മുടിവെട്ടി ടോംബോയ് ലുക്കിൽ വാമിഖ; പിക്സി സ്റ്റൈൽ ഏറ്റെടുത്ത് ആരാധകർ

ഒരു ഹെയർകട്ടിന് ഒരാളുടെ ലുക്ക് പൂർണ്ണമായും മാറ്റാൻ കഴിയും. പലപ്പോഴും സിനിമാ താരങ്ങളുടെ ഹെയർ മേക്ക് ഓവറുകളാണ് ഓരോ സീസണിലെയും ബ്യൂട്ടി ട്രെൻ‍ഡുകൾക്ക് തുടക്കമിടുന്നത് (Beauty Trends). നീളൻ മുടി മുറിക്കുന്നതായാലും പുതിയ സ്റ്റൈലുകൾ പരീക്ഷിക്കുന്നതായാലും, ഇന്നും തലമുറകളെ പ്രചോദിപ്പിക്കാൻ സിനിമാതാരങ്ങൾക്ക് സാധിക്കുന്നുണ്ട്. മലയാളികൾക്ക് പ്രിയങ്കരിയായ നടി വാമിഖ ഗബ്ബിയുടെ മേക്ക് ഓവറാണ് ഇപ്പോൾ ശ്രദ്ധനേടുന്നത്.

പിക്സി ലുക്ക്
തന്റെ നീളമുള്ള മുടി വെട്ടി കൂടുതൽ ബോൾഡും സ്റ്റൈലിഷുമായ 'പിക്സി കട്ട്' (Pixie Cut) ലുക്കാണ് താരത്തിനിപ്പോൾ. ഇൻസ്റ്റഗ്രാം വീഡിയോയിലൂടെയാണ് തന്റെ ഈ മേക്ക് ഓവർ നടി ആരാധകർക്കായി പങ്കുവെച്ചത്. നീളമുള്ള മുടിയിൽ നിന്ന് ടോംബോയ് ലുക്കിലേക്ക് പോകുന്നതിന്റെ സന്തോഷത്തിലാണ് താരം. "പഴയ കാര്യങ്ങളെ ഉപേക്ഷിക്കുന്നതിന്റെ സന്തോഷം" (Cheers to letting go) എന്ന കുറിപ്പോടെയാണ് വാമിഖ വീഡിയോ പങ്കുവെച്ചത്.

സലൂണിൽ വെച്ച് മുടി വെട്ടുന്നതിന് തൊട്ടുമുമ്പ് ചെറിയൊരു മടിയോടെ ഇരിക്കുന്ന താരത്തെ വീഡിയോയിൽ കാണാം. എന്നാൽ നിമിഷങ്ങൾക്കകം പുതിയ ലുക്കിലേക്ക് മാറി അവർ സന്തോഷത്തോടെ തന്റെ പുതിയ സ്റ്റൈൽ ആരാധകർക്ക് കാണിച്ചു കൊടുക്കുന്നുണ്ട്.

വാമിഖയ്ക്ക് മുമ്പ്, കഴിഞ്ഞ മാസമാണ് നടി പൂജ ഹെഗ്ഡെയും തൻ്റെ പുതിയ ഷോർട്ട് ഹെയർ ലുക്കിലൂടെ ആരാധകരെ അമ്പരപ്പിച്ചത്. ഇൻസ്റ്റഗ്രാമിലൂടെയാണ് പൂജയും അത് പങ്കുവെച്ചത്. ഷോർട്ട് ഹെയറിലേക്ക് മാറിയതിനു ശേഷം പുഞ്ചിരിയോടെ മുടിയിൽ വിരലോടിക്കുന്ന വീഡിയോ പങ്കുവെച്ചുകൊണ്ട് "ഞാനിപ്പോൾ ഷോർട്ട് ഹെയർ സ്റ്റൈലുള്ള പെൺകുട്ടിയാണ്" എന്ന് പൂജയും കുറിച്ചിരുന്നു.

'പതി പത്നി ഔർ വോ 2' ആണ് വാമിഖയുടേതായി ഏറ്റവും ഒടുവിൽ പുറത്തിറങ്ങിയ ചിത്രം. വരുൺ ധവാനൊപ്പം അഭിനയിച്ച 'ഹേ ജവാനി തോ ഇഷ്ക് ഹോനാ ഹെ' എന്ന ചിത്രത്തിലാണ് പൂജ അടുത്തിടെ അഭിനയിച്ചത്.

കൂടുതൽ ഫീച്ചറുകൾ വായിക്കാൻ ഗൃഹലക്ഷ്മി വാട്സാപ്പ് ഗ്രൂപ്പിൽ അംഗമാകൂ:https://mbi.page.link/grihalakshmi

Content Highlights: Wamiqa Gabbi adopts a bold pixie cut, signaling a shift in 2026 beauty trends., Celebrity makeovers continue to influence mainstream hairstyle choices., Pooja Hegde also recently embraced a short hair style, highlighting a trend shift., The transition to short hair represents a modern, bold aesthetic for 2026.