ഇന്ത്യന്‍ സിനിമയുടെ 25 വര്‍ഷത്തെക്കുറിച്ചുള്ള റിപ്പോര്‍ട്ട് പുറത്തിറക്കി ഇന്റര്‍നെറ്റ് മൂവി ഡാറ്റാബേസ് (ഐഎംഡിബി). 2000 മുതലുള്ള ഇന്ത്യന്‍ സിനിമയിലെ ഏറ്റവും വലിയ ട്രെന്‍ഡുകളാണ് ഇതില്‍ രേഖപ്പെടുത്തിയിരിക്കുന്നത്. വിദേശത്തും ആരാധകരെ കണ്ടെത്തുന്ന ഇന്ത്യന്‍ സിനിമകളില്‍ നിന്നുള്ള ക്രോസ്ഓവര്‍ സിനിമകളുടെ വളര്‍ച്ചയാണ് റിപ്പോര്‍ട്ടിലെ കണ്ടെത്തലുകളിലൊന്ന്. അവയില്‍ ഏറ്റവും വലുത് ഒരു ആമിര്‍ ഖാന്‍ ബ്ലോക്ക്ബസ്റ്ററാണ്.
രാജ്കുമാര്‍ ഹിരാനിയുടെ സംവിധാനത്തില്‍ പുറത്തിറങ്ങിയ '3 ഇഡിയറ്റ്‌സ്' ആണ് ഈ സിനിമ. 2009-ല്‍ പുറത്തിറങ്ങിയ ഈ സിനിമയ്ക്ക് ആഗോള ജനപ്രീതി സൂചികയില്‍ 100-ല്‍ 100 മാര്‍ക്കുണ്ട്. ഇത് അതിന്റെ സാര്‍വത്രികമായ ആഗോള പ്രശസ്തിയെ സൂചിപ്പിക്കുന്നു. ഐഎംഡിബിയുടെ മികച്ച സിനിമകളുടെ പട്ടികയായ 'ഐഎംഡിബി ടോപ്പ് 250'-ല്‍ ഏറ്റവും ഉയര്‍ന്ന റാങ്കുള്ള ഇന്ത്യന്‍ സിനിമയും '3 ഇഡിയറ്റ്‌സ്' ആണ്.
ഇന്ത്യക്കാരല്ലാത്ത പ്രേക്ഷകര്‍ക്കിടയിലും '3 ഇഡിയറ്റ്‌സ്' മികച്ച നേട്ടം കൈവരിച്ചു. സിനിമയുടെ 80 ശതമാനത്തിലധികം വ്യൂസും ഇന്ത്യക്ക് പുറത്തുനിന്നാണ്. ഇത്തരത്തിലുള്ള അന്താരാഷ്ട്ര സ്വീകാര്യതയുള്ള മറ്റ് ഇന്ത്യന്‍ സിനിമകള്‍ 'താരെ സമീന്‍ പര്‍', 'മൈ നെയിം ഈസ് ഖാന്‍', 'മണ്‍സൂണ്‍ വെഡ്ഡിങ്', 'ദി ലഞ്ച്‌ബോക്‌സ്' എന്നിവയാണ്. എന്നാല്‍ ഈ സിനിമകള്‍ക്കൊന്നും 60 ആഗോള ജനപ്രീതി റേറ്റിങ് പോലുമില്ല. രണ്ട് സൂചികകളിലും ഉയര്‍ന്ന സ്‌കോര്‍ നേടുന്ന മറ്റ് ജനപ്രിയ സിനിമകളില്‍ 'ദംഗല്‍', 'ആര്‍ആര്‍ആര്‍', 'പികെ' എന്നിവയും ഉള്‍പ്പെടുന്നു.
'ചില സിനിമകള്‍ മാത്രമേ ക്രോസ്ഓവര്‍ ഹിറ്റുകള്‍ എന്ന പേര് യഥാര്‍ത്ഥത്തില്‍ അര്‍ഹിക്കുന്നുള്ളൂ, ഈ വിഭാഗത്തില്‍ ആമിര്‍ ഖാന്‍ സിനിമകള്‍ ആധിപത്യം സ്ഥാപിക്കുന്നു. സാംസ്‌കാരികമായി ഇന്ത്യന്‍ ആണെങ്കിലും വൈകാരികമായി സാര്‍വത്രികമായ കഥപറച്ചിലിന്റെ ശക്തി ആഗോളതലത്തില്‍ തെളിയിക്കുന്നതാണ് ഈ ആധിപത്യം.' ഐഎംഡിബി കുറിച്ചു.
ഐഎംഡിബി ഇന്ത്യയില്‍ 25 വര്‍ഷം പൂര്‍ത്തിയാകുന്ന വേളയിലാണ് ഈ റിപ്പോര്‍ട്ട് പുറത്തിറങ്ങിയത്. 2000-2025 കാലഘട്ടത്തില്‍ ഇന്ത്യയില്‍ നിന്ന് ഏറ്റവും കൂടുതല്‍ തിരഞ്ഞ സെലിബ്രിറ്റികളെയും സിനിമകളെയും റിപ്പോര്‍ട്ടില്‍ പരിശോധിക്കുന്നു.
കൂടുതല്‍ ഫീച്ചറുകള്‍ വായിക്കാന്‍ ഗൃഹലക്ഷ്മി വാട്സാപ്പ് ഗ്രൂപ്പില്‍ അംഗമാകൂ:https://mbiurl.in/grihalakshmi
Content Highlights: IMDb`s report analyzes 25 years of Indian cinema trends (2000-2025), highlighting crossover hits like `3 Idiots` and its global appeal. Discover top Indian films and celebrities.
Published: 30 Sept 2025, 06:45 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented