ചരിത്രത്തിലേക്ക് വിസിലടിക്കാന്‍ റെബേക്ക വെല്‍ഷ്. ലോക ഫുട്‌ബോളിലെ ഏറ്റവും മികച്ച ലീഗുകളിലൊന്നായ ഇംഗ്ലീഷ് പ്രീമിയര്‍ ലീഗിലെ മത്സരം നിയന്ത്രിക്കുന്ന ആദ്യ വനിതയെന്ന റെക്കോഡ് സ്വന്തമാക്കാനൊരുങ്ങുകയാണ് റെബേക്ക. ഡിസംബര്‍ 23-ന് നടക്കുന്ന ഫുള്‍ഹാം- ബേണ്‍ലി മത്സരം നിയന്ത്രിക്കുന്നതോടെ റെബേക്കയ്ക്ക് ഈ നേട്ടം സ്വന്തമാകും.
40-കാരിയായ റെബേക്ക മുമ്പ് ഇംഗ്ലീഷ് രണ്ടാം ഡിവിഷനായ ചാമ്പ്യന്‍ഷിപ്പിലെ മത്സരം നിയന്ത്രിച്ചിട്ടുണ്ട്. 2010-ലാണ് റെബേക്ക റഫറിയിങ് തുടങ്ങുന്നത്. വനിതാ സൂപ്പര്‍ ലീഗ്, വനിതാ ചാമ്പ്യന്‍സ് ലീഗ്, വനിതാ ലോകകപ്പ്, 2022-ലെ എഫ്.എ. കപ്പ് അടക്കമുള്ള ടൂര്‍ണണമെന്റുകളില്‍ മത്സരം നിയന്ത്രിച്ചിട്ടുണ്ട്.
കഴിഞ്ഞ നവംബറില്‍ മാഞ്ചെസ്റ്റര്‍ യുണൈറ്റഡ്- ഫുള്‍ഹാം മത്സരത്തില്‍ വെല്‍ഷ് നാലാം റഫറിയുടെ റോള്‍ വഹിച്ചിരുന്നു. പ്രീമിയര്‍ ലീഗില്‍ ഈ റോളിലെത്തുന്ന ആദ്യ വനിത കൂടിയായിരുന്നു.
ഖത്തറില്‍ നടന്ന കഴിഞ്ഞ പുരുഷ ഫുട്‌ബോള്‍ ലോകകപ്പിലെ ജര്‍മനി- കോസ്റ്റ റീക്ക മത്സരം വനിതാ റഫറിമായിരുന്നു നിയന്ത്രിച്ചത്. ഫ്രഞ്ചുകാരി സെറ്റാഫാനി ഫ്രാപ്പാര്‍ട്ട് മെയ്ന്‍ റഫറിയായപ്പോള്‍ മെക്‌സിക്കോയില്‍നിന്നുള്ള കാരെന്‍ ഡയസ് മെദിനയും ബ്രസീലില്‍നിന്നുളള ന്യൂസ ഐനസ് ബാക് എന്നിവര്‍ ലൈനിലുംനിന്നു.
Content Highlights: Rebecca Welch to become Premier League's first female referee
Published: 15 Dec 2023, 01:57 pm IST
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented