മലയാളം സാഹിത്യത്തിലെ പ്രശസ്ത കവിയായ വൈലോപ്പിള്ളി ശ്രീധരമേനോന്റെ കവിത സിനിമയാകുന്നു. ജിയോ ബേബിയെ പ്രധാന കഥാപാത്രമാക്കി ഡോക്ടര് അഭിലാഷ് ബാബു തിരക്കഥയെഴുതി സംവിധാനം ചെയ്യുന്ന 'കൃഷ്ണാഷ്ടമി-the book of dry leaves ' എന്ന ചിത്രത്തിന്റെ ടൈറ്റില് പോസ്റ്റര് റിലീസായി. വൈലോപ്പിള്ളിയുടെ 'കൃഷ്ണാഷ്ടമി' എന്ന കവിതയുടെ ആധുനികകാല സിനിമാറ്റിക് വായനയാണ് ഈ സിനിമ. ആലോകം, മായുന്നു, മാറിവരയുന്നു, നിശ്വാസങ്ങളില് എന്നീ സ്വതന്ത്ര പരീക്ഷണ ചിത്രങ്ങള്ക്ക് ശേഷം ഡോക്ടര് അഭിലാഷ് ബാബു ഒരുക്കുന്ന ചിത്രം കൂടിയാണ് വൈലോപ്പിള്ളി ശ്രീധരമേനോന്, അഭിലാഷ് ബാബു എന്നിവരുടെ വരികള്ക്ക് ഔസേപ്പച്ചന് സംഗീത സംവിധാനം നിര്വ്വഹിക്കുന്നു.
ജിയോ ബേബിയെ കൂടാതെ ഓഡിഷനിലൂടെ തിരഞ്ഞെടുക്കപ്പെടുന്ന പുതുമുഖ നടീനടന്മാരും സിനിമയില് അഭിനയിക്കുന്നുണ്ട്. വിഖ്യാത ബ്രിട്ടീഷ് കവി റോബര്ട്ട് ബ്രൗണിങ്ങിന്റെ അഞ്ച് ഡ്രമാറ്റിക് മോണൊലോഗുകളെ സിനിമക്കുള്ളിലെ സിനിമയായി അവതരിപ്പിച്ച അഭിലാഷ് ബാബുവിന്റെ ആദ്യ സിനിമയായ 'ആലോകം: Rangs of Vision' (2023) വിദേശങ്ങളിലുള്പ്പെടെ ഫിലിം സൊസൈറ്റികളിലും യൂണിവേഴ്സിറ്റികളിലെയും കോളേജുകളിലെയും മീഡിയ, സാഹിത്യ ഡിപ്പാര്ട്ട്മെന്റുകളിലും പ്രദര്ശിപ്പിച്ചിരുന്നു. 2024ല് പുറത്തിറങ്ങിയ മോക്യുമെന്ററി സിനിമ മായുന്നു, മാറിവരയുന്നു, നിശ്വാസങ്ങളില്...(Dust Art Redrawn in Respiration) 29ാമത് IFFK യില് പ്രീമിയര് ചെയ്തിരുന്നു. ഒറ്റപ്പാലം ഡയലോഗ് ഫിലിം ഫെസ്റ്റിവല്, കേരള യൂണിവേഴ്സിറ്റി ഫിലിം ഫെസ്റ്റിവല് എന്നിവിടങ്ങളിലും മലയാളസിനിമ വിഭാഗത്തില് പ്രദര്ശിപ്പിക്കപ്പെട്ടു. കൃഷ്ണാഷ്ടമി എന്ന ചിത്രത്തിന്റെ ഛായാഗ്രഹണം ജിതിന് മാത്യു നിര്വ്വഹിക്കുന്നു. വാര്ത്താപ്രചാരണം: എ.എസ്. ദിനേശ്
Content Highlights: Vyloppilli Sreedhara Menon poem going to become movie
Published: 23 Mar 2025, 04:35 pm IST
Related Topics
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented