അഭിനയരംഗത്ത് പ്രതിഭ തെളിയിച്ചശേഷം സിനിമാ നിര്മാണത്തിലേക്ക് കടക്കുകയും വിജയിക്കുകയും ചെയ്ത ഒട്ടേറെ താരങ്ങളുണ്ട് ബോളിവുഡില്. ഷാരൂഖ് ഖാന്, ആമിര് ഖാന്, അക്ഷയ് കുമാര് തുടങ്ങിയവരുടെ നിര്മാണക്കമ്പനികള് ഹിന്ദി സിനിമാരംഗത്ത് മികച്ച രീതിയില് മുന്നോട്ടുപോവുന്നവയാണ്. അഭിനയത്തിനൊപ്പം സംരംഭകപാടവം കൂടി തെളിയിക്കാനുള്ള അവസരമായിട്ടാണ് നടീനടന്മാര് നിര്മാണരംഗത്തെ കാണുന്നത്. ഒപ്പം സിനിമാ ഇന്ഡസ്ട്രിയിലേക്ക് വലിയൊരു സംഭാവന കൂടി ഇവര് നല്കുന്നു. ഹിന്ദിയിലെ നിര്മാതാക്കളായ ചില അഭിനേതാക്കളെപ്പറ്റി നോക്കാം.
ബോളിവുഡിലെ മിസ്റ്റര് പെര്ഫെക്ഷനിസ്റ്റ് ആണ് ആമിര് ഖാന്. 1999-ലാണ് 'ആമിര് ഖാന് പ്രൊഡക്ഷന്സ്' എന്ന പേരിലുള്ള നിര്മാണക്കമ്പനി അദ്ദേഹം സ്ഥാപിക്കുന്നത്. ലഗാന്, ദംഗല്, ഡല്ഹി ബെല്ലി തുടങ്ങിയ നിരൂപക പ്രശംസ നേടിയ നിരവധി ചിത്രങ്ങള്ക്ക് പിന്നില് ഈ പ്രൊഡക്ഷന് ഹൗസാണ്.
2000-ത്തില് നടന് അജയ് ദേവ്ഗണ് 'അജയ് ദേവ്ഗണ് ഫിലിംസ്' (എ.ഡി.എഫ്)എന്ന പേരില് സ്വന്തമായി നിര്മാണക്കമ്പനി തുറന്നു. രാജു ചച്ചയോടൊപ്പം ചേര്ന്നായിരുന്നു ഇത്. സിംഗം എഗെയ്ന്, സണ് ഓഫ് സര്ദാര് തുടങ്ങിയ വിജയചിത്രങ്ങള് കമ്പനി നിര്മിച്ചവയാണ്. അങ്ങനെ സംരംഭത്തിലും അജയ് വിജയം കൊയ്തു.
ഭാര്യ ഗൗരി ഖാനുമായി ചേര്ന്നാണ് ഷാരൂഖ് ഖാന് 2002-ല് 'റെഡ് ചില്ലീസ് എന്റര്ടെയ്ന്മെന്റ്' സ്ഥാപിച്ചത്. ബോളിവുഡിലെ പ്രധാന കമ്പനികളിലൊന്നായി പിന്നെയത് മാറി. ചെന്നൈ എക്സ്പ്രസ്, ഓം ശാന്തി ഓം, റയീസ് തുടങ്ങിയ ഹിറ്റുകള് കമ്പനി നിര്മ്മിച്ചിട്ടുണ്ട്, ഷാരൂഖിന്റെ സിനിമാലക്ഷ്യങ്ങള്ക്കും ഇത് സംഭാവന നല്കി.
അക്ഷയ് കുമാറിന് 'ഹരി ഓം എന്റര്ടൈന്മെന്റ്', 'കേപ് ഓഫ് ഗുഡ് ഫിലിംസ്' എന്നിങ്ങനെ രണ്ട് പ്രൊഡക്ഷന് ഹൗസുകളുണ്ട്. രണ്ട് കമ്പനികളും കൊമേഴ്സ്യല് സക്സസും സാമൂഹിക ബോധമുള്ളതുമായ സിനിമകള് നിര്മ്മിക്കുന്നതില് നിര്ണായക പങ്കുവഹിക്കുന്നു.
2015-ലാണ് പ്രിയങ്കാ ചോപ്ര തന്റെ നിര്മാണക്കമ്പനിയായ 'പര്പ്പിള് പെബിള് പിക്ച്ചേഴ്സ്' ആരംഭിക്കുന്നത്. 2016-ലെ ദേശീയ പുരസ്കാരം നേടിയ 'വെന്റിലേറ്റര്' നിര്മിച്ചത് പ്രിയങ്കയുടെ കമ്പനിയാണ്. ഒന്നിലധികം ഭാഷകളില് സിനിമകള് നിര്മ്മിക്കുന്നതില് പ്രിയങ്കയുടെ പെബിള് പിക്ചേഴ്സ് ശ്രദ്ധ കേന്ദ്രീകരിച്ചിരിക്കുന്നു. പ്രാദേശിക സിനിമയെ പിന്തുണയ്ക്കാനും എന്നാല് ആഗോള പ്രേക്ഷകരിലേക്ക് അതുല്യമായ കഥകള് എത്തിക്കാനും ലക്ഷ്യമിട്ട് വൈവിധ്യമാര്ന്ന പ്രോജക്ടുകളില് കമ്പനി പ്രവര്ത്തിച്ചിട്ടുണ്ട്
ദീപിക പദുകോണിന്റെ 'കാ പ്രോഡക്ഷന്സ്' 2018-ല് തുടങ്ങിയതാണ്. 2020-ലിറങ്ങിയ മേഘ്ന ഗുല്സാറിന്റെ 'ഛപാക്ക്' എന്ന സിനിമയില് സഹ-നിര്മ്മാതാവായി ദീപിക പദുക്കോണ് അരങ്ങേറ്റം കുറിച്ചു. ആസിഡ് ആക്രമണത്തെ അതിജീവിച്ചവ പെണ്കുട്ടിയുടെ വേഷം വിക്രാന്ത് മാസിയ്ക്കൊപ്പം ദീപിക ചിത്രത്തില് അവതരിപ്പിക്കുകയും ചെയ്തു. 2021-ല് കബീര് ഖാന്റെ പീരിയഡ് സ്പോര്ട്സ് നാടകമായ '83' ഫൈറ്ററിന്റെയും സഹനിര്മ്മാണം ചെയ്തു. .
ബോളിവുഡിലെ പ്രമുഖതാരമാണ് ആലിയ ഭട്ട് ഇന്ന്. 'എറ്റേണല് സണ്ഷൈന് പ്രോജക്ട്' എന്ന പേരില് സ്വന്തമായി കമ്പനിയുണ്ട്. ഷാരൂഖ് ഖാന്റെ റെഡ് ചില്ലീസ് എന്റര്ടൈന്മെന്റിനൊപ്പം ജാസ്മീത് കെ റീന്റെ ഡാര്ക്ക് കോമഡിയായ ഡാര്ലിംഗ്സിലൂടെയാണ് നിര്മാണം തുടങ്ങുന്നത്.
അനുഷ്ക ശര്മ്മ തന്റെ സഹോദരന് കര്ണേഷ് ശര്മ്മയ്ക്കൊപ്പം ചേര്ന്ന് 2013-ല് 'ക്ലീന് സ്ലേറ്റ് ഫിലിംസ്' സ്ഥാപിച്ചു. 2015-ലിറങ്ങിയ എന്.എച്ച്.10 ആയിരുന്നു ആദ്യത്തെ പ്രോജക്ട്. പാരി, ബുള്ബുള് തുടങ്ങിയ സിനിമകള്ക്കുപുറമെ, നിരൂപകപ്രശംസ നേടിയ പാതാള് ലോക് എന്ന വെബ് സീരീസും നിര്മിച്ചു.
സെയ്ഫ് അലി ഖാന് രണ്ട് നിര്മാണക്കമ്പനികളുണ്ട്. ഇലൂമിനാറ്റി ഫിലിംസും (2009) ബ്ലാക്ക് നൈറ്റ് ഫിലിംസും. ലവ് ആജ്കല് ആണ് ഇലൂമിനാറ്റി നിര്മിച്ച ആദ്യത്തെ ഫീച്ചര് സിനിമ. ജോണ് അബ്രഹാമിന്റെ ജെ.എ. എന്റര്ടെയിന്മെന്റ് ആണ് ഏറെ ശ്രദ്ധിക്കപ്പെട്ട 'വിക്കി ഡോണര്' എന്ന ചിത്രം നിര്മിച്ചത്. 1999-ല് ഫര്ഹാന് അക്തര് 'എക്സല് എന്റര്ടെയിന്മെന്റി'ന്റെ സഹസ്ഥാപകനായി.
Content Highlights: bollywood actors and their production companies
Published: 15 Feb 2025, 04:15 pm IST
Related Topics
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented