നൂറുവയസ്സുകാരി കാമാക്ഷിയമ്മ പാകത്തിന് രുചിചേര്‍ത്ത് വരട്ടിയ ആട്ടിന്‍കരള്‍, മധുരരസം വിതറിയ പലതരം പായസങ്ങള്‍, പിന്നെ തീയലും ചമ്മന്തിയും അടയും. ഗൃഹലക്ഷ്മി ഹോംഷെഫ് നാലാം സീസണിന്റെ അഞ്ചാം സോണല്‍ വേദിയായ കോഴിക്കോട് വുഡീസ് ബ്ലീഷര്‍ ഹോട്ടലില്‍ നടന്ന മത്സരത്തില്‍ മലബാറിന്റെ രുചിക്കൂട്ടുകള്‍ മാറ്റുരച്ചു. പാചക വിദഗ്ധ തെസ്‌നിം അസീസ്, പ്രദീപ് കൊല്ലേരി (എക്സിക്യുട്ടീവ് ഷെഫ്, വുഡീസ് ബ്ലീഷര്‍ ഹോട്ടല്‍)എന്നിവരായിരുന്നു വിധികര്‍ത്താക്കള്‍.
മൃദുഭാഷിണി (സീനിയര്‍ മാനേജര്‍, എല്‍.പി.ജി സെയില്‍സ്, കോഴിക്കോട്), ഹര്‍ഷന്ത് കുമാര്‍ (അസിസ്റ്റന്റ് മാനേജര്‍, എല്‍.പി.ജി സെയില്‍സ്), സായി കുമാര്‍ (സീനിയര്‍ സെയില്‍സ് ഓഫീസര്‍, എല്‍.പി.ജി സെയില്‍സ്), ഭരത് റാം (ഡയറക്ടര്‍, ഹൈനസ് പ്രോ ഡക്ട്‌സ്), അനുപമ രമേശ് (പ്രൊപ്രൈറ്റര്‍, കാലിക്കറ്റ് ഗ്യാസ് സര്‍വീസ്) എന്നിവര്‍ ചടങ്ങില്‍ അതിഥികളായി. ഇന്ത്യന്‍ ഓയില്‍ കോര്‍പ്പറേഷന്റെ പ്രതിനിധികള്‍ മത്സരാര്‍ഥികള്‍ക്ക് സേഫ് കുക്കിങ് വിവരങ്ങള്‍ അടങ്ങിയ കൈപ്പുസ്തകങ്ങള്‍ വിതരണം ചെയ്തു.
അവസാന സോണല്‍ മത്സരം നവംബര്‍ 21-ന് കണ്ണൂരില്‍ നടക്കും. സോണല്‍ മത്സരങ്ങളില്‍ നിന്ന് തിരഞ്ഞെടുക്കപ്പെടുന്ന 15 പേര്‍ ഗ്രാന്‍ഡ് ഫിനാലെയില്‍ മത്സരിക്കും. സോണലില്‍ വിജയം നേടിത്തന്ന വിഭവം ഫൈനലില്‍ തത്സമയം പാചകം ചെയ്യണം.
50,000 രൂപയാണ് ഒന്നാംസമ്മാനം. രണ്ടും മൂന്നും സ്ഥാനക്കാര്‍ക്ക് 30,000 രൂപയും 20,000 രൂപയുമാണ് സമ്മാനത്തുക. ഇതോടൊപ്പം 15 ഫൈനലിസ്റ്റുകളുടെയും ഫോട്ടോയും വിഭവങ്ങളുടെ പാചക കുറിപ്പും ഗൃഹലക്ഷ്മിയില്‍ പ്രസിദ്ധീകരിക്കും.
വിഡിയം ആണ് ഹോം ഷെഫ് നാലാം സീസണിന്റെ ടൈറ്റില്‍ സ്പോണ്‍സര്‍. ഇന്ത്യന്‍ ഓയില്‍ പ്രെസന്റിങ് സ്പോണ്‍സറും ഗോള്‍ഡ് വിന്നര്‍ ഹെല്‍ത്ത് പാര്‍ട്ണറും ഹൈനസ് വെല്‍നസ് പാര്‍ട്ണറുമാണ്. വുഡീസ് ബ്ലീഷര്‍ ഹോട്ടലാണ് കോഴിക്കോട് സോണിലെ വെന്യൂ പാര്‍ട്ണര്‍.
Content Highlights: grihalakshmi home chef season 4
Published: 22 Nov 2024, 02:32 pm IST
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented