തമിഴ്‌നാട് മുഖ്യമന്ത്രിയും നടനുമായ വിജയ്‌യുടെ മകൻ ജേസൺ സഞ്ജയ് സിനിമാ സംവിധാനത്തിലേക്ക് ചുവടുവെക്കാനൊരുങ്ങുകയാണ്. ജേസൺ ആദ്യമായി സംവിധാനം ചെയ്യുന്ന 'സിഗ്മ' എന്ന ചിത്രത്തിന്റെ പ്രൊമോഷൻ ചടങ്ങിൽ തെലുങ്ക് മെഗാസ്റ്റാർ ചിരഞ്ജീവി പങ്കുവെച്ച വാക്കുകളാണ് ഇപ്പോൾ സോഷ്യൽ മീഡിയയിൽ ശ്രദ്ധനേടുന്നത്.

90-കളുടെ തുടക്കത്തിൽ തമിഴ് സിനിമയിൽ തിളങ്ങിനിന്ന വിജയ്‌യുടെ അതേ രൂപമാണ് ജേസണെന്നും എന്തുകൊണ്ടാണ് അഭിനയം തിരഞ്ഞെടുക്കാതിരുന്നതെന്നും ചിരഞ്ജീവി ചോദിക്കുകയുണ്ടായി.

Also Read

placeholder

എന്തുകൊണ്ടാണ് വെയിൽ ഉണ്ടായിട്ടും ഇന്ത്യക്കാരിൽ വിറ്റാമിൻ ഡി കുറയുന്നത്?

placeholder

'ഒരു സൂപ്പർസ്റ്റാറിന്റെ മകനോ, മുഖ്യമന്ത്രിയുടെ മകനോ'; സഞ്ജയ്‌യുടെ മറുപടിയിങ്ങനെ

placeholder

13 വർഷത്തെ പ്രണയം, ഒടുവിൽ വിവാഹം; മത്യാസ് ബോയുമായുള്ള ബന്ധത്തിന്റെ രഹസ്യം വെളിപ്പെടുത്തി താപ്സി പന്നു

ഹൈദരാബാദിൽ നടന്ന ചടങ്ങിൽ ചിരഞ്ജീവി പറഞ്ഞതിങ്ങനെ: "സിഗ്മയുടെ ചടങ്ങിലേക്ക് ക്ഷണിക്കാൻ ജേസൺ എന്നെ വന്നുകണ്ടപ്പോൾ ഞാൻ ആദ്യം ചോദിച്ചത് ഇതാണ്: '1993-95 കാലഘട്ടത്തിലെ നിന്റെ പിതാവിനെപ്പോലെ തന്നെയാണ് നീയിരിക്കുന്നത്. പിന്നെന്തുകൊണ്ട് അഭിനയിച്ചുകൂടാ?' എന്നാൽ, എഴുത്തിലും സംവിധാനത്തിലുമാണ് തനിക്ക് വർഷങ്ങളായി താല്പര്യമെന്നും, അതിൽത്തന്നെ മുന്നോട്ടു പോകാനാണ് ആഗ്രഹിക്കുന്നതെന്നും ജേസൺ മറുപടി നൽകി."

ജേസണിന്റെ ക്രിയേറ്റീവ് കഴിവുകൾക്ക് പിന്നിൽ വിജയ്‌യേക്കാൾ കൂടുതൽ അദ്ദേഹത്തിന്റെ മുത്തശ്ശനും മുത്തശ്ശിയുമാണെന്ന് ചിരഞ്ജീവി അഭിപ്രായപ്പെട്ടു. വിജയ്‌യുടെ പിതാവും സംവിധായകനുമായ എസ്.എ. ചന്ദ്രശേഖർ, കഥാകൃത്തായ അമ്മ ശോഭ എന്നിവരിൽ നിന്നാണ് ജേസണിന് ഈ കഴിവ് പാരമ്പര്യമായി ലഭിച്ചത്. ചിരഞ്ജീവി അഭിനയിച്ച 'ചട്ടനികി കല്ലു ലേവു' (1981), 'ദേവാന്തകുഡു' (1984) തുടങ്ങിയ ജനപ്രിയ തെലുങ്ക് ചിത്രങ്ങൾ സംവിധാനം ചെയ്തത് ചന്ദ്രശേഖറായിരുന്നു; ഇവയുടെ കഥ എഴുതിയത് ശോഭയും.

"മുത്തശ്ശനും പിതാവും സിനിമയിൽ വലിയ ഉയരങ്ങൾ കീഴടക്കിയവരാണ്. ജേസൺ സഞ്ജയ്‌യും തന്റെ ആദ്യ ചിത്രമായ 'സിഗ്മ'യിലൂടെ ആ വിജയം ആവർത്തിക്കട്ടെ എന്ന് ഞാൻ ആശംസിക്കുന്നു," ചിരഞ്ജീവി കൂട്ടിച്ചേർത്തു.

1992-ൽ എസ്.എ. ചന്ദ്രശേഖർ സംവിധാനം ചെയ്ത 'നാളൈ തീർപ്പ്' എന്ന ചിത്രത്തിലൂടെയാണ് വിജയ് അഭിനയരംഗത്തേക്ക് എത്തുന്നത്. തുടർന്ന് 'സെന്തൂരപാണ്ടി', 'രസിഗൻ', 'ദേവ' തുടങ്ങിയ ചിത്രങ്ങളിലൂടെ അദ്ദേഹത്തെ സ്റ്റാർഡത്തിലേക്ക് ഉയർത്തിയതും പിതാവ് തന്നെയാണ്. എന്നാൽ പിതാവിന്റെയും മുത്തശ്ശന്റെയും പാത പിന്തുടർന്ന് ക്യാമറയ്ക്ക് പിന്നിൽ നിലയുറപ്പിക്കാനാണ് ജേസൺ സഞ്ജയ് തീരുമാനിച്ചത്.

ലൈക്കാ പ്രൊഡക്ഷൻസ് നിർമ്മിക്കുന്ന 'സിഗ്മ' ഒരു ഹൈസ്റ്റ് ത്രില്ലറാണ്. സന്ദീപ് കിഷൻ, ഫറിയ അബ്ദുള്ള എന്നിവരാണ് പ്രധാന വേഷങ്ങളിൽ എത്തുന്നത്. ചിത്രം ഒക്ടോബർ 2-ന് തിയറ്ററുകളിൽ എത്തും.

കൂടുതൽ ഫീച്ചറുകൾ വായിക്കാൻ ഗൃഹലക്ഷ്മി വാട്സാപ്പ് ഗ്രൂപ്പിൽ അംഗമാകൂ:https://mbi.page.link/grihalakshmi