ആഗോളതലത്തിലെ ശതകോടീശ്വരരുടെ പട്ടികയിലേക്ക് രംഗപ്രവേശം ചെയ്തിരിക്കുകയാണ് അമേരിക്കന്‍ ഗായിക സെലീന ഗോമസ്. തന്റെ ബ്യൂട്ടി ബ്രാന്‍ഡായ റെയര്‍ ബ്യൂട്ടിയടക്കമുള്ള സ്ഥാപനങ്ങളാണ് സെലീന ഗോമസിനെ ശതകോടീശ്വര പട്ടികയിലെത്തിച്ചത്. അമേരിക്കയിലെ ഏറ്റവും പ്രായം കുറഞ്ഞ വനിതാ ബില്യണയര്‍മാരിലൊരാളായിരിക്കുകയാണ് താരമിപ്പോള്‍. 32 വയസ്സാണ് സെലീനയ്ക്ക്.
2019-ലാണ് റെയര്‍ ബ്യൂട്ടി എന്ന സ്ഥാപനം ആരംഭിക്കുന്നത്. 1.3 ബില്യണ്‍ ഡോളറാണ് സെലീനയുടെ ആസ്തി. ഇതില്‍ സിംഹഭാഗവും സംഭാവന ചെയ്തിരിക്കുന്നത് ഈ സ്ഥാപനമാണ്. ഏകദേശം 81.4 ശതമാനം. മാനസികാരോഗ്യസ്ഥാപനമായ വണ്ടമൈന്റ്, മ്യൂസിക് ആല്‍ബങ്ങള്‍, റിയല്‍ എസ്റ്റേറ്റ് ഇന്‍വെസ്റ്റമെന്റുകള്‍, ബ്രാന്‍ഡ് പാര്‍ട്‌നര്‍ഷിപ്പുകള്‍, ഗാനമേളകള്‍, അഭിനയം തുടങ്ങിയ രംഗങ്ങളില്‍ നിന്നുള്ള ആദായവും ഇതിനൊപ്പമുണ്ട്.
അമേരിക്കന്‍ വിനോദമേഖലയിലെ പ്രധാനവ്യക്തിത്വമായി സെലീന ഇതിനകം മാറിക്കഴിഞ്ഞു. ജനപ്രിയ പരമ്പരയായ 'ഒണ്‍ലി മര്‍ഡേഴ്സ് ഇന്‍ ദ ബില്‍ഡിങ്ങി'ല്‍ താരമായും എക്സിക്യൂട്ടീവ് പ്രൊഡ്യൂസറായും പ്രശംസ നേടുകയാണ് സെലീനയിപ്പോള്‍. അഞ്ചാം സീസണിലേക്ക് ചുവടെടുത്തുവെച്ച ഈ ഷോ, കോമഡി സീരീസിലെ മികച്ച നായികയ്ക്കുള്ള ആദ്യ എമ്മി അവാര്‍ഡ് നോമിനേഷന്‍ സെലീന ഗോമസിന് നേടിക്കൊടുത്തു.
Content Highlights: selena gomez joins youngest billionaires club
Published: 07 Sept 2024, 04:34 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented