ആരോഗ്യത്തോടെ ഏറെ നാള്‍ ജീവിച്ചിരിക്കുക എന്നത് എല്ലാവരുടെയും ആഗ്രഹമാണ്. എന്നാല്‍ തെറ്റായ ജീവിതശൈലികള്‍, ഭക്ഷണശീലങ്ങള്‍, വ്യായാമമില്ലായ്മ എന്നിവയെല്ലാം 50 കള്‍ക്കു ശേഷം പലപ്പോഴും നമ്മളെ രോഗികളാക്കാം. ചിട്ടയായ ഭക്ഷണശീലം ആരോഗ്യത്തോടെ ജീവിക്കാന്‍ അത്യന്താപേക്ഷിതമാണ്.
അന്നജം
Also Read
ശരീരത്തിലെ ഊര്‍ജത്തിന്റെ 50 മുതല്‍ 80 ശതമാനം ലഭ്യമാകുന്നത് അന്നജത്തില്‍ നിന്നാണ്. എന്നാല്‍ അത്രയും ഊര്‍ജം ചെലവാക്കുന്നില്ലെങ്കിലോ, അത് അമിതവണ്ണത്തിനും രക്തത്തിലെ പഞ്ചസാരയുടെ അളവ് കൂടുന്നതിനും കാരണമാകും. അതുകൊണ്ട് പ്രായമായവര്‍ ശാരീരികപ്രവര്‍ത്തനങ്ങള്‍ക്ക് ആവശ്യമായ അന്നജം നിയന്ത്രിച്ച് ഉപയോഗിക്കുന്നതാണ് നല്ലത്. അരി, പലതരം പഴവര്‍ഗ്ഗങ്ങള്‍, കിഴങ്ങുവര്‍ഗ്ഗങ്ങള്‍, പഞ്ചസാര എന്നിവയുടെ ഉപയോഗം പരിമിതപ്പെടുത്താം. പകരം നാരുകള്‍ ധാരാളമടങ്ങിയ മുഴുധാന്യങ്ങളായ തവിടോടുകൂടിയ അരി, ഗോതമ്പ്, റാഗി, ഓട്‌സ് എന്നിവ കഴിക്കാം
പ്രോട്ടീനുകള്‍
ശരീരത്തിലെ കോശനിര്‍മിതിക്കും കോശങ്ങളുടെ പുനരുദ്ധാരണത്തിനും ഹോര്‍മോണുകള്‍, എന്‍സൈമുകള്‍ എന്നിവയുടെ ശരിയായ ഉത്പാദനത്തിനും പ്രോട്ടീനുകള്‍ ധാരാളം ആവശ്യമാണ്. കോഴുപ്പു കുറഞ്ഞ പാല്‍, പാലുത്പന്നങ്ങള്‍, മാംസം, മത്സ്യം, മുട്ട,പയറുവര്‍ഗ്ഗങ്ങള്‍ എന്നിവ ഭക്ഷണത്തില്‍ ഉള്‍പ്പെടുത്താം.
എണ്ണ, നെയ്യ്, ബട്ടര്‍ എന്നിവ നിയന്ത്രിച്ച് ഉപയോഗിക്കാം. ഇല്ലെങ്കില്‍ അമിതവണ്ണം, കൊളസ്‌ട്രോള്‍, രക്തസമ്മര്‍ദ്ദം എന്നിവ കൂടാനും ഹൃദ്രോഗം, രക്തക്കുഴലുകളില്‍ ബ്ലോക്ക്, ചില കാന്‍സറുകള്‍ എന്നിവയ്ക്കും അമിതമായി കൊഴുപ്പടങ്ങിയ ഭക്ഷണം കാരണമാകും. അപൂരിത കൊഴുപ്പടങ്ങിയ സണ്‍ഫഌര്‍ ഓയില്‍, ഒലിവ് ഓയില്‍, സോയാബീന്‍ ഓയില്‍, റൈസ് ഓയില്‍ എന്നിവ പാചകത്തിനായി ഉപയോഗിക്കുന്നതാണ് നല്ലത്. നിത്യേനയുള്ള എണ്ണയുടെ ഉപയോഗം 15 മുതല്‍ 29 ഗ്രാമില്‍ കൂടാതിരിക്കാനും ശ്രദ്ധിക്കണം.
കാത്സ്യം
പ്രായമാകുമ്പോള്‍ എല്ലുകളുടെ ബലം കുറയാന്‍ ഇടയുള്ളതുകൊണ്ട് കാത്സ്യം ധാരാളം ആവശ്യമാണ്. 50 വയസ്സുകഴിഞ്ഞ സ്ത്രീകളില്‍ ഈസ്ട്രജന്റെ അളവ് കുറയുന്നതിനനുസരിച്ച് ബോണ്‍ ഡെന്‍സിറ്റി കുറയുന്നതായി കണ്ടുവരുന്നു. ഭക്ഷണത്തില്‍ ദിവസവും 800 മുതല്‍ 1000 ഗ്രാം വരെ കാത്സ്യം ലഭ്യമാക്കണം. പാല്‍, പാലുത്പ്പന്നങ്ങള്‍, ഇലക്കറികള്‍, മുള്ളോടുകൂടിയ മത്സ്യങ്ങള്‍, പയറുവര്‍ഗ്ഗങ്ങള്‍ എന്നിവയിലെല്ലാം കാത്സ്യം ധാരാളമുണ്ട്.
അയണ്‍
പ്രായമാകുമ്പോള്‍ ആഹാരത്തില്‍ ഉണ്ടാകുന്ന അയണിന്റെ കുറവ് പലതരം രോഗങ്ങള്‍ക്ക് കാരണമാകും. മട്ടണ്‍, ബീഫ്, കരള്‍, മുട്ട, കടുംനിറത്തിലുള്ള പച്ചക്കറികള്‍, ഡ്രൈഫ്രൂട്ട്‌സ്, ശര്‍ക്കര, തണ്ണിമത്തന്‍, മാതളം എന്നിവയിലെല്ലാം അയണ്‍ ധാരാളമുണ്ട്.
ആന്റി ഓക്‌സിഡന്റുകള്‍
പ്രായാധിക്യത്തെ ചെറുത്തു നില്‍ക്കുന്നതിന് ആന്റി ഓക്‌സിഡന്റുകളുടെ പ്രാധാന്യം ഏറെയാണ്. വിറ്റാമിന്‍ എ, സി, ഇ എന്നിവയാണ് അതില്‍ മുന്നില്‍. കരള്‍, മത്സ്യം, മുട്ട്, പാല്‍, യോഗര്‍ട്ട്, മഞ്ഞ, ഓറഞ്ച് നിറങ്ങളുള്ള പഴവര്‍ഗ്ഗങ്ങള്‍ പച്ചക്കറികള്‍ എന്നിവയിലെല്ലാം വിറ്റാമിന്‍ എ സമൃദ്ധമാണ്. നട്ട്‌സ്, വെജിറ്റബിള്‍ ഓയിലുകള്‍, അവാക്കാഡോ, ബ്രോക്കോളി, കിവി, മത്തി എന്നിവ വിറ്റാമിന്‍ ഇയുടെ കലവറകളാണ്. ഓറഞ്ച്, നാരങ്ങ, നെല്ലിക്ക, പേരയ്ക്ക, കാപ്‌സിക്കം എന്നിവയിലെല്ലാം വിറ്റാമിന്‍ സി ധാരാളമുണ്ട്.
Content Highlights: anti aging food and diet
Published: 14 Jul 2023, 10:32 am IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented