ഷാരൂഖ് ഖാനും റാണി മുഖർജിയും പ്രധാന വേഷങ്ങളിൽ എത്തി, 2003-ൽ പുറത്തിറങ്ങിയ ചിത്രമാണ് 'ചൽത്തേ ചൽത്തേ' (Chalte Chalte). ചിത്രത്തിൽ ശേഖർ സുമനും അണിയറയിൽ പ്രവർത്തിച്ചിരുന്നു. ചിത്രത്തിന്റെ പ്രൊമോഷണൽ ടീസറിന് അദ്ദേഹം ശബ്ദം നൽകിയിരുന്നു. തന്റെ ആ സംഭാവനയ്ക്ക് ഷാരൂഖ് ഖാൻ നൽകിയ മനോഹരമായ ഒരു ഉപഹാരത്തെക്കുറിച്ച് അദ്ദേഹം അടുത്തിടെ ഒരു അഭിമുഖത്തിൽ പറയുകയുണ്ടായി.

To advertise here,

"ഷാരൂഖ് 'ചൽത്തേ ചൽത്തേ' നിർമ്മിക്കുന്ന സമയത്ത് ചിത്രത്തിലെ കമന്ററിക്കായി അദ്ദേഹത്തിന് എന്റെ ശബ്ദം ആവശ്യമായിരുന്നു. ടീസർ പുറത്തിറങ്ങിയതിന് പിന്നാലെ അദ്ദേഹം എന്നെ നേരിട്ട് വിളിച്ചു. 'ഹായ്, ഇത് ഷാരൂഖാണ്, ഈ സിനിമയ്ക്കായി നിങ്ങൾ ശബ്ദം നൽകണമെന്ന് ഞാൻ ആഗ്രഹിക്കുന്നു'. ഞാൻ സമ്മതിച്ചു, അവിടെ ചെന്ന് അത് ചെയ്തുകൊടുത്തു," ബോളിവുഡ് ഹംഗാമയോട് ശേഖർ സുമൻ പറഞ്ഞു.

Also Read

placeholder

വിജയ്‌യുടെ പാർട്ടിയുടെ പേരും ആദ്യസിനിമയും തമ്മിലുള്ള ബന്ധമിതാണ്

placeholder

കണ്ണീരും വിയർപ്പും കലർന്ന മണ്ണിലൂടെ, വെള്ളത്തിൽ മുങ്ങിപ്പോയ സ്വപ്‌നങ്ങളിലൂടെ വീണ്ടുമൊരു യാത്ര

placeholder

മലപ്പുറത്തെ 'ഇരട്ടകളുടെ ഗ്രാമം;' ഒരേ മുഖങ്ങൾ, ജോഡികളായി പോകുന്ന കാഴ്ച വീണ്ടും ശ്രദ്ധനേടുന്നു

placeholder

വിജയ്ക്ക് 'സെക്‌സ് അപ്പീൽ' കുറവെന്ന് തൃഷ; വീഡിയോ വൈറലാവുന്നു

അതിന് പകരമായി ഷാരൂഖ് അയച്ച ചെക്ക്, താൻ നിരസിച്ച കാര്യവും അദ്ദേഹം ഓർത്തെടുത്തു. "അദ്ദേഹം എനിക്ക് വലിയൊരു തുകയുടെ ചെക്ക് അയച്ചു. ‘ഇത് രണ്ട് സുഹൃത്തുക്കൾ തമ്മിലുള്ള കാര്യമാണ്, ഇതിന് പണത്തിന്റെ ആവശ്യമില്ലെന്ന്’, ഞാൻ അപ്പോൾ പറഞ്ഞു. എന്നാൽ അദ്ദേഹം അത് കേട്ടില്ല. ഷാരൂഖ്, ഷാരൂഖ് തന്നെയാണല്ലോ! പകരം അദ്ദേഹം എനിക്ക് വളരെ വിലപിടിപ്പുള്ള ഒരു വാച്ച് അയച്ചുതന്നു. അത് ഇപ്പോഴും എന്റെ പക്കലുണ്ട്. അതൊരു മനോഹരമായ ഓർമ്മയാണ്."

'ദേവദാസ്'
മുമ്പ് ഇൻസ്റ്റന്റ് ബോളിവുഡിന് നൽകിയ അഭിമുഖത്തിൽ, 'ദേവദാസി'ൽ ഷാരൂഖ് ഖാനും സഞ്ജയ് ലീല ബൻസാലിക്കുമൊപ്പം പ്രവർത്തിക്കാൻ കഴിയാത്തതിൽ ശേഖർ ഖേദം പ്രകടിപ്പിച്ചിരുന്നു. "സഞ്ജയ് ലീല ബൻസാലി എനിക്ക് ദേവദാസിലെ ചുണ്ണിലാലിന്റെ വേഷം വാഗ്ദാനം ചെയ്തിരുന്നു, എന്നാൽ അന്ന് എനിക്കത് ചെയ്യാൻ കഴിഞ്ഞില്ല. പിന്നീട് ആ വേഷം ജാക്കി ഷ്രോഫ് ചെയ്തു, അദ്ദേഹം അത് നന്നായി ചെയ്യുകയും ചെയ്തു. സഞ്ജയ് ലീല ബൻസാലിക്കൊപ്പം പ്രവർത്തിക്കാൻ കഴിയാത്തതിൽ എനിക്ക് വിഷമമുണ്ടായിരുന്നു, എന്നാൽ 'ഹീരാമാണ്ഡി'യിലൂടെ (Heeramandi) ആ ആഗ്രഹം സഫലമായി."

നടൻ, അവതാരകൻ, നിർമ്മാതാവ് എന്നീ നിലകളിൽ പ്രശസ്തനായ ശേഖർ സുമൻ, 1993-ലെ 'ദേഖ് ഭായ് ദേഖ്' (Dekh Bhai Dekh) എന്ന പരമ്പരയിലെ വേഷത്തിലൂടെയാണ് ശ്രദ്ധിക്കപ്പെട്ടത്. വാ! ജനാബ് (Wah! Janaab), റിപ്പോർട്ടർ, സിംപ്ലി ശേഖർ, ക്യാരി ഓൺ ശേഖർ എന്നിവയാണ് അദ്ദേഹത്തിന്റെ മറ്റ് ശ്രദ്ധേയമായ ടെലിവിഷൻ പരിപാടികൾ.

കൂടുതൽ ഫീച്ചറുകൾ വായിക്കാൻ ഗൃഹലക്ഷ്മി വാട്സാപ്പ് ഗ്രൂപ്പിൽ അംഗമാകൂ:https://mbi.page.link/grihalakshmi