ഇന്ത്യയിലും ലോകമെമ്പാടും ബോക്സ് ഓഫീസ് റെക്കോർഡുകൾ തകർത്ത് മുന്നേറുകയാണ് ആദിത്യ ധറിന്റെ 'ധുരന്ധർ: ദി റിവഞ്ച്'. ചിത്രം ഇതിനോടകം ആഗോളതലത്തിൽ 1200 കോടി രൂപയിലധികം നേടിയിട്ടുണ്ട്. പാകിസ്താനിലെ ല്യാരിയെന്ന പ്രദേശത്തെ ചുറ്റിപ്പറ്റിയാണ് സിനിമയുടെ പ്രമേയം. ഇപ്പോൾ ല്യാരിയിലെ ആളുകൾ തങ്ങളുടെ നഗര വികസനത്തിനായി ചിത്രത്തിന്റെ വരുമാനത്തിൽ നിന്ന് 500 കോടി രൂപയോ അല്ലെങ്കിൽ 70-80 ശതമാനമോ ആവശ്യപ്പെട്ട് രംഗത്തെത്തിയിരിക്കുകയാണ്.

'Comparison TV' എന്ന യൂട്യൂബ് ചാനലാണ് ല്യാരിയിൽ നിന്നുള്ള ഒരു വീഡിയോ പങ്കുവെച്ചത്. അതിൽ 'ധുരന്ധർ 2'ന്റെ വിജയത്തെക്കുറിച്ച് പ്രദേശവാസികൾ സംസാരിക്കുന്നു. വീഡിയോയിൽ, ഒരു നിവാസി ഇങ്ങനെ പറയുന്നു- "ല്യാരിയെ അടിസ്ഥാനമാക്കിയുള്ള ചിത്രമാണിത്, വളരെ പ്രധാനപ്പെട്ട സിനിമയാണ്, ധാരാളം പണം നേടിയിട്ടുണ്ട്. ല്യാരിക്ക് വലിയ പുരോഗതിയുണ്ടാകട്ടെ, ഈ റോഡുകൾ പണിയട്ടെ."

Also Read

placeholder

ധുരന്ധർ ചെയ്യാൻ മടിച്ചത് പ്രമുഖർ, അക്ഷയ് ഖന്നയും അർജുൻ രാംപാലും സഞ്ജയ് ദത്തും സമയമെടുത്തു

placeholder

ധുരന്ധറിനെപ്പറ്റി ചോദ്യം; താൻ സിനിമകൾ കാണാറില്ലെന്ന് ആമിർ ഖാൻ

placeholder

ഒരു രാത്രികൊണ്ട് ‘പാകിസ്താൻ’ ആയി മാറിയ ഇന്ത്യൻ ഗ്രാമം

മറ്റൊരാൾ മാധ്യമങ്ങളോട് പറഞ്ഞത് ഇങ്ങനെയാണ്: "1000 കോടി രൂപ ലഭിക്കുന്നുണ്ടെങ്കിൽ, 500 കോടി രൂപ ല്യാരിക്കാർക്ക് നൽകൂ. (Lyari demands ₹500 crore from Aditya Dhar) നിങ്ങളുടെ വരുമാനത്തിന്റെ പകുതി നൽകിയാൽ ഈ റോഡുകൾ പണിയാം. കുട്ടികൾ നടക്കുമ്പോൾ അവരുടെ കാലിൽ പരിക്കുകളുണ്ടാവുന്നു."

"ഞങ്ങൾ വളരെക്കാലമായി ആവശ്യപ്പെടുന്നുണ്ട്, പക്ഷേ ല്യാരിക്ക് ഒന്നും ലഭിച്ചിട്ടില്ല. എന്തെങ്കിലും നൽകൂ സഹോദരാ."-മറ്റൊരാൾ പറഞ്ഞു. 'ധുരന്ധർ 2'ന്റെ വരുമാനത്തിൽ നിന്ന് ല്യാരിക്ക് എത്ര ലഭിക്കണം എന്ന് യൂട്യൂബർ ചോദിച്ചപ്പോൾ, "കുറഞ്ഞത് കോടികളെങ്കിലും ലഭിക്കണം. 70%-80% ലഭിക്കണം. വരുമാനം എവിടെ നിന്നാണ് വരുന്നത്? ല്യാരിയുടെ പേരിൽ നിന്നും അവിടുത്തെ സാഹചര്യങ്ങൾ ഉപയോഗിച്ചുമാണ് ഇത് നേടിയെടുത്തത്, അതിനാൽ അവർ സംഭാവന നൽകണം." എന്നായിരുന്നു ഒരാളുടെ മറുപടി.

ഇന്ത്യൻ ആരാധകരും ഈ വീഡിയോകളോട് പ്രതികരിച്ചു. "ല്യാരിക്കാർക്ക് ആദിത്യയിൽ നിന്ന് വികസനം വേണമെന്ന് തോന്നുന്നു. ഒരു ഡീൽ ഉണ്ടാക്കി സിനിമയ്ക്ക് കൂടുതൽ ഉള്ളടക്കം നൽകാം.", "ആദിത്യ ധർ, ല്യാരിക്ക് നിങ്ങളുടെ പേരിൽ ഒരു റോഡ് ആവശ്യമുണ്ട്."-എന്നിങ്ങനെ നീളുന്നു കമന്റുകൾ.

ല്യാരിയിലെ കുറ്റവാളി സംഘങ്ങളെ നശിപ്പിക്കാനും ഇന്ത്യയെ ബാധിക്കുന്ന അധോലോകത്തെയും ഭീകരവാദ ശൃംഖലയെയും തകർക്കാനുമായി ഇന്ത്യൻ ചാരനെത്തുന്ന കഥയാണ് ധുരന്ധർ പറയുന്നത്.

രൺവീർ സിങ് ആണ് പ്രധാനവേഷത്തിലെത്തിയത്.

കൂടുതൽ ഫീച്ചറുകൾ വായിക്കാൻ ഗൃഹലക്ഷ്മി വാട്സാപ്പ് ഗ്രൂപ്പിൽ അംഗമാകൂ:https://mbi.page.link/grihalakshmi