സ്പാനിഷ് ആഭ്യന്തര യുദ്ധകാലത്ത് ബോംബ് ഷെല്ട്ടറായിരുന്ന വെെൻകലവറകൾ; അറിയാം മാഡ്രിഡിന്റെ രുചിമേളം
പൗരാണിക നഗരത്തെ ലോകം ഇന്നറിയുന്നത് റയല് മഡ്രിഡ് എന്ന ഫുട്ബോള് ക്ലബ്ബിന്റെ പേരിലാവും. എന്നാല്, സ്പാനിഷ് സംസ്കാരത്തിന്റെ ഈറ്റില്ലമായ മഡ്രിഡില്, എന്നെ ആകര്ഷിച്ചത് ഭക്ഷണ വൈവിധ്യമാണ്. പതിനാറാം നൂറ്റാണ്ടില് ഫിലിപ്പ് രണ്ടാമന് രാജാവ് മഡ്രിഡിനെ സ്പെയിനിന്റെ തലസ്ഥാനമാക്കിത്തീര്ത്തതുമുതല് നഗരത്തില് അദ്ഭുതാവഹമായ മാറ്റങ്ങള് സംഭവിച്ചു. ഉള്നാടന് ഗ്രാമങ്ങളില്നിന്ന് ആളുകള് തൊഴിലും മെച്ചപ്പെട്ട ജീവിതസൗകര്യങ്ങളും ലക്ഷ്യമിട്ട് ഇങ്ങോട്ടേക്കെത്തിത്തുടങ്ങി. അങ്ങനെ പല നാടുകളിലെ രുചിവൈവിധ്യം മഡ്രിഡിന് സ്വന്തമാവുകയായിരുന്നു.
യൂറോപ്പിന്റെ ഭക്ഷണ തലസ്ഥാനങ്ങളില് ഒന്നാണ് മഡ്രിഡ്. പതിനായിരം റസ്റ്ററന്റുകള്, പതിനെട്ടായിരം ബാറുകള്, മൂവായിരത്തോളം ഫുഡ് കോര്ട്ടുകള് എന്നിവ ഇവിടെയുണ്ട്. എന്നാല്, ഇതില് നല്ലൊരു ശതമാനവും ടൂറിസ്റ്റുകള്ക്കുള്ള കെണിയാണ്. അതുകൊണ്ടുതന്നെ സ്പാനിഷ് ഭക്ഷണസംസ്കാരത്തെ മനസ്സിലാക്കാന് അവിടത്തുകാരനായ ദാവീദ് സംഘടിപ്പിക്കുന്ന ഫുഡ് ടൂറില് പങ്കാളിയായി. എന്നെക്കൂടാതെ അഞ്ച് വിദേശികള് വേറെയുമുണ്ട്.
Content Highlights: Explore Madrid`s vibrant food scene, historic markets, traditional taverns, and the best of Spanish cuisine.