ഹൃദയത്തിന് ശേഷം വിനീത് ശ്രീനിവാസന്‍ സംവിധാനം ചെയ്യുന്ന ' വര്‍ഷങ്ങള്‍ക്ക് ശേഷം' എന്ന സിനിമയുടെ ഷൂട്ടിങ് പൂര്‍ത്തിയായി. പ്രണവ് മോഹന്‍ലാല്‍, ധ്യാന്‍ ശ്രീനിവാസന്‍, കല്യാണി പ്രിയദര്‍ശന്‍, നിവിന്‍ പോളി എന്നിവര്‍ പ്രധാന കഥാപാത്രങ്ങളാകുന്നു. ബേസില്‍ ജോസഫ്, അജു വര്‍ഗീസ്, നീരജ് മാധവ്, നീത പിള്ള, നിഖില്‍ നായര്‍, അര്‍ജുന്‍ ലാല്‍ തുടങ്ങി വന്‍താരനിരതന്നെ ചിത്രത്തില്‍ അണിനിരക്കുന്നുണ്ട്.
ധ്യാനിന്റെ ജന്മദിനമായ ഡിസംബര്‍ 20-ന് പുലര്‍ച്ചെ രണ്ട് മണിയോടെ ചിത്രത്തിന്റെ ഷൂട്ടിങ് പൂര്‍ത്തിയായ വിവരം വിനീത് ശ്രീനിവാസനാണ് സോഷ്യല്‍ മീഡിയയിലൂടെ പ്രഖ്യാപിച്ചത്. 40 ദിവസം കൊണ്ട് ഷൂട്ടിങ് പൂര്‍ത്തിയാക്കാന്‍ സാധിച്ചതില്‍ സിനിമയുടെ ഭാഗമായ എല്ലാവര്‍ക്കും വിനീത് ശ്രീനിവാസന്‍ നന്ദി അറിയിച്ചു.
ചിത്രത്തിനായി ധ്യാന്‍ ശ്രീനിവാസന്‍ ശരീരഭാരം കുറച്ചത് അടുത്തിടെ വാര്‍ത്തകളില്‍ നിറഞ്ഞിരുന്നു. പുത്തന്‍ ഗെറ്റപ്പിലാണ് ധ്യാന്‍ ഈ ചിത്രത്തില്‍ പ്രത്യക്ഷപ്പെടുന്നത്. സൂപ്പര്‍ഹിറ്റ് ചിത്രമായ ഹൃദയത്തിന് ശേഷം വിനീത് ശ്രീനിവാസന്‍, പ്രണവ് മോഹന്‍ലാല്‍, കല്യാണി പ്രിയദര്‍ശന്‍ എന്നിവര്‍ ഒന്നിക്കുന്നു എന്ന പ്രത്യേകതയും ചിത്രത്തിനുണ്ട്. മേരിലാന്‍ഡ് സിനിമാസിന്റെ ബാനറില്‍ വിശാഖ് സുബ്രഹ്മണ്യമാണ് ചിത്രം നിര്‍മ്മിക്കുന്നത്. പ്രണവും ധ്യാനും അടങ്ങുന്ന താരനിര അവസാന ദിന ചിത്രീകരണത്തില്‍ വിനീതിന്റെ കൂടെ ഉണ്ടായിരുന്നു.
Content Highlights: varshangalk shesham film packup by vineeth sreenivasan
Published: 20 Dec 2023, 11:48 am IST
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented