ഫ്ലയിങ് കിസ് വീഡിയോയ്ക്കൊപ്പം അനുഷ്ക ശർമ്മയുടെ വസ്ത്രത്തിന്റെ വില കേട്ട് അമ്പരന്ന് ആരാധകർ

ഐപിഎൽ ആവേശം ഇന്ത്യയിലാകെ പടർന്നു കഴിഞ്ഞു. ശനിയാഴ്ച നടന്ന മത്സരത്തിൽ സൺറൈസേഴ്‌സിനെതിരെ റോയൽ ചലഞ്ചേഴ്‌സ് വിജയം നേടിയെങ്കിലും, സോഷ്യൽ മീഡിയയിൽ വൈറലായത് വിരാട് കോഹ്‌ലിയും ഭാര്യ അനുഷ്ക ശർമ്മയും കൈമാറിയ 'ഫ്ലയിങ് കിസ്' ആണ്. ആരവം നിറഞ്ഞ സ്റ്റേഡിയത്തിൽ വെച്ച് ഇരുവരും വീണ്ടും തങ്ങളുടെ പ്രണയം പ്രകടിപ്പിച്ചപ്പോൾ അത് കാണികൾക്ക് ഒരു വിരുന്നായി മാറി. മത്സരം കഴിഞ്ഞ് മടങ്ങവെ, ഗാലറിയിലിരിക്കുന്ന അനുഷ്കയ്ക്ക് വിരാട് നൽകിയ ഫ്ലയിങ് കിസാണ് വീഡിയോയിൽ.

എന്നാൽ വാർത്ത അവിടെ അവസാനിക്കുന്നില്ല. അനുഷ്ക ശർമ്മ ധരിച്ചിരുന്ന ക്ലാസിക് ജീൻസും ഫ്ലോറൽ ടോപ്പും ഫാഷൻ പ്രേമികളുടെ ശ്രദ്ധ പിടിച്ചുപറ്റി. വളരെ ലളിതമെന്ന് തോന്നുമെങ്കിലും അതീവ സുന്ദരിയായാണ് താരം എത്തിയത്. ലെയർ ചെയ്ത ഗോൾഡ് നെക്ലേസ് കൂടി ചേർന്നപ്പോൾ അനുഷ്കയുടെ ലുക്ക് പൂർണ്ണമായി.

ഗൂഗിൾ ലെൻസിലൂടെയുള്ള തിരച്ചിലിൽ, അനുഷ്ക ധരിച്ച ആ മനോഹരമായ ഫ്ലോറൽ ടോപ്പ് പാരീസിലെ പ്രശസ്ത ബ്രാൻഡായ 'സെസെയ്ൻ' (Sezane) ശേഖരത്തിലുള്ളതാണെന്ന് വ്യക്തമായി. വെബ്സൈറ്റ് പ്രകാരം ഇതിന്റെ വില 150 യൂറോ (ഏകദേശം 16,361.71 രൂപ) ആണ്. നീളൻ കൈകളും, വി-നെക്ക്‌ലൈനും, റഫിൾസ് ഡിസൈനും ചേർന്ന ഈ ടോപ്പ് വേനൽക്കാലത്തിന് അനുയോജ്യമായ പീച്ച് നിറത്തിലുള്ളതാണ്.

അതിനൊപ്പം ധരിച്ചിരുന്നത് 'സാൻഡ്രോ' (Sandro) ബ്രാൻഡിന്റെ ഫേഡഡ് ബാരൽ ജീൻസാണ്. ഹൈ-വെയ്സ്റ്റ് ഫിറ്റും വീതിയേറിയ കാലുകളും ധരിക്കാൽ സുഖപ്രദമാണ്. ഇതിന്റെ വില 239 പൗണ്ട് (ഏകദേശം 29,925.95 രൂപ) വരും. അതായത് അനുഷ്കയുടെ ഈ സിംപിൾ കോംബോയുടെ ആകെ തുക 46,286 രൂപയാണ്!

വെറുമൊരു വസ്ത്രധാരണം എന്നതിലുപരി, സാധാരണ വസ്ത്രങ്ങളെ എങ്ങനെ സ്റ്റൈലിഷ് ആക്കാം എന്നതിനും അനുഷ്ക ഇവിടെ മാതൃകയായി. ലെയർ ചെയ്ത മാലയ്‌ക്കൊപ്പം കട്ടിയേറിയ മോതിരങ്ങളും ബ്രേസ്‌ലെറ്റും വാച്ചും താരം ധരിച്ചിരുന്നു. ലളിതമായ മേക്കപ്പും പിങ്ക് ലിപ്സ്റ്റിക് ഷേഡും താരത്തിന്റെ ലുക്കിന് കൂടുതൽ മിഴിവേകി.

വളരെ എളുപ്പത്തിൽ ആർക്കും അനുകരിക്കാവുന്നതാണ് അനുഷ്കയുടെ ഈ ലുക്ക്. സാധാരണമായ ഒരു വസ്ത്രത്തെ എങ്ങനെ ഒരു ഫാഷൻ സ്റ്റേറ്റ്‌മെന്റ് ആക്കി മാറ്റാം എന്ന് താരം കാണിച്ചുതരുന്നു.

കൂടുതൽ ഫീച്ചറുകൾ വായിക്കാൻ ഗൃഹലക്ഷ്മി വാട്സാപ്പ് ഗ്രൂപ്പിൽ അംഗമാകൂ:https://mbi.page.link/grihalakshmi