‘എന്തുകൊണ്ടാണ് ഈ ക്ഷീണം മാറാത്തത്?’ നമ്മളിൽ പലരും ഇടയ്ക്കിടെ സ്വയം ഉന്നയിക്കുന്ന ഒരു ചോദ്യമാണിത്. ആവശ്യത്തിന് ഉറങ്ങിയാലും, അവധി ദിവസങ്ങളിൽ വിശ്രമിച്ചാലും, ചിലപ്പോൾ ആ ക്ഷീണം വിട്ടുപോകില്ല. മനസ്സിനും ഒരു ഭാരമായി ക്ഷീണം തുടരും.

To advertise here,

ചൈനീസ് വൈദ്യശാസ്ത്രത്തിന്റെ കാഴ്ചപ്പാടിൽ 'യിൻ എനർജി' (Yin Energy) കുറയുന്നതാകാം കാരണമെന്നാണ് കണ്ടെത്തലുകൾ. ചൈനീസ് ചികിത്സാരീതിയിൽ 'യിൻ' എന്നത് ശരീരത്തിന്റെ ആരോഗ്യവും കരുത്തും വീണ്ടെടുക്കാൻ സഹായിക്കുന്ന ശക്തിയെയാണ് സൂചിപ്പിക്കുന്നത്. നല്ല ഉറക്കം, ഹോർമോൺ സന്തുലിതാവസ്ഥ, മനസ്സിന്റെ സമാധാനം ഇവയെല്ലാം 'യിനു'മായി ബന്ധപ്പെട്ടിരിക്കുന്നു. സ്ത്രീത്വത്തിന്റെ നഷ്ടപ്പെട്ടുപോയ ആന്തരിക ഊർജം വീണ്ടെടുക്കാൻ ചൈനീസ് വൈദ്യശാസ്ത്രത്തിൽ പറയുന്ന ചില ശീലങ്ങൾ ഇതൊക്കെയാണ്...

Also Read

placeholder

'എം.ജി.ആറിനുപോലും കഴിയാത്ത കാര്യം, നിങ്ങളത് ഞങ്ങൾക്കായി ചെയ്തുതന്നു': വിജയ്

placeholder

'സുസ്മിത പണംകണ്ടിട്ടല്ല ഞാനുമായി പ്രണയത്തിലായത്, ചെലവുകൾ തന്ന് കൂടെനിർത്തുന്ന കാമുകനായിരുന്നു ഞാൻ'

