ക്രിക്കറ്റ് ലോകം കണ്ട എക്കാലത്തെയും മികച്ച ക്യാപ്റ്റനായിരുന്നു മഹേന്ദ്ര സിങ് ധോണി (MS Dhoni). ‘ക്യാപ്റ്റൻ കൂൾ’ എന്നാണ് അദ്ദേഹത്തെ ആരാധകർ സ്നേഹത്തോടെ വിളിക്കുന്നത്. അന്താരാഷ്ട്രക്രിക്കറ്റിൽ നിന്ന് വിരമിച്ചശേഷവും, ഇന്ത്യയുടെ മിക്ക ഇന്നിങ്ങ്സും കാണാൻ ഗാലറിയിലെത്താറുണ്ട് താരം. ഇംഗ്ലണ്ടിനെതിരായ ടി20 ലോകകപ്പ് (T20 Worldcup) സെമിഫൈനൽ മത്സരം കാണാനും ധോണിയും ഭാര്യ സാക്ഷിയും എത്തിയിരുന്നു. മുംബൈയിൽ നടന്ന ആവേശകരമായ സെമിഫൈനലിൽ ഇംഗ്ലണ്ടിനെ ഏഴ് റൺസിന് പരാജയപ്പെടുത്തി ഇന്ത്യ ഫൈനലിൽ കടന്നു. 89 റൺസ് നേടിയ സഞ്ജു സാംസണാണ് ഇന്ത്യയുടെ വിജയത്തിൽ നിർണായകമായത്.
ഇന്ത്യ വിജയിച്ചതിന് പിന്നാലെ, ഗ്യാലറിയിലിരുന്ന എം.എസ്. ധോണിയുടെയും ഭാര്യ സാക്ഷിയുടെയും ഒരു വീഡിയോ സോഷ്യൽ മീഡിയയിൽ തരംഗമായിരിക്കുകയാണ്. മത്സരം അവസാനഘട്ടത്തിലേക്ക് എത്തിയപ്പോൾ, ഇന്ത്യ ഒരു വിക്കറ്റ് നേടിയെന്ന് കരുതി സാക്ഷി ധോണി ആവേശഭരിതയായി എഴുന്നേറ്റ് ആഹ്ളാദം പങ്കുവെച്ചു. എന്നാൽ, അപ്പോഴും കളി തുടരുന്നുണ്ടായിരുന്നു. ഇതുകണ്ട ധോണി സാക്ഷിയോട് ശാന്തമായി ഇരിക്കൂ, "ബൈഠ് ജാവോ" എന്ന് പറയുന്ന വീഡിയോയാണ് ഇപ്പോൾ സമൂഹമാധ്യമങ്ങളിൽ വൈറലായിരിക്കുന്നത്.
Also Read
ഇംഗ്ലണ്ടിന്റെ ബാറ്റിങ്ങിലെ 18-ാം ഓവറിൽ ജസ്പ്രീത് ബുംറയുടെ പന്ത്, സാം കറൻ പ്രതിരോധിച്ചപ്പോൾ, അത് വിക്കറ്റാണെന്ന് തെറ്റിദ്ധരിച്ച് സാക്ഷി ആവേശഭരിതയായി എഴുന്നേറ്റു. എന്നാൽ പന്ത് ബൗൺസ് ചെയ്തിരുന്നുവെന്ന് വ്യക്തമായിരുന്നു. എപ്പോഴും 'ക്യാപ്റ്റൻ കൂൾ' ആയി തുടരുന്ന ധോണി, സാക്ഷിയെ ശാന്തമാക്കുകയും അത് വിക്കറ്റല്ലെന്ന് പറഞ്ഞ് ഇരിക്കാൻ നിർദ്ദേശിക്കുകയും ചെയ്തു. അത് ഔട്ട് അല്ലെന്ന് ചുറ്റുമുണ്ടായിരുന്നവരും സാക്ഷിയെ പറഞ്ഞു മനസ്സിലാക്കുകയും, ശാന്തയാകു എന്നു പറയുന്നതും ദൃശ്യങ്ങളിൽ കാണാം. ഈ ദൃശ്യങ്ങൾ പെട്ടെന്നു വൈറലാവുകയും ക്രിക്കറ്റ് മീമുകളും ട്രോളുകളുമായി പ്രത്യക്ഷപ്പെടുകയും ചെയ്തു. ധോണിയുടെയും ഭാര്യയുടെയും ഈ ക്യൂട്ട് വീഡിയോ, ആരാധകർ ഇതിനോടകം ഏറ്റെടുത്തു കഴിഞ്ഞു. മത്സരത്തിലെ സഞ്ജു സാംസണിന്റെ പ്രകടനവും സോഷ്യൽ മീഡിയയിൽ വലിയ ചർച്ചയാണ്.
സച്ചിൻ തെണ്ടുൽക്കറുടെ മകൻ അർജുൻ തെണ്ടുൽക്കറുടെ വിവാഹത്തിൽ പങ്കെടുത്തതിന് ശേഷമാണ് ധോണിയും സാക്ഷിയും വാംഖഡെ സ്റ്റേഡിയത്തിലേക്ക് എത്തിയത്. ഞായറാഴ്ച അഹമ്മദാബാദിൽ വെച്ചാണ് ന്യൂസിലാൻഡിനെതിരായ ഫൈനൽ മത്സരം നടക്കുക.
കൂടുതൽ ഫീച്ചറുകൾ വായിക്കാൻ ഗൃഹലക്ഷ്മി വാട്സാപ്പ് ഗ്രൂപ്പിൽ അംഗമാകൂ:https://mbi.page.link/grihalakshmi
Content Highlights: MS Dhoni and his wife Sakshi attended the India vs England T20 World Cup semi-final., A video of Sakshi mistakenly celebrating a non-wicket went viral on social media., Dhoni was seen calmly telling her to sit down, saying 'Baith Jao'., The incident became a popular topic for memes and trolls among cricket fans., India won the match to enter the final, with Sanju Samson playing a key role.
Published: 06 Mar 2026, 11:35 am IST
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented