'നിങ്ങളുടേതായ കാര്യങ്ങളിൽ ഉറച്ചുനിൽക്കൂ', യുവാക്കൾക്ക് ഐശ്വര്യ റായിയുടെ ഉപദേശം

ഈ വർഷത്തെ കാൻ ചലച്ചിത്രോത്സവത്തിന്റെ ആദ്യദിവസങ്ങളിൽ ഐശ്വര്യറായിയെ കാണാത്തതിന്റെ നീരസത്തിലായിരുന്നു ആരാധകർ. എങ്കിലും ഏറെ ദിവസത്തെ കാത്തിരിപ്പിനൊടുവിൽ ചടുലമായ വേഷപ്പകർച്ചയുമായി അവർ ആരാധകർക്കു മുമ്പിലെത്തി. ബ്രൂട്ട് ഇന്ത്യക്കു നൽകിയ അഭിമുഖത്തിലൂടെ, സിനിമാലോകത്തേക്ക് വരുന്ന പുതിയ തലമുറയ്ക്ക് വ്യക്തമായ ഒരു ഉപദേശവും നൽകി. സിനിമാ ലോകത്ത് ഏകദേശം മൂന്ന് പതിറ്റാണ്ടുകൾ പിന്നിട്ട നടി, നിർമ്മിത ലോകത്ത് എങ്ങനെ സ്വന്തം വ്യക്തിത്വം നിലനിർത്താമെന്നും വിശദീകരിച്ചു.

ഒരു കലാകാരൻ എല്ലാ ദിവസവും പുതിയതായാണ് അനുഭവിക്കുന്നത്, സർഗ്ഗാത്മകതയിലൂടെ പുതിയ കാര്യങ്ങൾ കണ്ടെത്താനുള്ള ഒരു യാത്രയിലാണവർ, ആരാധകരുടെ പ്രശംസ നേടാനായി താൻ ഇപ്പോഴും പ്രവർത്തിക്കുന്നുണ്ടെന്നും ഐശ്വര്യ പറഞ്ഞു.

"സ്‌നേഹത്തിനും പിന്തുണയ്ക്കും ഞാൻ നന്ദിയുള്ളവളാണ്. അഭിനന്ദനങ്ങൾക്ക് വളരെ നന്ദി. കലാപരമായ ലോകത്തോ, നിങ്ങൾ തിരഞ്ഞെടുക്കുന്ന ഏതൊരു ലോകത്തോ യാത്ര വ്യക്തിപരമാണെന്ന് ഞാൻ വിശ്വസിക്കുന്നു. നിങ്ങളുടെ അനുഭവങ്ങളാണ് നിങ്ങളെ സമ്പന്നരാക്കുന്നതും സാധിക്കുന്ന വഴികൾ തിരഞ്ഞെടുക്കാൻ സഹായിക്കുന്നതും. കാരണം ഓരോരുത്തർക്കും വ്യത്യസ്തമായ വഴികളാണ് നല്ലത്.

എനിക്ക് പറയാനുള്ളത് ഇത്രമാത്രമാണ്, പുറത്തിറങ്ങി നിങ്ങളുടെ പാഷൻ കണ്ടെത്തുക, സ്വന്തം തിരഞ്ഞെടുപ്പുകളിൽ സത്യസന്ധമായിരിക്കുക. നിങ്ങൾ നിങ്ങളുടെ ഏറ്റവും നല്ല സുഹൃത്തായിരിക്കണം, നിങ്ങൾക്കായി നിലകൊള്ളണം. നമ്മെ ചുറ്റിപ്പറ്റിയുള്ള കാര്യങ്ങളെ നമുക്ക് പ്രവചിക്കാൻ കഴിയില്ല, ഇന്നത്തെ ലോക സാഹചര്യത്തിൽ അവ നിർമ്മിക്കാൻ ശ്രമിക്കരുത്. നിങ്ങൾ ജീവിക്കുകയും ജീവിതം അനുഭവിക്കുകയും വേണം, എന്നിട്ട് അത് നിങ്ങളുടെ കലയിലേക്ക് കൊണ്ടുവരണം. അതിനാൽ, നിങ്ങൾ ആരാണോ സത്യസന്ധമായിരിക്കുക, ക്രൂരമായി സത്യസന്ധമായിരിക്കുക," അവർ പറഞ്ഞു.

യുവ അഭിനേതാക്കളോട് "ജീവിതത്തിന്റെ വിദ്യാർത്ഥി" ആയിരിക്കാനും അവരുടെ യാത്ര പൂർണ്ണമായി ജീവിക്കാനും ഐശ്വര്യ ഉപദേശിച്ചു, ബാക്കിയുള്ളതെല്ലാം ഉദ്ദേശിച്ച രീതിയിൽ അതിന്റെ സ്ഥാനം കണ്ടെത്തുമെന്നും.

കൂടുതൽ ഫീച്ചറുകൾ വായിക്കാൻ ഗൃഹലക്ഷ്മി വാട്സാപ്പ് ഗ്രൂപ്പിൽ അംഗമാകൂ:https://mbi.page.link/grihalakshmi

Content Highlights: Aishwarya Rai emphasizes authenticity over manufactured public images., Advice for young actors to remain 'students of life' and trust their individual journeys., Confirmation of Aishwarya's 24th appearance at Cannes 2024., Clarification regarding L’Oréal brand ambassador representation at Cannes.