ആദ്യപങ്കാളിയുടെ വേര്‍പാടിന്റെ ഇരുട്ടില്‍നിന്ന് പുതുജീവിതത്തിന്റെ വെളിച്ചത്തിലേക്ക്

കഴിഞ്ഞദിവസം എന്റെ പുനര്‍വിവാഹവാര്‍ത്തയറിഞ്ഞ് ഒരു സുഹൃത്ത് ചോദിച്ചു: ''എന്തേ ഇത്ര പെട്ടെന്ന് ഇങ്ങനെയൊരു തീരുമാനമെടുക്കാന്‍?''മറുപടിയായി ഞാന്‍ എന്തൊക്കെയോ ടൈപ്പ് ചെയ്തു. പിന്നെ ഓര്‍മ്മകളില്‍ വഴുതിവീണ് അതൊക്കെയും ഡിലീറ്റ് ചെയ്തു. എന്നിട്ടെഴുതി: ''മരിച്ചുപോകാതിരിക്കാന്‍'', അപ്പുറത്ത് അല്പനേരം നിശ്ശബ്ദത. പിന്നെ മറുപടിയെത്തി: ''അത് നന്നായി.'' എന്നെ സ്‌നേഹിക്കുന്നവര്‍, അത് സുഹൃത്തുക്കളോ ബന്ധുക്കളോ വായനക്കാരോ വെറും പരിചയക്കാരോ ആവട്ടെ, എന്റെ വിവാഹവാര്‍ത്ത കേട്ടപ്പോള്‍ ഒരേപോലെ നല്‍കിയ മറുപടി അതുതന്നെയായിരുന്നു: ''നന്നായി.'' അവരുടെ ശബ്ദങ്ങളില്‍ സന്തോഷത്തോടൊപ്പംതന്നെ ആശ്വാസവും സമാധാനവും നിറഞ്ഞുനിന്നു. 

നമ്മുടെ സമൂഹത്തില്‍ രണ്ടാമതൊരു വിവാഹബന്ധത്തിലേക്ക് കടക്കുന്ന ഒരാള്‍ക്ക്, പ്രത്യേകിച്ച് അതൊരു സ്ത്രീയാണെങ്കില്‍, നേരിടേണ്ടിവരുന്ന പരീക്ഷകള്‍ ഒട്ടും ചെറുതല്ല. സംശയങ്ങള്‍, മുള്ളും മുനയും ഉള്ള ചോദ്യങ്ങള്‍, പിന്നാമ്പുറ ചര്‍ച്ചകള്‍, ഒളിഞ്ഞുനോട്ടങ്ങള്‍, കഴിഞ്ഞ ബന്ധത്തെക്കുറിച്ചുള്ള കുറ്റാന്വേഷണങ്ങള്‍, അപവാദങ്ങള്‍. നെഗറ്റിവിറ്റിയുടെ ഒരു കൂമ്പാരം. സങ്കടക്കടലില്‍ നീന്തിത്തളര്‍ന്ന് ഒരു താങ്ങിന് അല്ലെങ്കില്‍ അല്പം ഒരു സമാധാനത്തിന് വീണ്ടും വിവാഹം കഴിക്കുന്നവരായിരിക്കും പലരും. അതിനിടയില്‍ ഈ നെഗറ്റിവിറ്റിയോടൊക്കെ പൊരുതി ജീവിതംതന്നെ മടുത്തുപോകും.

(കുറിപ്പ് പൂര്‍ണമായി വായിക്കാം പുതിയ ലക്കം ഗൃഹലക്ഷ്മിയില്‍, ഓണ്‍ലൈന്‍ വഴി വാങ്ങാന്‍ ഇവിടെ ക്ലിക്ക് ചെയ്യുക)