placeholder

നാലുമാസം കൊണ്ട് 15 കിലോ കുറയ്ക്കാം; ഈ അഞ്ചുശീലങ്ങളിലൂടെ

  • രാത്രി 11 മണി മുതൽ പുലർച്ചെ മൂന്ന് മണിവരെയുള്ള സമയത്താണ് ശരീരത്തിന് ഏറ്റവും കൂടുതൽ പുനരുജ്ജീവനം ലഭിക്കുന്നതെന്നാണ് ചൈനീസ് വൈദ്യശാസ്ത്രം കണക്കാക്കുന്നത്. ഈ സമയത്ത് ഉറക്കമില്ലാതെ തുടരുന്നത് ശരീരത്തിലെ സമ്മർദ്ദ ഹോർമോണുകളുടെ അളവ് വർധിപ്പിക്കുന്നു. അതുകൊണ്ട് നേരത്തെയുള്ള ഉറക്കം ശീലമാക്കുന്നതാണ് ആരോഗ്യത്തിന് നല്ലത്.
  • സാലഡുകളും തണുത്ത ഭക്ഷണങ്ങളുമാണ് ആരോഗ്യകരമെന്നാണ് പലരും കരുതുന്നത്. എന്നാൽ ചൂടുള്ളതും പാകം ചെയ്തതുമായ ഭക്ഷണങ്ങൾക്കാണ് ചൈനീസ് ചികിത്സാ തത്വങ്ങൾ മുൻഗണന നൽകുന്നത്. മുട്ട, എള്ള്, ഗോജി ബെറികൾ, അവക്കാഡോ തുടങ്ങിയ പോഷകസമൃദ്ധമായ ഭക്ഷണങ്ങൾ ശരീരത്തെ ശക്തിപ്പെടുത്താനും ക്ഷീണം കുറയ്ക്കാനും സഹായിക്കുമെന്നാണ് ഇവരുടെ വിശ്വാസം.
    placeholder
    Photo:Shutterstock
  • ശരീരത്തെ അതിന്റെ പരിധിക്കപ്പുറം തള്ളിവിടുന്ന ഹൈ-ഇന്റൻസിറ്റി വർക്കൗട്ടുകൾ എല്ലാവർക്കും യോജിക്കണമെന്നില്ല. പ്രത്യേകിച്ച് ശരീരവും മനസ്സും ക്ഷീണിച്ചിരിക്കുമ്പോൾ ദിവസവും ഇത്തരത്തിലുള്ള വ്യായാമങ്ങൾ ചെയ്യുന്നത് നല്ലതല്ല. അത്തരം സമയങ്ങളിൽ യോഗ, നടത്തം പോലുള്ള ചെറുചലനങ്ങൾ ശരീരത്തിന് കൂടുതൽ ഗുണം ചെയ്യും. ഇവ ഊർജം നഷ്ടപ്പെടുത്താതെ സജീവമായിരിക്കാൻ സഹായിക്കും.
  • ശരീരത്തിന് സ്ഥിരമായ പോഷകം ആവശ്യമാണ്. തിരക്കിന്റെ പേരിൽ പ്രഭാതഭക്ഷണം ഒഴിവാക്കുന്നതും, വണ്ണം കുറയ്ക്കാനെന്ന പേരിൽ മണിക്കൂറുകളോളം പട്ടിണി കിടക്കുന്നതുമൊക്കെ ഇനി നിർത്താം. ഭക്ഷണം ഒഴിവാക്കുന്നത് പോഷകക്കുറവിനും ഹോർമോൺ അസന്തുലിതാവസ്ഥയ്ക്കും കാരണമാകും.
  • ഒരു കപ്പ് കാപ്പി ക്ഷീണം മാറ്റുമെങ്കിലും അത് ശരീരത്തിന്റെ ഊർജശേഖരം കൂട്ടുന്നില്ല. ചൈനീസ് വൈദ്യശാസ്ത്രപ്രകാരം കഫീനും മദ്യവും ശരീരത്തിൽ അമിതമായ ചൂട് സൃഷ്ടിക്കുകയും യിൻ ഊർജം കുറയാൻ കാരണമാവുകയും ചെയ്യാം. പ്രത്യേകിച്ച് വെറും വയറ്റിൽ ഇവ ഉപയോഗിക്കുന്നത് ശരീരത്തെ കൂടുതൽ സമ്മർദ്ദത്തിലാക്കും.
  • എപ്പോഴും തിരക്കിലായിരിക്കുക എന്നത് പലരും നേട്ടമായാണ് പറയാറുള്ളത്. എന്നാൽ ശരീരത്തിനും മനസ്സിനും ഇടവേളകൾ ആവശ്യമാണ്. കുറച്ച് നേരമെങ്കിലും ഫോണും ജോലിയും മാറ്റിവെച്ച് ഒറ്റയ്ക്കിരിക്കുക, ധ്യാനിക്കുക, അല്ലെങ്കിൽ വെറുതെ ശാന്തമായി ഇരിക്കുക...ഇതെല്ലാം യിൻ ഊർജം വീണ്ടെടുക്കാൻ സഹായിക്കുമെന്നാണ് ചൈനീസ് വൈദ്യശാസ്ത്രം പറയുന്നത്.

ശരിക്കുപറഞ്ഞാൽ ക്ഷീണം മാറ്റി ഊർജ്ജസ്വലരാകാൻ വളരെ എളുപ്പമാണ്. ഉറക്കസമയം അല്പം നേരത്തെയാക്കുക, ഭക്ഷണം കൃത്യമായി കഴിക്കുക, ശരീരത്തിന്റെ ക്ഷീണം തിരിച്ചറിയുക, സ്വയം പരിചരിക്കാൻ സമയം കണ്ടെത്തുക... ഈ ചെറിയ ശീലങ്ങൾ തന്നെ വലിയ മാറ്റങ്ങൾക്ക് തുടക്കമാകാം. ചിലപ്പോഴൊക്കെ നമുക്ക് നമ്മൾ നൽകുന്ന ഏറ്റവും വലിയ സമ്മാനം, അൽപം വിശ്രമം തന്നെയായിരിക്കും.

കൂടുതൽ ഫീച്ചറുകൾ വായിക്കാൻ ഗൃഹലക്ഷ്മി വാട്സാപ്പ് ഗ്രൂപ്പിൽ അംഗമാകൂ:https://mbi.page.link/grihalakshmi