അതിക്രമത്തിനിരയാകുന്ന കുഞ്ഞുങ്ങൾ, മനസ്സിനേറ്റ മുറിവ് ഇങ്ങനെയാവാം പ്രകടിപ്പിക്കുന്നത്‌

അമ്മ പുഴയിലെറിഞ്ഞ് കൊലപ്പെടുത്തിയ മൂന്നര വയസ്സുകാരി പീഡനത്തിനിരയായ കേസിൽ കുഞ്ഞിന്റെ പിതൃസഹോദരൻ അറസ്റ്റിൽ. ചോദ്യംചെയ്യലിൽ കുട്ടിയെ ലൈംഗികാതിക്രമങ്ങൾക്ക് ഇരയാക്കിയിരുന്നുവെന്ന് ഇയാൾ സമ്മതിച്ചുവെന്ന് പോലീസ് വ്യക്തമാക്കി. കുട്ടിയെ വീട്ടിൽവെച്ചാണ് പീഡിപ്പിച്ചിരുന്നതെന്ന് ഇയാൾ പോലീസിനോട് സമ്മതിച്ചുവെന്നാണ് പുറത്തുവരുന്ന വിവരങ്ങൾ. ഇതോടെ വീട്ടിലും കുഞ്ഞുങ്ങൾ എത്രത്തോളം സുരക്ഷിതരാണെന്ന ചോദ്യങ്ങൾ വീണ്ടും ഉയരുകയാണ്.

തിരിച്ചറിയാം, താങ്ങേകാം
അതിക്രമത്തിനിരയാകുന്ന കുട്ടികള്‍ പെരുമാറ്റങ്ങളിലൂടെ പരോക്ഷമായെങ്കിലും മനസ്സിനേറ്റ മുറിവ് പ്രകടിപ്പിക്കാനിടയുണ്ട്. എവിടെനിന്നാണോ ദുരനുഭവം നേരിടേണ്ടിവന്നത് അവിടേക്ക് പോകാന്‍ മടിച്ചേക്കാം. ഉറക്കമില്ലായ്മയും അനുഭവപ്പെടും. ആവര്‍ത്തിച്ച് പേടിസ്വപ്‌നങ്ങള്‍ കാണും. കിടക്കയില്‍ മൂത്രമൊഴിക്കാനും അനിയന്ത്രിതമായി കരയാനുമിടയുണ്ട്. വിശപ്പില്ലായ്മയും സൗഹൃദങ്ങളിലെ വിമുഖതയുമെല്ലാം അവര്‍ തരുന്ന സൂചനകളാകാം.

Content Highlights: caring for kids, what parents need to know about sexual abuse