രശ്മിക മന്ദാനയുടെ വിവാഹത്തിന് എങ്ങനെയെത്തി? ഹിഷാം വിശേഷങ്ങൾ പറയുന്നു

കഴിഞ്ഞ ഫെബ്രുവരി 26. രാജ്യത്തെ സിനിമാ പ്രേമികളുടെ നോട്ടം ഒരു വിവാഹപ്പന്തലിലേക്കായിരുന്നു. വിജയ് ദേവരകൊണ്ടയുടെയും രശ്മിക മന്ദാനയുടെയും വിവാഹം. ക്ഷണിക്കപ്പെട്ട അതിഥികൾ മാത്രം പങ്കെടുത്ത ചടങ്ങിന്റെ ഒരു ഫോട്ടോ കണ്ട് മലയാളികളിൽ ചിലർ ഒന്നു ഞെട്ടി. പിന്നെ പരസ്പരം ചോദിച്ചു. ' ഇത് നമ്മുടെ ഹിഷാമല്ലേ?, ഇവനിവിടെ എങ്ങനെയെത്തി?'' പക്ഷെ, ഹിഷാം അബ്ദുൽ വഹാബിനെയും (Hesham Abdul Wahab) അദ്ദേഹത്തിന്റെ പാട്ടിനെയും അറിയുന്നവർക്ക് അതിൽ കൗതുകം തോന്നിയില്ല. കാരണം ഹിഷാം എന്ന ആലപ്പുഴക്കാരൻ എന്നേ പാൻ ഇന്ത്യനാണ്. ഗായകനായി തുടങ്ങിയ ഹിഷാം ഇപ്പോൾ ദക്ഷിണേന്ത്യയിലെ മുൻനിര സംഗീത സംവിധായകനാണ്. 'സോൾട്ട് മാംഗോ ട്രീ' എന്ന മലയാള സിനിമയിലൂടെയായിരുന്നു ഹിഷാമിന്റെ സംഗീത സംവിധാന അരങ്ങേറ്റം. പിന്നീട് 'ഹൃദയ'ത്തിലൂടെ പ്രേക്ഷകരുടെ ഹൃദയത്തിലേറി. പാട്ടുകൾ ഹിറ്റായതോടെ ഹിഷാം അതിർത്തി കടന്നു. തെലുഗുവിലും തമിഴിലും കന്നഡയിലും മെലഡി മാജിക് തീർത്തു. ഇടയ്ക്ക് ബോളിവുഡിലുമെത്തി ആ മാന്ത്രികത. ഏതു തലമുറയ്ക്കും ഒരുപോലെ കണക്ട് ചെയ്യാൻ കഴിയുന്നതാണ് ഹിഷാമിന്റെ പാട്ടുകൾ.

ആലുവ എടത്തലയിലെ ഹിഷാമിന്റെ പുതിയ വീട് മെലഡി പോലെ ശാന്തം. മുകൾനിലയിലാണ് പാട്ടുകൾ പിറവിയെടുക്കുന്ന സ്റ്റുഡിയോ.

Content Highlights: Transition from reality TV contestant to top-tier South Indian music director., Insight into the creative synergy with director Vineeth Sreenivasan and actor Vijay Deverakonda., Influence of Sufi and Carnatic music traditions on his unique sound., Details on his 2026 upcoming projects like Madhuvidhu and Once More., The role of independent music and studio production in his career growth.