ഇരുനിലയിലായി 2000 സ്ക്വയര്ഫീറ്റില് അടിപൊളി വീട്. ഇറക്കുമതിചെയ്ത ഇറ്റാലിയന് മാര്ബിള് മുതല് അടിമുടി ആഡംബരങ്ങള്. അമ്പതുലക്ഷത്തിനെങ്കിലും തീരുമെന്ന് കരുതിയതാണ്; ഇപ്പോള് ഒരുകോടിയിലെത്താറായി. പണിതീരുന്നുമില്ല. വീടെന്ന സ്വപ്നം പൂവണിയുമ്പോഴേക്കും ഒരിക്കലും അടച്ചുതീര്ക്കാനാവാത്ത കടം കൂടിയിട്ടുണ്ടാവും പലര്ക്കും. എന്നാല് പുതിയ തലമുറ വഴിമാറി നടന്നു തുടങ്ങിയിരിക്കുന്നു. ഒന്നിരിക്കാത്ത സിറ്റ് ഔട്ടുകളും ആരും വരാത്ത ഗസ്റ്റ് റൂമുകളും ബാല്ക്കണികളുമായി വീടൊരു ഭാരമാവില്ല. ചെലവ് തുച്ഛം, ഗുണം മെച്ചം എന്നപോലെ അത്തരം ലൈറ്റ് വെയിറ്റ് വീടുകള് ഒരുക്കാന് വഴികളുണ്ട്.
പ്ലാനിങ്ങില് തുടങ്ങാം
1. വീട് സ്വന്തം അഭിരുചിക്കും ഇഷ്ടങ്ങള്ക്കും ആവശ്യങ്ങള്ക്കും യോജിക്കുന്നതായിരിക്കണം. മറ്റുള്ളവരെ മാതൃകയാക്കി വീട് പണിയരുത്.
2. വീട്ടിലെല്ലാവരും ചേര്ന്ന് ആവശ്യങ്ങളുടെ ഒരു പട്ടികയുണ്ടാക്കാം. ഒരു കഥപോലെ. ജോലികഴിഞ്ഞ് വീട്ടില് വന്നു, വണ്ടി പോര്ച്ചില് പാര്ക്ക് ചെയ്തു, ഷൂ ചപ്പല് സ്റ്റാന്ഡില് അഴിച്ചുവെച്ചു... ഇങ്ങനെ ആവശ്യങ്ങളുടെ ലിസ്റ്റ് തയ്യാറാക്കി, അത്യാവശ്യമില്ലാത്തവ ഒഴിവാക്കുക.
3. കൈയിലെത്ര പണമുണ്ട്, ലോണെടുക്കാനുദ്ദേശിക്കുന്ന തുക... ഇതൊക്കെ കണക്കുകൂട്ടണം. കടക്കെണിയിലാവാതെ സ്വരൂപിക്കാവുന്ന പണം എത്രയാണെന്ന് തീരുമാനിച്ച് പ്ലാനൊരുക്കാം.
4. വീടുനിര്മാണത്തിന്റെ കാലാവധി തീരുമാനിച്ച് ആ സമയത്തിനുള്ളില് പണിതീര്ക്കണം. ബജറ്റിന് വീടുപണിയുടെ കാലാവധിയുമായി ബന്ധമുണ്ട്. ഡിസൈനറുടെയും ആര്ക്കിടെക്ടിന്റെയും ഫീസും ഇതിലുള്പ്പെടുത്തണം.
5. പൂര്ണ തൃപ്തിയാകും വരെ മാറ്റങ്ങള് വരുത്തി പ്ലാന് തയ്യാറായതിനുശേഷം പണിയാരംഭിക്കുക. പണിതുടങ്ങിയതിനുശേഷം പ്ലാനില് മാറ്റങ്ങള് വരുത്താതിരിക്കുന്നതാണ് നല്ലത്. പരിചയസമ്പന്നനായ ആര്ക്കിടെക്ടിനെയോ എന്ജിനീയറെയോ തിരഞ്ഞെടുക്കാനും ശ്രദ്ധിക്കണം.
6. വീട്ടിലെ അംഗങ്ങളുടെ എണ്ണവും ആവശ്യമായ സൗകര്യങ്ങളും അറിഞ്ഞുവേണം വീടിനുള്ള ഏരിയ തീരുമാനിക്കാന്. അയല് വീടിന്റെ ഏരിയ നോക്കി സ്വന്തം വീട് പ്ലാന്ചെയ്യരുത്. ഉദാഹരണത്തിന്, അച്ഛനും അമ്മയും ഒരുകുട്ടിയുമുള്ള ചെറിയ കുടുംബത്തിന് അഞ്ച് ബെഡ്റൂമുള്ള വീടിന്റെ ആവശ്യമില്ല. വല്ലപ്പോഴും വരുന്ന അതിഥിക്കായി ഒരു മുറി പണിതിടുക, പാര്ട്ടി നടത്താനായി ടെറസില് ഗാര്ഡന് സെറ്റുചെയ്യുക... ഇതെല്ലാം ചെലവ് കൂട്ടും.
കടപ്പാട്
വാജിദ് റഹ്മാന്
ആര്ക്കിടെക്ചറല് ഡിസൈനര് (Hierarchy'tects), മലപ്പുറം
Content Highlights: cost effective home construction tips to build low cost home
Published: 18 Apr 2024, 12:23 pm IST
ABOUT THE AUTHOR
Related Topics
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented