊരു വ്യവസായി കൂടിയാണ് അദ്ദേഹം. 2010-ൽ ആരംഭിച്ച വണ്ടർബാർ ഫിലിംസ് എന്ന നിർമ്മാണ കമ്പനിയിലൂടെ ഇരുപതിലധികം സിനിമകൾ നിർമ്മിച്ചു. സിനിമാ നിർമ്മാണത്തിന് പുറമെ കോർപ്പറേറ്റ് ബിസിനസ് സേവനങ്ങളും സാമ്പത്തിക പോർട്ട്‌ഫോളിയോകളും കൈകാര്യം ചെയ്യുന്ന ധനുഷിന്റെ ബിസിനസ് സംരംഭമാണ് ധനുഷ് ഗ്ലോബൽ വെഞ്ചേഴ്സ്.

ഏകദേശം 230 കോടി രൂപയാണ് ധനുഷിന്റെ ആകെ ആസ്തിയായി കണക്കാക്കപ്പെടുന്നത്. തമിഴ്‌നാട്ടിലെ ഏറ്റവും വിലപിടിപ്പുള്ള പ്രോപ്പർട്ടികളിൽ ചിലത് ധനുഷിന്റെ ഉടമസ്ഥതയിലുണ്ട്:

ആയിരത്തിൽ ഒരുവൻ, പുതുപേട്ടൈ, മയക്കം എന്ന, വജ്രകായ തുടങ്ങിയ ചിത്രങ്ങളിൽ ശ്രദ്ധേയമായ ഗാനങ്ങൾ ആലപിച്ച ഗായകൻ കൂടിയാണ് താരം. രായൻ, നിലവുക്ക് എൻ മേൽ എന്നടി കോപം തുടങ്ങിയ ചിത്രങ്ങളുടെ സംവിധായകനുമാണ്. 

റോൾസ് റോയ്‌സ് ഗോസ്റ്റ്, ജാഗ്വാർ XE, മെഴ്‌സിഡസ് ബെൻസ് S-ക്ലാസ്, റേഞ്ച് റോവർ സ്‌പോർട് HSE, ഫോർഡ് മസ്‌താങ് തുടങ്ങിയ ആഡംബര കാറുകൾ അദ്ദേഹത്തിന്റെ ഗാരേജിലുണ്ട്. സെവൻ അപ്പ് , ടാറ്റാ സ്കൈ, സെന്റർ ഫ്രഷ്, OLX, ഇന്ത്യൻ സൂപ്പർ ലീഗ് തുടങ്ങിയ പ്രമുഖ ബ്രാൻഡുകളുമായി സഹകരിച്ചിട്ടുണ്ട്.

ധനുഷ് കേന്ദ്ര കഥാപാത്രമായെത്തുന്ന 'ഓം (Chapter 1 - Udhiram: The Blood Wood)' 2026 ഒക്ടോബർ 16-ന് തിയേറ്ററുകളിൽ റിലീസ് ചെയ്യും.

കൂടുതൽ ഫീച്ചറുകൾ വായിക്കാൻ ഗൃഹലക്ഷ്മി വാട്സാപ്പ് ഗ്രൂപ്പിൽ അംഗമാകൂ:https://mbi.page.link/grihalakshmi