‘പോക്കറ്റടിക്കാരനെപ്പോലെ വസ്ത്രം ധരിച്ച നടി’ കങ്കണയുടെ അടുത്ത ഉന്നം സോനാക്ഷി?

നടിയും എംപിയുമായ കങ്കണാ റണാവത്തിന്റെ ഏറ്റവും പുതിയ സോഷ്യൽ മീഡിയാ പോസ്റ്റ് വലിയൊരു വിവാദത്തിന് വഴിയൊരുക്കുകയാണ്. കങ്കണയും നടി സോനാക്ഷി സിൻഹയും തമ്മിലൊരു ഏറ്റുമുട്ടലിന് സാധ്യതയുണ്ടെന്നാണ് സോഷ്യൽ മീഡിയ പറയുന്നത്. നീറ്റ് പേപ്പർ ചോർച്ച പ്രതിഷേധത്തിൽ സജീവമായിരുന്ന ഒരു ‘തടിച്ച സ്ത്രീ’, ജാർഖണ്ഡ് പേപ്പർ ചോർച്ച വിവാദത്തെക്കുറിച്ച് സംസാരിക്കുന്നില്ലെന്ന തരത്തിലുള്ള ഒരു പോസ്റ്റിന് കങ്കണ ലൈക്ക് ചെയ്തിരുന്നു. ഇത് സോനാക്ഷിയെ ഉദ്ദേശിച്ചാണെന്ന് സോഷ്യൽ മീഡിയ കണ്ടെത്തിയിരുന്നു. ഇതിനു പിന്നാലെ വിശദീകരണവുമായെത്തിയ (social media) കങ്കണ സോനാക്ഷിയെ കൂടുതൽ പ്രകോപിപ്പിക്കുന്നതായാണ് കാണാൻ സാധിക്കുന്നത്.

താൻ 'ലൈക്ക്' ചെയ്തെന്നു പറയുന്ന പോസ്റ്റിന്റെ സ്ക്രീൻഷോട്ട് വ്യാജമാണെന്നും അത്തരത്തിൽ ആരെയും ബോഡി ഷെയിം ചെയ്യില്ലെന്നും കങ്കണ പറഞ്ഞു. പക്ഷേ, പിന്നീട് പേര് വെളിപ്പെടുത്താതെ നടിയെക്കുറിച്ച് അവർ നടത്തിയ പരാമർശം ഒട്ടും അല്പം കടന്നതായിരുന്നു.

'ഒട്ടേറെ വ്യാജ വാർത്തകൾ പ്രചരിക്കുന്നുണ്ട്, ഈ ലൈക്കും വ്യാജമാണ്. ഞാനാരെയും ബോഡി ഷെയിം ചെയ്യാറില്ല. എന്നാൽ ഈയിടെ, പോക്കറ്റടിക്കാരെപ്പോലെ വസ്ത്രം ധരിക്കുകയും സംസാരിക്കുകയും ചെയ്യുന്ന ഒരു നടിയെ ഞാൻ ശ്രദ്ധിച്ചിട്ടുണ്ട്. ഹാഫ് പാന്റ്സും തലകീഴായ തൊപ്പിയുമിട്ട് പോക്കറ്റടിക്കാരെപ്പോലെ, പ്രതിഷേധക്കാരുടെ 'മോശം’ പെരുമാറ്റത്തെ തീവ്രമായി പ്രോത്സാഹിപ്പിക്കുന്നു. ഒരു ബന്ധത്തിലിരിക്കെ നിങ്ങൾ എങ്ങനെ വസ്ത്രം ധരിക്കുന്നു എന്നത് നിങ്ങൾക്കെന്ത് അനുഭവപ്പെടുന്നു എന്നതിന്റെ പ്രതിഫലനമാണെന്ന് ഞാൻ കരുതുന്നു. പ്രിയ സഹ നടിയേ, നിങ്ങളുടെ പുരുഷൻ നിങ്ങളെ ഒരു പോക്കറ്റടിക്കാരിയെപ്പോലെ ആക്കിമാറ്റുന്നുണ്ടെങ്കിൽ എനിക്ക് ഖേദമുണ്ട്. നിങ്ങൾ വളരെ മനോഹരമായി വസ്ത്രം ധരിക്കുകയും സംസാരിക്കുകയും ചെയ്തിരുന്നു, നിങ്ങൾക്കെന്തു സംഭവിച്ചു? അഭിപ്രായങ്ങൾ നിങ്ങളുടേതാണ്, പക്ഷേ ആ സ്റ്റൈലിങ് കൊണ്ട് നിങ്ങൾക്ക് അതിലും മികച്ചത് ചെയ്യാനാവും. നിങ്ങൾക്ക് എന്തെങ്കിലും സഹായം ആവശ്യമുണ്ടെങ്കിൽ ഞാനെപ്പോഴും നിങ്ങൾക്കായുണ്ട്'-കങ്കണ കുറിച്ചു.

ജൂലായിൽ ഡൽഹിയിൽ നടന്ന വിദ്യാർത്ഥി പ്രതിഷേധങ്ങൾക്ക് ഐക്യദാർഢ്യം പ്രഖ്യാപിച്ച് സംസാരിച്ച ആദ്യത്തെ ബോളിവുഡ് സെലിബ്രിറ്റികളിൽ ഒരാളായിരുന്നു സോനാക്ഷി. വിദ്യാഭ്യാസമന്ത്രി ധർമേന്ദ്ര പ്രധാൻ രാജിവെച്ചപ്പോൾ വിദ്യാർത്ഥികളുടെ വിജയം ആഘോഷിക്കുന്ന ടി-ഷർട്ടും ഷോർട്ട്സും തൊപ്പിയും ധരിച്ച ഒരു വീഡിയോയും അവർ പോസ്റ്റ് ചെയ്തിരുന്നു. കങ്കണയും ഹൃത്വിക് റോഷനും തമ്മിലുള്ള പഴയ വഴക്ക് വീണ്ടും സോഷ്യൽ മീഡിയയിൽ കത്തുന്നതിനിടെയാണ് പുതിയ വിവാദം. 

കൂടുതൽ ഫീച്ചറുകൾ വായിക്കാൻ ഗൃഹലക്ഷ്മി വാട്സാപ്പ് ഗ്രൂപ്പിൽ അംഗമാകൂ:https://mbi.page.link/grihalakshmi

Content Highlights: Kangana Ranaut denies body-shaming allegations via Instagram., Cryptic comments about an actress dressing like a 'pocket maar' spark rumors., Social media users speculate the target is Sonakshi Sinha due to her recent protest support., Hrithik Roshan and Kangana Ranaut's long-standing feud reignites online.