താൻ പോകുന്ന ഇടങ്ങളിലെല്ലാം ഒരു ഭാണ്ഡക്കെട്ടുപോലെ മേധ കൂടെക്കരുതിയ സാരികളുടെ കഥ

ഇഴചേരുന്ന അതിജീവനത്തിന്റെ കഥയാണ് നർമ്മദ. ഇതുവരെ ഞാൻ പങ്കുവെച്ച അനുഭവങ്ങളിൽ നിന്നും യാത്രകളിൽ നിന്നും വേറിട്ടുനിൽക്കുന്ന അല്പം ദൈർഘ്യമുള്ള ഒരു യാത്രയും അനുഭവവും ആണ് പറയാനുള്ളത്. കേവലം ഒരു യാത്ര എന്നതിലുപരി, ഒട്ടേറെ മനുഷ്യരുടെ ജീവിതവും പോരാട്ടവും എന്റെ സ്വന്തം അതിജീവനവും ഒരേപോലെ ഇഴചേർന്നു കിടക്കുന്ന ഒന്നായിരുന്നു നർമ്മദാ യാത്ര. ജീവിതം ചിലപ്പോഴൊക്കെ അപ്രതീക്ഷിതമായ ചില നിയോഗങ്ങളെ നമ്മുടെ കൈകളിൽ ഏൽപ്പിക്കാറുണ്ട്. ചില നിമിത്തങ്ങൾ കേവലം യാദൃച്ഛികതകളല്ല, മറിച്ച് കാലം കരുതിവെച്ച മനോഹരമായ അടയാളപ്പെടുത്തലുകളാണ്.

 'സാരിത്തിരമാലകൾ' എന്ന ഈ പംക്തിയിലൂടെ കടന്നുപോകുമ്പോൾ നർമ്മദാ സാരികളെക്കുറിച്ചും അവ എന്നിലേക്ക് എത്തിയ ആ നിമിത്തത്തെക്കുറിച്ചും പറയാതെ വയ്യ. പലതവണ കേട്ടവർക്ക് ഇതൊരു ആവർത്തനമായി തോന്നിയേക്കാം, എങ്കിലും ആദ്യമായി വായിക്കുന്നവർക്കായി ആ കഥ ചുരുക്കത്തിൽ ഒന്ന് തൊട്ടുപോകാൻ ഞാൻ ആഗ്രഹിക്കുന്നു. നർമ്മദയുടെ മണ്ണിലെ മനുഷ്യജീവനുകളെയും അവരുടെ പോരാട്ടവീര്യത്തെയും മാറ്റിനിർത്തിക്കൊണ്ട് എനിക്ക് ‘സാരിത്തിരമാലകൾ’ പൂർത്തിയാക്കാനാവില്ല. അതുകൊണ്ട്  ഒരിക്കൽ ക്കൂടി പറയട്ടെ സർദാർ സരോവർ അണക്കെട്ടിന്റെ നിർമ്മാണത്തോടെ സ്വന്തം മണ്ണും വീടും നഷ്ടപ്പെട്ട ആയിരക്കണക്കിന് മനുഷ്യരുടെ നോവുന്ന കഥകളാണ് നർമ്മദയുടെ തീരങ്ങൾക്ക് പറയാനുള്ളത്. വികസനത്തിന്റെ പേരിൽ കുടിയിറക്കപ്പെട്ട ആ ജനത, ദശാബ്ദങ്ങളായി തങ്ങളുടെ അവകാശങ്ങൾക്കും അർഹമായ പുനരധിവാസത്തിനുമായി പോരാടിക്കൊണ്ടിരിക്കുകയാണ്. 'നർമ്മദ ബച്ചാവോ ആന്ദോളൻ' പോലുള്ള പ്രസ്ഥാനങ്ങൾ ഇവർക്ക് തണലായി നിൽക്കുമ്പോഴും, പുതിയ സാഹചര്യങ്ങളുമായി പൊരുത്തപ്പെടാൻ ആ കുടുംബങ്ങൾ ഇന്നും പാടുപെടുന്നു.

Content Highlights: Chronicles the survival story of weavers displaced by the Sardar Sarovar Dam., Highlights the role of the Narmada Bachao Andolan and Medha Patkar., Features 100% pure cotton sarees made with natural dyes., Intertwines a personal journey of healing with the weavers' struggle., Emphasizes ethical consumerism, with proceeds directly supporting the artisans.