ബോളിവുഡിലെ സൂപ്പർറിച്ച് താരം ഷാരൂഖ് ഖാന്റെ ആസ്തിയിടിഞ്ഞു. കഴിഞ്ഞ ഒരു വർഷത്തിനിടയിലാണ് ആസ്തിയിൽ ഗണ്യമായ കുറവുണ്ടായത്. എങ്കിലും ഇന്ത്യയിലെ ഏറ്റവും സമ്പന്നരായ നടന്മാരുടെ പട്ടികയിൽ ഒന്നാം സ്ഥാനം അദ്ദേഹത്തിനു തന്നെയാണ്. ഹുറൂൺ ഇന്ത്യ റിച്ച് ലിസ്റ്റ് 2026 പ്രകാരം നടന്റെ ആസ്തി 10,000 കോടി രൂപയാണ്. അമിതാഭ് ബച്ചൻ, സൽമാൻ ഖാൻ, ഹൃതിക് റോഷൻ എന്നിവരെല്ലാം ഷാരൂഖിനു പിന്നിലാണ്.

2025-ലെ ഹുറൂൺ ഇന്ത്യ റിച്ച് ലിസ്റ്റിൽ ഷാരൂഖിന്റെ ആസ്തി 12,490 കോടി രൂപയായിരുന്നു. ഒരു വർഷത്തിനിടെ 2490 കോടി രൂപ കുറഞ്ഞു. സിനിമകളിൽ നിന്നുള്ള വരുമാനത്തിൽ മാത്രം ഒതുങ്ങുന്നതല്ല നടന്റെ സമ്പത്ത്. റെഡ് ചില്ലീസ് എന്റർടൈൻമെന്റ്, കൊൽക്കത്ത നൈറ്റ് റൈഡേഴ്സ് തുടങ്ങിയ ബിസിനസ്സ് നിക്ഷേപങ്ങളും ഇതിൽ ഉൾപ്പെടുന്നു.

Also Read

placeholder

'കാമുകി'ക്കൊപ്പം ലാൽബാഗ് രാജയെ കാണാനെത്തി ഗോവിന്ദ; രണ്ടാം വിവാഹം കഴിഞ്ഞോയെന്ന് ആരാധകർ

placeholder

'എന്റെ മകന് നിങ്ങളെ ഇഷ്ടമാണ്' വിജയ്‌യുടെ പ്രശംസയാണ് ആ സിനിമയിലേക്കെത്തിച്ചത്

അതേസമയം ഇതെല്ലാം ഏകദേശ കണക്കുകളാണ്. സ്വകാര്യ കമ്പനികൾ, നിക്ഷേപങ്ങൾ, മറ്റ് ആസ്തികൾ എന്നിവയുടെ മൂല്യനിർണ്ണയത്തിനനുസരിച്ച് ഇവ മാറിയേക്കാം.

രണ്ടാം സ്ഥാനത്ത് അമിതാഭ് ബച്ചൻ
2026-ലെ പട്ടികയിൽ 4000 കോടി രൂപ ആസ്തിയുള്ള അമിതാഭ് ബച്ചനാണ് രണ്ടാമത്തെ സമ്പന്നനായ നടൻ. 2025-ലെ പട്ടികയിൽ 1630 കോടി രൂപയായിരുന്ന അദ്ദേഹത്തിന്റെ ആസ്തിയിൽ ഗണ്യമായ വർധനവാണുണ്ടായത്. പതിറ്റാണ്ടുകൾ നീണ്ട സിനിമാ കരിയറുമായി ബന്ധപ്പെട്ടുള്ളതല്ല നടന്റെ സമ്പത്ത്. മറിച്ച് നിക്ഷേപങ്ങൾ, റിയൽ എസ്റ്റേറ്റ്, കുടുംബം വഴി കൈകാര്യം ചെയ്യുന്ന ആസ്തികൾ എന്നിവയും ഇതിൽ ഉൾപ്പെടുന്നു. 3000 കോടി രൂപ ഏകദേശ ആസ്തിയോടെ സൽമാൻ ഖാൻ പട്ടികയിൽ പുതിയതായി ഇടം നേടി. 2500 കോടി രൂപ ആസ്തിയോടെ ഹൃതിക് റോഷൻ പിന്നാലെയുണ്ട്. 2025-ൽ അദ്ദേഹത്തിന്റെ ആസ്തി 2160 കോടി രൂപയായിരുന്നു.

കഴിഞ്ഞ വർഷത്തെ റാങ്കിങ്ങിൽ മുകളിലുണ്ടായിരുന്ന ജൂഹി ചൗളയും കരൺ ജോഹറും ഇത്തവണ പട്ടികയിൽ ഇല്ലെന്നതും ശ്രദ്ധേയമാണ്. 2025-ൽ ജൂഹിക്ക് 7790 കോടി രൂപയുടെ ആസ്തിയുണ്ടായിരുന്നു, കരണിന് 1880 കോടിയും.

കൂടുതൽ ഫീച്ചറുകൾ വായിക്കാൻ ഗൃഹലക്ഷ്മി വാട്സാപ്പ് ഗ്രൂപ്പിൽ അംഗമാകൂ:https://mbi.page.link/grihalakshmi