മാതാപിതാക്കളുടെ വേര്പിരിയല് സമ്മര്ദ്ദത്തിലാക്കുന്നത് കുട്ടികളെയോ?
12 വയസ്സ് പ്രായം ഉണ്ടായിരുന്നു അവള്ക്ക്. അമ്മയുടെ കൈയും പിടിച്ചാണ് എന്റെ മുമ്പില് വന്നിരുന്നത്. മുഖത്ത് ഒരുതരം നിസ്സംഗ ഭാവം. അര മണിക്കൂറിനടുപ്പിച്ച് അവള് എന്റെ തൊട്ടുമുന്പില് ഇരുന്നെങ്കിലും ഒരുതവണപോലും എന്റെ മുഖത്ത് നോക്കിയില്ല. തലകുനിച്ച് ഒന്നും മിണ്ടാതെ ഇരുന്നു. മറ്റുള്ളവരെ അഭിമുഖീകരിക്കാനും അവരോട് സംസാരിക്കാനും വല്ലാതെ ഭയപ്പെടുന്നതായി തോന്നി. ആ കുഞ്ഞു മനസ്സ് ഇത്രയേറെ ഒറ്റപ്പെടലിലേക്കും ഭയത്തിലേക്കും തെന്നിവീണതിനു പിന്നിലെ കാരണം അവളുടെ അമ്മയുടെ വാക്കുകളില് നിന്നും ഞാന് മനസ്സിലാക്കി. അച്ഛനും അമ്മയ്ക്കും ഒപ്പം വളരെ സന്തോഷകരമായ ഒരു ജീവിതാന്തരീക്ഷത്തിലായിരുന്നു ഒരു വര്ഷം മുന്പ് വരെ ആ കുഞ്ഞ് കഴിഞ്ഞിരുന്നത്. പെട്ടെന്നൊരു ദിവസം ജീവിതമാകെ മാറിമറിഞ്ഞു. അച്ഛനും അമ്മയും വേര്പിരിഞ്ഞു. ഇരുവരും രണ്ടു വീടുകളിലായി താമസം. അതോടെ അച്ഛന്റെയും അമ്മയുടെയും അടുത്ത് കൃത്യമായ ഇടവേളകളില് മാറിമാറി കഴിയേണ്ടിവന്നു. ആ മാറ്റം അരക്ഷിതാവസ്ഥ മാത്രമാണ് അവള്ക്ക് നല്കിയത്.
ഇതൊരു ഒറ്റപ്പെട്ട സംഭവമല്ല. കുട്ടികളുടെ പലതരത്തിലുള്ള മാനസിക സമര്ദ്ദങ്ങളെക്കുറിച്ച് നാം ചര്ച്ച ചെയ്യാറുണ്ടെങ്കിലും, പരസ്പരം വേര്പിരിഞ്ഞ മാതാപിതാക്കളുള്ള കുട്ടികള് കടന്നുപോകുന്ന മാനസികാവസ്ഥയെക്കുറിച്ച് കാര്യമായ ചര്ച്ചകള് ഉണ്ടായിട്ടില്ല. എന്നാല് ഗൗരവകരമായി പരിഗണിക്കേണ്ട വിഷയമാണിത്.
Content Highlights: How parental separation impacts children's mental health, causing emotional, social, academic challenges. Expert advice on supporting kids during this difficult time