നല്ല വേഷങ്ങളില്ലാത്തതിനാൽ കീർത്തി സുരേഷ് ഡാൻസ് നമ്പറുകളിലേക്ക് മാറുന്നുവെന്ന രീതിയിൽ പ്രചരിച്ച വിമർശനങ്ങൾക്ക് രസകരമായ മറുപടിയുമായി നടി. നടൻ നാനിയുടെ പുതിയ ചിത്രമായ 'ദി പാരഡൈസി'ൽ (The Paradise) കീർത്തി ഒരു ഡാൻസ് നമ്പറിൽ എത്തുന്നുണ്ടെന്ന അഭ്യൂഹങ്ങളോടാണ് താരം പ്രതികരിച്ചത്.
എന്താണ് സംഭവം?
ഫ്രണ്ട്‌വുഡ്‌സ് ടിവി പങ്കുവെച്ച ഒരു ഇൻസ്റ്റഗ്രാം വീഡിയോയിലാണ് കീർത്തി സുരേഷിന്റെ കരിയറിനെക്കുറിച്ച് വിമർശനാത്മകമായ പരാമർശങ്ങൾ ഉയർന്നത്. കരിയറിൽ പ്രാധാന്യമുള്ള നല്ല വേഷങ്ങൾ ലഭിക്കാത്തതിനാലാണ് കീർത്തി ഇത്തരം ഡാൻസ് നമ്പറുകൾ ചെയ്യാൻ തയ്യാറാകുന്നതെന്നായിരുന്നു ആരോപണം. ഇതിനുപുറമേ, തെലുങ്ക് താരമായ നാനി അഭിനയിക്കുന്ന ചിത്രത്തെ 'കന്നഡ ചിത്രം' എന്ന് വിഡിയോയിൽ തെറ്റായി വിശേഷിപ്പിക്കുകയും ചെയ്തിരുന്നു.

തന്റെ കരിയറിനെക്കുറിച്ചുയർന്ന ഈ ആരോപണങ്ങൾക്ക് കീർത്തി മറുപടി നൽകിയിരുന്നില്ല. എന്നാൽ, വീഡിയോയിലെ തെറ്റായ വിവരത്തെ നർമ്മത്തോടെ തിരുത്തുക മാത്രമാണ് ചെയ്തത്.

Also Read

placeholder

'ഞങ്ങൾ ഒളിച്ചോടി വിവാഹം കഴിക്കുമെന്ന് കരുതി, അന്ന് ആന്റണി കരഞ്ഞു'

placeholder

വിവാഹമോചനം വേണ്ടെന്ന് വിജയ്‌യുടെ ഭാര്യ; കേസിൽനിന്ന് പിൻമാറി സംഗീത

placeholder

മഴക്കാലത്ത് ചോറുണ്ടാക്കുമ്പോൾ രുചി വ്യത്യാസമുണ്ടോ? കാരണവും പരിഹാരവുമിതാ

"ചെറിയ തിരുത്തുണ്ട്... നാനി അഭിനയിക്കുന്നത് തെലുങ്ക് സിനിമയിലാണ്, കന്നഡയിലല്ല," തമിഴിൽ നൽകിയ കമന്റിൽ താരം കുറിച്ചു. കീർത്തിയുടെ മറുപടി സോഷ്യൽ മീഡിയയിൽ നിമിഷനേരം കൊണ്ട് തരംഗമായി. താരത്തിന്റെ സമയോചിതമായ പരിഹാസത്തെയും നർമ്മബോധത്തെയും പ്രശംസിച്ച് നിരവധി ആരാധകരാണ് പിന്തുണയുമായി എത്തിയത്.

നാനിയും കീർത്തി സുരേഷും വർഷങ്ങളായി അടുത്ത സുഹൃത്തുക്കളാണ്. ഇരുവരും ഒന്നിച്ചഭിനയിച്ച 'നേനു ലോക്കൽ' (2017), 'ദസറ' (2023) എന്നീ ചിത്രങ്ങൾ വൻ വിജയമായിരുന്നു. ദസറ ഒരുക്കിയ ശ്രീകാന്ത് ഒഡേല തന്നെയാണ് 'ദി പാരഡൈസ്' സംവിധാനം ചെയ്യുന്നതും. ചിത്രം സെപ്റ്റംബർ 24-ന് തീയേറ്ററുകളിലെത്തും. ചിത്രത്തിന്റെ ടീസറിൽ കീർത്തിയുടെ വേഷത്തെക്കുറിച്ച് സൂചനകളൊന്നുമില്ല. രാഘവ് ജുയാൽ, മോഹൻ ബാബു, കായാദു ലോഹർ തുടങ്ങിയവരാണ് ചിത്രത്തിലെ മറ്റ് പ്രധാന താരങ്ങൾ.

വിമർശനങ്ങൾക്കിടയിലും കരിയറിൽ കൈനിറയെ പ്രോജക്ടുകളുമായി തിരക്കിലാണ് കീർത്തി. കാർത്തിക് സുബ്ബരാജ് സംവിധാനം ചെയ്യുന്ന പത്താമത്തെ ചിത്രമായ ദൊറോത്തി, സെപ്റ്റംബർ 25-ന് തീയേറ്ററുകളിലെത്തും. വിജയ് ദേവരകൊണ്ടയ്‌ക്കൊപ്പം അഭിനയിക്കുന്ന തെലുങ്ക് ചിത്രം റൗഡി ജനാർദ്ദന (Rowdy Janardhana), സത്യവാൻ സാവിത്രി, അക്ക, റഫ്താർ, എന്നിവയാണ് കീർത്തിയുടേതായി വരാനിരിക്കുന്ന മറ്റ് ചിത്രങ്ങൾ.

കൂടുതൽ ഫീച്ചറുകൾ വായിക്കാൻ ഗൃഹലക്ഷ്മി വാട്സാപ്പ് ഗ്രൂപ്പിൽ അംഗമാകൂ:https://mbi.page.link/grihalakshmi