ഏകാന്തതയ്ക്കായി കാടിനെ വീടാക്കിയ പെൺകുട്ടി; ഒടുവിൽ സൗപർണികയിൽ മരണം

ഇക്കഴിഞ്ഞ ദിവസമാണ് പ്രശസ്ത വന്യജീവി ഫോട്ടോഗ്രാഫർ വസുധ ചക്രവർത്തിയെ മരിച്ച നിലയിൽ കണ്ടെത്തിയത്. ബംഗളൂരു സ്വദേശിനിയായിരുന്നു. ഓഗസ്റ്റ് 27-ന് കൊല്ലൂരിലെത്തിയ വസുധയെ പിന്നീട് കാണാതാവുകയായിരുന്നു. അന്വേഷണത്തിൽ പുഴയിൽ വീണെന്ന് അറിഞ്ഞു. ഒടുവിൽ സൗപർണിക നദിയിൽനിന്നാണ് മൃതദേഹം കണ്ടെടുത്തത്. വസുധയെ കുറിച്ച് മുമ്പ് 'മാതൃഭൂമി യാത്ര മാസിക'യിൽ പ്രസിദ്ധീകരിച്ച ലേഖനം പുനഃപ്രസിദ്ധീകരിക്കുന്നു.

രാത്രി ഇരുണ്ടാൽ വസുധയുടെ ഹണ്ടിങ്ങ് ലോഡ്ജിന്റെ മുറ്റത്ത് ചില സന്ദർശകരെത്തും. കരടിക്കുട്ടൻമാർ, കാട്ടുപോത്തുകൾ, പന്നികൾ, പുള്ളിപ്പുലി. മുറ്റത്ത് ഒരുക്കിയ ചെറിയ കുളത്തിലെ വെള്ളം കുടിക്കാനെത്തുന്ന അതിഥികൾ. ആനകളാണ് സ്ഥിര സന്ദർശകർ. കൂട്ടത്തിൽ ഒരു വലിയ കൊമ്പനുണ്ട്. മര്യാദരാമൻ. വെള്ളം കുടിച്ചു. കുറച്ചു നേരം കറങ്ങി, ചെറിയ മൂളലുകളാൽ തന്റെ സാന്നി ധ്യമറിയിച്ച് അവൻ പതിയെ സ്ഥലം വിടും. സാധു എന്നാണവന് പേരിട്ടിരിക്കുന്നത്. സാധു വന്നാൽ സുൽത്താൻ നിശ്ശബ്ദനാവും. കുരച്ച് ബഹളമുണ്ടാക്കി അവനെ ശല്ല്യപ്പെടുത്തരുതെന്ന് വസുധ പ്രത്യേകം ചട്ടം കെട്ടിയിട്ടുണ്ട്.

Content Highlights: renowned wildlife photographer Vasudha Chakravarthy was found dead in the Souparnika River. Read about her life and passion for nature