ദീര്‍ഘചതുരാകൃതിയിലുള്ളതും സപ്പോട്ടയുടെ തൊലിയോട് സാമ്യമുള്ളുമായ പഴമാണ് കിവി. ചിലി, ഇറാന്‍, ന്യൂസീലന്‍ഡ് എന്നിവിടങ്ങളില്‍ നിന്നുമാണ് നമ്മുടെ നാട്ടില്‍ കിവി എത്തുന്നത്.
- അല്പം പുളിരുചിയുള്ള ഇത് പച്ചയ്ക്ക് കഴിക്കാം. ചെറുചവര്‍പ്പുരസം കാരണം തൊലി ഒഴിവാക്കിയാണ് പൊതുവെ കഴിക്കാറുള്ളത്. എന്നാല്‍ തൊലിയും കുരുവും ഭക്ഷ്യയോഗ്യമാണ്.
- 100 ഗ്രാം കിവിയില്‍ ഏകദേശം 61 കലോറി ഊര്‍ജം, 1.1 ഗ്രാം മാംസ്യം, 15 ഗ്രാം അന്നജം, 3 ഗ്രാം നാരുകള്‍, 3 മില്ലിഗ്രാം സോഡിയം കൂടാതെ പൊട്ടാസ്യം, ജീവകം സി എന്നിവയുണ്ട്.
- ആന്റി ഓക്‌സിഡന്റുകളായ വിറ്റാമിന്‍- ഇ, കോളിന്‍, ല്യൂട്ടിന്‍, സിയാക്‌സാന്തിന്‍, പോളിഫിനോള്‍സ്, കരോട്ടിനോയ്ഡുകള്‍ തുടങ്ങിയവയും ഫോളിക് ആസിഡ്, കാല്‍സ്യം, കോപ്പര്‍, ഇരുമ്പ്, സിങ്ക് എന്നിവയും ധാരാളമുണ്ട്.
- ഇതിലെ നാരുകള്‍ മോശം കൊളസ്‌ട്രോള്‍ ആയ എല്‍.ഡി.എല്‍. കുറയ്ക്കുകയും ഹൃദ്രോഗസാധ്യത തടയുകയും ചെയ്യും. ദഹനം എളുപ്പമാക്കാനും മലബന്ധം തടയാനും നാരുകള്‍ സഹായിക്കും. കൂടാതെ നല്ല ബാക്ടീരിയകളെ നിലനിര്‍ത്തി കുടലിന്റെ ആരോഗ്യം ഉറപ്പുവരുത്തുകയും ചെയ്യുന്നു.
- കിവിയിലെ വിറ്റാമിന്‍-ഇയും സിയും ചേര്‍ന്ന് തലയിലേക്കുള്ള രക്തയോട്ടം സുഗമമാക്കുകയും മുടിവളര്‍ച്ച ത്വരിതപ്പെടുത്തുകയും ചെയ്യുന്നു.
- നേന്ത്രപ്പഴത്തിലുള്ളതിനേക്കാള്‍ പൊട്ടാസ്യം കിവിയിലുണ്ട്. ഇത് രക്തസമ്മര്‍ദം കുറച്ച് ഹൃദ്രോഗവും പക്ഷാഘാതവും ഉണ്ടാകാനുള്ള സാധ്യത കുറയ്ക്കുന്നു.
- വിറ്റാമിന്‍-കെ ധാരാളമുള്ള കിവി കഴിക്കുന്നത് രക്തം കട്ടപിടിക്കുന്ന ത് തടയും.
- ഉറക്കം ക്രമപ്പെടുത്തുന്നതിനും ഗര്‍ഭകാലത്തെ വിഷാദവും മാനസികസമ്മര്‍ദവും കുറയ്ക്കാന്‍ കിവി സഹായിക്കും.
- കിവിയിലെ കരോട്ടിനോയിഡുകളും വിറ്റാമിന്‍-സിയും കണ്ണിന്റെ ആരോഗ്യം മെച്ചപ്പെടുത്തുന്നു.
- ഗ്ലൈസിമിക് ഇന്‍ഡക്‌സ് കുറവായതിനാല്‍ പ്രമേഹരോഗികള്‍ക്കും കഴിക്കാം.
- ലാറ്റക്‌സ് ഫുഡ് അലര്‍ജി ഉള്ളവരില്‍ കിവി പ്രശ്ങ്ങള്‍ ഉണ്ടാക്കിയേക്കാം. വിറ്റാമിന്‍-സി ധാരാളം അടങ്ങിയതിനാല്‍ ആസ്പിരിന്‍ തുടങ്ങിയ മരുന്നുകളുമായി പ്രതിപ്രവര്‍ത്തിക്കാനും സാധ്യതയുണ്ട്.
ഓറഞ്ചിനേക്കാള്‍ വിറ്റാമിന്‍ സി
ഓറഞ്ചിലുള്ളതിനേക്കാള്‍ ഇരട്ടി വിറ്റാമിന്‍-സി കിവിയിലുണ്ട്. പ്രതിരോധ വ്യവസ്ഥ ശക്തിപ്പെടുത്തി രോഗങ്ങളെ ചെറുക്കുന്നതിനും ചര്‍മത്തിന്റെ ആരോഗ്യത്തിനും മുറിവുണക്കാനും വിറ്റാമിന്‍ സി സഹായിക്കും. കുട്ടികളില്‍ ആസ്ത്മയുടെ ലക്ഷണങ്ങള്‍ മയപ്പെടുത്താനും നല്ലതാണ്.
കടപ്പാട്
ഉഷ മധുസൂദനന്‍
സീനിയര്‍ ഡയറ്റീഷ്യന്‍
അല്‍മാസ് ഹോസ്പിറ്റല്‍
കോട്ടക്കല്‍
Content Highlights: health benefits of kiwi fruit
Published: 24 Mar 2024, 11:25 am IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented