പ്രണയവിവാഹവും വേർപാടിനെക്കുറിച്ചുമൊക്കെ ചോദിക്കുമ്പോൾ അവർ സ്വയം കുറ്റപ്പെടുത്തുകയായിരുന്നു

ചലച്ചിത്രകലപോലെ ഇത്രയധികം ജനസ്വീകാര്യതയുള്ള കലാരൂപം ലോകത്ത് വേറെ ഏതാണുള്ളത്? ഞാൻ മനസ്സുകൊണ്ട് പലവട്ടം പല പഠനങ്ങളും നടത്തിനോക്കിയെങ്കിലും പുതിയ നവതരംഗം വന്നിട്ടുകൂടി സിനിമയെന്ന മാധ്യമത്തിനുമേലെ നിൽക്കുന്ന മറ്റൊരു കലാരൂപവും ഇതുവരെ ലോകത്ത് ഉണ്ടായിട്ടില്ലെന്നാണ് എനിക്ക് മനസ്സിലാക്കാൻ കഴിഞ്ഞത്. ഇതുപോലെതന്നെയാണ് സിനിമയോട് ഇഴചേർന്നു നിൽക്കുന്ന സിനിമാ സംഗീതവും. ഒന്ന് ദൃശ്യവിസ്മയവും മറ്റൊന്ന് ശ്രവണാനുഭവവും.
സിനിമയെയും സിനിമാസംഗീതത്തെയും കുറിച്ച് ഇങ്ങനെ ചില വരികൾ ഇവിടെ കുറിച്ചിടാൻ നിമിത്തമായത് ഇക്കുറി കഥയിലെ നായികമാരിലേക്ക് തെന്നിന്ത്യൻ സിനിമയിലെ പ്രശസ്ത താരമുഖമായ രോഹിണി എന്ന അഭിനേത്രിയുടെ കടന്നുവരവാണ്. മാത്രമല്ല, രോഹിണിയുടെ സിനിമാ പ്രവേശത്തിന് ഒരു ഇരട്ടിമധുരത്തിന്റെ പ്രത്യേക മാധുര്യമുണ്ടെന്നു പറയാനാണ് എനിക്ക് ഏറെ ഇഷ്ടം. ആ ഇഷ്ടത്തിന്റെകൂടെ എന്റെയും ഒരു ചെറിയ-വലിയ ഇഷ്ടമുണ്ടെന്ന് കൂട്ടിക്കോളൂ. ആ ഇഷ്ടം കയറിവന്ന വഴി ഇങ്ങനെയാണ്.

Content Highlights: kaloor-dennis-reminisces-actress-rohini-cinema-journey