മകന്റെ ഐപിഎൽ അരങ്ങേറ്റം: വൈകാരികമായ കുറിപ്പ് പങ്കുവെച്ച് സച്ചിൻ ടെണ്ടുൽക്കറും സാറയും
ക്രിക്കറ്റ് ഇതിഹാസം സച്ചിൻ ടെണ്ടുൽക്കറുടെ മകൻ അർജുൻ ടെണ്ടുൽക്കർ ഐപിഎൽ (IPL) അരങ്ങേറ്റം കുറിച്ചിരിക്കുകയാണ്. ശനിയാഴ്ച ലഖ്നൗവിലെ ഏകാന ക്രിക്കറ്റ് സ്റ്റേഡിയത്തിൽ, ലഖ്നൗ സൂപ്പർ ജയന്റ്സിനൊപ്പം പഞ്ചാബ് കിങ്സിനെതിരെയായിരുന്നു മത്സരം.
പുതിയ സീസണിന് മുന്നോടിയായി മുംബൈ ഇന്ത്യൻസിൽ നിന്നും മാറിയ 26-കാരനായ അർജുൻ, ടൂർണമെന്റിലുടനീളം ബെഞ്ചിലിരുന്ന ശേഷമാണ് ഒടുവിൽ കഴിഞ്ഞ മത്സരത്തിൽ അവസരം ലഭിച്ചത്. ലെഫ്റ്റ് ഹാൻഡ് പേസറാണ് അർജുൻ.
മത്സരത്തിന് പിന്നാലെ, സാറ ടെണ്ടുൽക്കർ ഇൻസ്റ്റഗ്രാമിൽ ഒരു വൈകാരികമായ കുറിപ്പ് പങ്കുവെച്ചിരുന്നു. "എന്റെ അനിയാ, ഈ ലോകത്തിലെ എല്ലാ നല്ല കാര്യങ്ങളും നീ അർഹിക്കുന്നുണ്ട്. നിന്റെ കഠിനാധ്വാനത്തിലും, സമ്മർദ്ദങ്ങളെ അതിജീവിക്കാനുള്ള കഴിവിലും, ഉടനീളമുണ്ടായിരുന്ന നിന്റെ ക്ഷമയിലും ഞാൻ ഒരുപാട് ഒരുപാട് അഭിമാനിക്കുന്നു. എപ്പോഴും നിന്നെ സ്നേഹിക്കുന്നു," സാറ കുറിച്ചു.
സച്ചിൻ തെണ്ടുൽക്കറും എക്സിൽ (X) ഹൃദയസ്പർശിയായ ഒരു സന്ദേശം കുറിച്ചിരുന്നു. "നന്നായി ചെയ്തു, അർജുൻ. ഈ സീസണിലുടനീളം നീ നിന്നെത്തന്നെ മുന്നോട്ട് നയിച്ച രീതിയിൽ ഞാൻ അഭിമാനിക്കുന്നു. എപ്പോഴും നിന്റെ കഴിവിൽ വിശ്വസിക്കുകയും, ക്ഷമയോടെയിരിക്കുകയും, നിശബ്ദമായി കഠിനാധ്വാനം ചെയ്യുകയും, അവസാന മത്സരം വരെ അവസരത്തിനായി കാത്തിരിക്കേണ്ടി വന്നിട്ടും പോസിറ്റീവായി തുടരുകയും ചെയ്തു. ക്രിക്കറ്റ് കഴിവിനെപ്പോലെ തന്നെ ക്ഷമയെയും പരീക്ഷിക്കുന്ന ഒന്നാണ്, ഇന്ന് നീ അത് രണ്ടും മനോഹരമായി കൈകാര്യം ചെയ്തു. എപ്പോഴും വിനയാന്വിതനായിരിക്കുക, കളിയോടുള്ള നിന്റെ സ്നേഹം എന്നും നിലനിർത്തുക. എപ്പോഴും സ്നേഹത്തോടെ," സച്ചിൻ തന്റെ പോസ്റ്റിൽ കുറിച്ചു.
Well done, Arjun. ❤️
Proud of the way you’ve carried yourself through this season, always believing in your ability, staying patient, working hard quietly, and remaining positive despite having to wait for your opportunity till the very last match.
Cricket tests patience as much… pic.twitter.com/3RdiGkXbfT— Sachin Tendulkar (@sachin_rt) May 23, 2026
ഈ സീസണിലെ തന്റെ ആദ്യ മത്സരത്തിൽ നാല് ഓവർ എറിഞ്ഞ അർജുൻ തെണ്ടുൽക്കർ 36 റൺസ് വിട്ടുകൊടുത്ത് ഒരു വിക്കറ്റ് നേടി. 197 റൺസ് പ്രതിരോധിക്കാൻ സാധിക്കാതെ ലഖ്നൗ സൂപ്പർ ജയന്റ്സ് മത്സരം തോറ്റെങ്കിലും, മത്സരത്തിൽ ഏറ്റവും കുറഞ്ഞ ഇക്കോണമിയിൽ പന്തെറിഞ്ഞ ബൗളറായി അർജുൻ മാറി.
മാർച്ച് 5-ന് മുംബൈയിലെ ദി സെന്റ് റെജിസിൽ വെച്ച് അർജുൻ തെണ്ടുൽക്കർ സംരംഭകയായ സാനിയ ചന്ദോക്കിനെ വിവാഹം ചെയ്തിരുന്നു. എം.എസ്. ധോണി, രാഹുൽ ദ്രാവിഡ്, യുവരാജ് സിംഗ്, ഷാരൂഖ് ഖാൻ, അമിതാഭ് ബച്ചൻ, ഐശ്വര്യ റായ് ബച്ചൻ എന്നിവരുൾപ്പെടെയുള്ള ക്രിക്കറ്റ് താരങ്ങളും ബോളിവുഡ് താരങ്ങളും വിവാഹത്തിൽ പങ്കെടുത്തിരുന്നു.
കൂടുതൽ ഫീച്ചറുകൾ വായിക്കാൻ ഗൃഹലക്ഷ്മി വാട്സാപ്പ് ഗ്രൂപ്പിൽ അംഗമാകൂ:https://mbi.page.link/grihalakshmi
Content Highlights: Arjun Tendulkar makes his long-awaited IPL debut in 2026., Sachin Tendulkar praises Arjun's patience and dedication., Sara Tendulkar shares an emotional tribute on Instagram., Arjun delivered an economical spell of 1/36 in his debut match., Mention of Arjun's marriage to Sania Chandok on March 5, 2026.