കാണാതായ എന്നെ കണ്ടുകിട്ടിയത് വീട്ടിലെ നായക്കൂട്ടിൽ നിന്ന്, ഞാനെങ്ങനെ അതിലെത്തിയെന്നത് ഇന്നും എനിക്കറിയില്ല

മാനസികാരോഗ്യ പ്രശ്നങ്ങൾ നേരിടുന്ന കുടുംബ പശ്ചാത്തലത്തിലാണ് ഞാൻ ജനിച്ചതും വളർന്നതുമെല്ലാം. മാനസികമായി സുരക്ഷിതമല്ലാത്ത പേരന്റിങ് ആയിരുന്നു എനിക്ക് ലഭിച്ചതും. കുഞ്ഞുന്നാൾ മുതൽതന്നെ ഒരു ഭയം എന്നെ വേട്ടയാടിയിരുന്നു. വേണ്ടപ്പെട്ടവർ എനിക്ക് നിരന്തരം ശാരീരിക വേദനകൾ തന്നിരുന്നു. ആ വേദനകൾ എന്നെ പിന്നെ അതിനോട് കൂടുതൽ അടുപ്പിക്കുകയാണ് ചെയ്തത്. മനസ്സ് അസ്വസ്ഥമാവുമ്പോഴെല്ലാം ഞാൻ എന്നെത്തന്നെ മുറിവേൽപ്പിക്കാൻ തുടങ്ങി. ഞാൻ അതിൽ സന്തോഷം കണ്ടെത്താനും തുടങ്ങി.

സമപ്രായക്കാരായ മറ്റു കുട്ടികളുടേതു പോലെയല്ല എന്റെ ചുറ്റുപാടുകൾ എന്ന തിരിച്ചറിവ് ഉണ്ടായിരുന്നു. പക്ഷേ, അതിൽ നിന്ന് എങ്ങനെ പുറത്തുവരണമെന്ന് അറിയുമായിരുന്നില്ല. വീടിനു പുറത്തുനിന്ന് ഒരു മോശം അനുഭവമുണ്ടായാൽ അതെങ്ങനെ വീട്ടിൽ പറയും എന്ന് എനിക്ക് ചിന്തിക്കേണ്ടി വന്നിട്ടില്ല, കാരണം അകത്തെ കാര്യങ്ങൾ പുറത്തുപറയാനാണ് ഞാൻ ഭയപ്പെട്ടിരുന്നത്. ആരോടും ഒന്നും തുറന്നു സംസാരിക്കാൻ സാധിച്ചിരുന്നില്ല. ആരും ഒട്ടറിഞ്ഞതുമില്ല.

Content Highlights: Overcoming severe childhood trauma and dysfunctional parenting, Battling recurrent depressive disorder, self-harm, and suicidal tendencies, Finding healing and identity through fine arts and creative journaling, The importance of professional therapy, medication, and a strong support system