ഏകദേശം നാല് പതിറ്റാണ്ടോളം നീണ്ട അഭിനയജീവിതത്തിൽ സൽമാൻ ഖാൻ ബോളിവുഡിന് ഒട്ടേറെ പുതുമുഖങ്ങളെ പരിചയപ്പെടുത്തിയിട്ടുണ്ട്. 2005-ൽ, രാധിക റാവുവും വിനയ് സപ്രൂവും ഒരുമിച്ചൊരുക്കിയ 'ലക്കി: നോ ടൈം ഫോർ ലവ്' എന്ന ചിത്രത്തിലൂടെ അദ്ദേഹം സ്നേഹ ഉള്ളാൾ എന്ന പുതുമുഖ നടിയെ പരിചയപ്പെടുത്തി. സമകാലികരിൽ നിന്ന് സ്നേഹയെ വ്യത്യസ്തയാക്കിയത് ബോളിവുഡ് സുന്ദരി ഐശ്വര്യ റായി ബച്ചനുമായുള്ള അവരുടെ അസാമാന്യ സാമ്യമായിരുന്നു. സൽമാന്റെ സഹോദരി അർപ്പിത ഖാൻ ശർമ്മയാണ് സ്നേഹയെ കണ്ടെത്തുന്നതും ചിത്രത്തിനായി അവരെ നിർദ്ദേശിച്ചതും. അടുത്തിടെ നൽകിയ അഭിമുഖത്തിൽ, ഐശ്വര്യയുമായുള്ള കൂടിക്കാഴ്ചയെക്കുറിച്ചും 'ലക്കി: നോ ടൈം ഫോർ ലവ്' എന്ന ചിത്രത്തിന്റെ സെറ്റിൽ സൽമാൻ എത്ര ക്ഷമയോടെയാണ് പെരുമാറിയതെന്നും സ്നേഹ തുറന്നുപറഞ്ഞിരുന്നു.

സൽമാൻ വളരെ മുതിർന്ന താരമായിരുന്നപ്പോഴാണ് സ്നേഹ ഒരു പുതുമുഖമായി കടന്നുവരുന്നത്. ചിത്രീകരണ സമയത്ത് സൽമാൻ  തന്നെ ഒരുപാട് പിന്തുണച്ചുവെന്ന് സ്നേഹ പറയുന്നു. സെറ്റിൽ അദ്ദേഹം ദേഷ്യപ്പെട്ടിരുന്നോ എന്ന് ചോദിച്ചപ്പോൾ "ഒരിക്കൽ പോലും ഇല്ല, എന്നോട് വളരെ ക്ഷമയോടെയാണ് പെരുമാറിയത്. പിന്തുണയും നൽകി. ആളുകൾക്ക് അറിയാവുന്ന സൽമാൻ ഖാന്റെ സ്വഭാവം അദ്ദേഹം എന്നോട് കാണിച്ചില്ല." സ്നേഹ പറഞ്ഞു. "എനിക്ക് ഒരിക്കലും അഭിനയത്തിലേക്ക് (acting) വരണമെന്ന് തോന്നിയിരുന്നില്ല. ഞാൻ കോളേജിലായിരുന്നു. ഐശ്വര്യ റായ് മിസ്സ് വേൾഡ് ആയ സമയത്ത്, ഞാൻ എന്റെ ലോകത്ത് മിസ്സ് വേൾഡ് ആകുകയായിരുന്നു. അവർ ലോകമെമ്പാടും അംഗീകരിക്കപ്പെട്ടപ്പോൾ, ഞാൻ എന്റെ ചെറിയ ലോകത്ത് പ്രശസ്തയായി, കാരണം പലരും എന്നോട് പറയുമായിരുന്നു ഞാൻ അവരെപ്പോലെയാണെന്ന്."

Also Read

placeholder

‘സംഗീത ഒരു സാധാരണ വീട്ടമ്മയാണ്. വളരെ സുന്ദരിയും സ്നേഹിക്കുന്നവളും’- വിജയ്‌യുടെ അമ്മ പറഞ്ഞു

placeholder

‘വിവാഹത്തിന് മുമ്പ് സംഗീത തന്നെ സന്തോഷിപ്പിക്കാൻ ഒരുപാട് കാര്യങ്ങൾ ചെയ്യുമായിരുന്നു’

placeholder

'തൃഷ വളരെ മാന്യതയുള്ള സ്ത്രീയാണ്'-വിവാദങ്ങളിൽ പിന്തുണച്ച് ഖുശ്ബു

അഭിമുഖത്തിനിടെ, ഐശ്വര്യ റായി ബച്ചനെ (beauty queen) കണ്ടുമുട്ടിയ സമയത്തെക്കുറിച്ചും സ്നേഹ പറഞ്ഞു. "ഞാൻ ഐശ്വര്യയെ ഒരിക്കൽ കണ്ടു, 'കുടുംബത്തിലേക്ക് സ്വാഗതം. ബോളിവുഡിലേക്ക് സ്വാഗതം' അങ്ങനെ എന്തോ അവർ പറഞ്ഞു. ഞാൻ അവരോട് പറഞ്ഞു, 'ക്ഷമിക്കണം, ദയവായി എന്നെ വെറുക്കരുത്'. അന്ന് മാധ്യമങ്ങളിൽ ഒരുപാട് താരതമ്യങ്ങൾ നടന്നിരുന്നു, അവർക്ക് വിഷമം തോന്നിയോ എന്ന് എനിക്കറിയില്ല."

ഐശ്വര്യയുമായുള്ള താരതമ്യങ്ങൾ നടിയെന്ന നിലയിൽ പിന്നീട് കരിയറിൽ സഹായിച്ചില്ലെന്നും സ്നേഹ അവകാശപ്പെട്ടു. പക്ഷേ, അതവർക്ക് ധാരാളം അംഗീകാരം നേടിക്കൊടുത്തിരുന്നു. 'ലക്കി'ക്ക് ശേഷം, സൽമാന്റെ സഹോദരൻ സോഹൈൽ ഖാനൊപ്പം 'ആര്യൻ' (2006) എന്ന ചിത്രത്തിലും പിന്നീട് തെലുങ്ക് ചിത്രങ്ങളിലും സ്നേഹ അഭിനയിച്ചിരുന്നു.

കൂടുതൽ ഫീച്ചറുകൾ വായിക്കാൻ ഗൃഹലക്ഷ്മി വാട്സാപ്പ് ഗ്രൂപ്പിൽ അംഗമാകൂ:https://mbi.page.link/grihalakshmi