'നമ്മുടെ മുറിവുണങ്ങാത്തതിന് പലപ്പോഴും കാരണം നമ്മൾ തന്നെയാണ്'

ജീവിതയാത്രയ്ക്കിടയിൽ നമുക്ക് നഷ്ടമായിപ്പോകുന്ന ചിലതുണ്ട്. സന്തോഷം അന്വേഷിക്കുമ്പോഴും അതു കണ്ടെത്താനാകാതെ അന്വേഷികളായി അലയേണ്ടി വരുന്ന മനുഷ്യർ. അവർ പിന്നെ എവിടെയോ വച്ച് ജീവിതത്തെ തിരിച്ചു പിടിക്കുന്നു. ആ തിരിച്ചുപിടിക്കൽ ജീവിതത്തെ പുതിയൊരു വസന്തകാലത്തിലേക്ക് സഞ്ചരിക്കാൻ പ്രേരിപ്പിക്കുന്നു. ജീവിതമെന്നത് ഒരു പോരാട്ടഭൂമിയായി മാറുമ്പോൾ, സന്തോഷമെന്നത് ഒരു മരീചികയായി മാറുന്നു. എല്ലാനേട്ടങ്ങളും സന്തോഷത്തിന് വേണ്ടിയാണ്. എന്നാൽ ആ നേട്ടങ്ങൾക്കൊന്നും സന്തോഷം പ്രദാനം ചെയ്യാനുള്ള കഴിവു നഷ്ടപ്പെടുമ്പോൾ ജീവിതം ഊഷരഭൂമിയായി പരിണമിക്കുന്നു. സന്തോഷമെന്നത് നട്ടുവളർത്തി പരിപാലിച്ച് എടുക്കേണ്ട ഒരു ചെടി പോലെയാണ്. ഓരോ നിമിഷവും ജാഗ്രത്തോടെ ആസ്വദിച്ച് ജീവിക്കുന്നതിന്റെ മനോഹാരിത വെളിപ്പെടുത്തുകയാണ് അശ്വതി ശ്രീകാന്തിന്റെ 'സന്തോഷത്തിന്റെ സമവാക്യങ്ങൾ' എന്ന പുസ്തകം.

ഒരു ലൈഫ് കോച്ചായ അശ്വതി ശ്രീകാന്ത് ജീവിത പ്രശ്‌നങ്ങളുമായി തന്നെ സമീപിച്ച നിരവധി മനുഷ്യരെക്കുറിച്ച് പറയുന്ന അറിവുകൾ വായനക്കാരനിൽ തിരിച്ചറിവായി പടരുന്നിടത്താണ് ഈ പുസ്തകം മൂല്യവത്താകുന്നത്. വലിയ നേട്ടങ്ങൾ കീഴടക്കുമ്പോൾ പോലും ശൂന്യതയിൽ ജീവിക്കുന്ന മനുഷ്യരുണ്ട്. ആ ശൂന്യമായ ലോകത്തെക്കുറിച്ച്, ഈ പുറം കാഴ്ചകൾക്കും ബഹളങ്ങൾക്കും നേട്ടങ്ങൾക്കുമപ്പുറം താൻ ആരാണ് എന്ന ചിന്തയാണ് മനുഷ്യരെ ആത്മഹത്യയിലേക്ക് നയിക്കുന്നത്. ഇത്തരം emotional mumbness ബാധിച്ച മനുഷ്യർക്ക് ജീവിതത്തിലെ നൻമകളെ അറിയാനുള്ള ശേഷി നഷ്ടപ്പെട്ടിരിക്കും. ചെറിയ നേട്ടങ്ങളെപ്പോലും ആഘോഷിക്കാനും വലിയ ലക്ഷ്യങ്ങളിലേക്ക് ശ്രദ്ധ കേന്ദ്രീകരിയ്ക്കാനുമാണ് കുഞ്ഞുന്നാൾ മുതൽ കുട്ടികളെ ശീലിപ്പിക്കേണ്ടത്. ചെറിയ കാര്യങ്ങളിൽ ശ്രദ്ധിക്കാനും ജീവിതം ആഘോഷിക്കാനും ശ്രമിക്കുന്നത് ബ്രെയിനിന്റെ സർഗ്ഗശേഷി വർദ്ധിപ്പിക്കും. സൈക്ലിങ്ങും നാട്ടുവഴിയിലൂടെയുള്ള സഞ്ചാരവും ഗൃഹാതുരത്വമായ കാര്യങ്ങളുമൊക്കെ ആസ്വദിക്കുകയും ജീവിതത്തിലെ നേട്ടമായിക്കാണാൻ ശ്രമിക്കുകയും ചെയ്യുമ്പോൾ ജീവിതത്തിന്റെ ഗതി മാറും. ഇങ്ങനെ ഏതെങ്കിലും ചില പ്രവൃത്തികൾ നൽകി ബ്രെയ്‌നിനെ കൂടുതൽ കാര്യക്ഷമമാക്കി മാറ്റാനാണ് ശ്രമിക്കേണ്ടത്.

Content Highlights: Insights on emotional numbness and finding happiness beyond external achievements., Redefining forgiveness as a tool for personal healing rather than a forced obligation., Techniques to heal the 'inner child' and overcome trauma bonding., Practical strategies to avoid energy vampires and reframe negative core beliefs., Importance of self-compassion and setting healthy emotional boundaries.