വനിത, സ്ഥാനാർഥിയായാൽ ജയിക്കില്ലെന്ന് പറഞ്ഞവരുണ്ട്. പുരുഷാധിപത്യത്തിന്റെ ബാക്കി പത്രമാണ് ഇതൊക്കെ

ഫാത്തിമ തഹ്ലിയയുടെ സത്യപ്രതിജ്ഞ ചരിത്രമായിരുന്നു. ഇന്ത്യൻ യൂണിയൻ മുസ്ലീം ലീഗിന്റെ ചരിത്രത്തിലെ ആദ്യ വനിതാ നിയമസഭാ പ്രതിനിധി. ചട്ടക്കൂടിനുള്ളിൽ ഒതുങ്ങാത്ത പോരാട്ടത്തിനുള്ള അംഗീകാരം കൂടിയാണ് ഈ പുതിയ പദവി. പാരമ്പര്യത്തിന്റെയും പുരോഗമനത്തിന്റെയും ഇടയിലുള്ള നൂൽപ്പാലത്തിലൂടെ നടക്കുമ്പോഴും ഇടറാതെ പിടിച്ചുനിന്ന തുടക്കകാലം. വിമർശനങ്ങൾക്കും പ്രതിസന്ധികൾക്കും മുന്നിൽ തളരാത്ത പോരാട്ടവീര്യംകൊണ്ട് ആ യുവ നേതാവ് ജനഹൃദയം കവർന്നു. ഒടുവിൽ കാലം കാത്തുവെച്ച ആ നിമിഷം സമാഗതമായി. ജീവിതവും രാഷ്ട്രീയവും പ്രതിസന്ധികൾ കടന്നുനേടിയ വിജയവും പങ്കുവെച്ച് പേരാമ്പ്രയുടെ എം.എൽ.എ. അഡ്വ. ഫാത്തിമ തഹ്ലിയ ഗൃഹലക്ഷ്മിയോട് സംസാരിച്ചു.

പേരാമ്പ്രക്കാർ നൽകിയ വിജയം
1980-മുതൽ ഇടതുകോട്ടയാണ് പേരാമ്പ്ര. മുൻമന്ത്രിയും ഇടതുമുന്നണി കൺവീനറുമായ ടി.പി. രാമകൃഷ്ണനോടാണ് തഹ് ലിയ മത്സരിച്ചത്. ''പലരും എന്നോടു ചോദിച്ചു, കേരളത്തിലെ രണ്ടാമനെ തോൽപ്പിക്കാൻ എന്ത് ധൈര്യത്തിലാണ് പോകുന്നതെന്ന്. സത്യത്തിൽ ഞാൻ ജയപരാജയങ്ങളെക്കുറിച്ച് ചിന്തിച്ചില്ല. കഴിയുന്നത്ര ജനങ്ങളെ നേരിൽ കണ്ടു. അവരുമായി സംസാരിച്ചപ്പോൾ ആത്മവിശാസം കൂടി. ജനവിധി എന്തുമായിക്കോട്ടെ, പക്ഷെ ശ്രമിക്കാതിരുന്നത് കൊണ്ട് അവസരം നഷ്ടമാകരുതെന്ന് നിർബന്ധമുണ്ടായിരുന്നു. ടി.പി. രാമകൃഷ്ണൻ ആദരണീയനായ വ്യക്തിയാണ്. ഞാൻ രണ്ടു തവണയേ നേരിൽ കണ്ടിട്ടുള്ളൂ. അദ്ദേഹം എനിക്ക് വിജയാശംസകൾ നേർന്നു. ആശയത്തോടാണ് മത്സരം. വ്യക്തികളോടല്ലല്ലോ.''

Content Highlights: First woman MLA in the history of the Indian Union Muslim League., Defeated seasoned politician T.P. Ramakrishnan in the Perambra constituency., Former General Secretary and President of 'Haritha', the women's wing of MSF., Advocates for stricter laws against cyberbullying and verbal abuse of women in politics., Focus for the 2026 term includes infrastructure development, tourism promotion, and combating drug menace.