മനുഷ്യായുസ്സിലെ ദുഃഖങ്ങളും ആഗ്രഹങ്ങളും പേറി എത്തുന്ന ആശ്രിതരെ ചേർത്തുപിടിക്കുന്ന ആരോഗ്യമാതാവ്

കടലോരത്ത് അലയടിക്കുന്ന കാറ്റ്. അവിടെ തീർഥാടകരുടെയും കച്ചവടക്കാരുടെയും തിരക്ക്. തിരയുടെ ശക്തി കൂടിവരുന്തോറും, ആളുകളോട് കരയിലേക്ക് കയറാനുള്ള മുന്നറിയിപ്പ് മൈക്കിലൂടെ കേൾക്കാം. ആർത്തിരമ്പുന്ന കടൽക്കരയിൽനിന്ന് നോക്കിയാൽ വിഖ്യാതമായ വേളാങ്കണ്ണി പള്ളി കാണാം. കടലോരത്തുനിന്ന് പള്ളിയിലേക്കുള്ള വഴിത്താരയുടെ ഇരുവശവും വർണശബളമായ കടകമ്പോളങ്ങൾ. വൈവിധ്യമാർന്ന മെഴുകുതിരികൾ, മാതാവിന്റെയും ഉണ്ണിയേശുവിന്റെയും രൂപങ്ങൾ, പൂമാലകൾ, കൊന്തകൾ എന്നിവ വാങ്ങാൻ തിക്കിത്തിരക്കുന്ന മനുഷ്യർ. ഒരുനേരത്തെ അന്നത്തിനായി കേഴുന്ന യാചകരുടെയും മാതാവിന്റെ രൂപങ്ങൾ വിൽക്കുന്നവരുടെയും ഇടയിലൂടെ നടന്നാൽ വേളാങ്കണ്ണിമാതാവിന്റെ തിരുസന്നിധിയിലെത്താം. മനുഷ്യജീവിതത്തിന്റെ സങ്കടങ്ങൾ പേറി വിശ്വാസികൾ എത്തുന്ന പുണ്യഭൂമി. ആയുസ്സും ആരോഗ്യവും നൽകി, ആശ്രിതരെ ചേർത്തുപിടിക്കുന്ന കരുതലിന്റെ കരങ്ങൾ. മനസ്സുരുകി പ്രാർഥിച്ചാൽ, മനുഷ്യായുസ്സിലെ ആഗ്രഹങ്ങൾ സാധിച്ചുതരുമെന്ന വിശ്വാസമുള്ള ആരോഗ്യമാതാവിന്റെ 'ബസിലിക്ക ഓഫ് ഔർ ലേഡി ഓഫ് ഗുഡ് ഹെൽത്ത്' ദേവാലയം.

ഉണ്ണിയേശുവിനെ കൈയിലേന്തിയ കന്യാമറിയപ്രതിഷ്ഠയുള്ള ഇന്ത്യയിലെ ഏറ്റവും വലിയ ക്രൈസ്തവ ദേവാലയങ്ങളിലൊന്നാണ് വേളാങ്കണ്ണി പള്ളി.

Content Highlights: Historical significance of the Basilica of Our Lady of Good Health., Unique inter-religious rituals and traditions practiced at the shrine., Comprehensive travel information including road, rail, and air connectivity., Updated Mass timings in multiple languages including Malayalam., Details on the annual feast and peak pilgrimage seasons.