'മലയാളത്താന്‍പട്ടി', കേള്‍ക്കുമ്പോള്‍തന്നെ ഒരാശ്ചര്യം.. ഇതിന് മലയാളിയുമായി എന്തെങ്കിലും ബന്ധമുണ്ടാകുമോ?

കേരളത്തില്‍നിന്ന് തമിഴ്നാട്ടിലേക്ക് കടക്കുമ്പോള്‍ ഭാഷയും സംസ്‌കാരവും മാത്രമല്ല പ്രകൃതിയും മാറും. നോക്കെത്താ ദൂരത്തോളം പരന്നുകിടക്കുന്ന തരിശുഭൂമികളും അതിന്റെ ഒരറ്റത്തായി തലയുയര്‍ത്തിനില്‍ക്കുന്ന പര്‍വതങ്ങളും ചിലയിടത്ത് സോപ്പുപെട്ടിപോലെ അടുക്കടുക്കായുള്ള വീടുകളും കോവിലുകളും നിറഞ്ഞ സുന്ദരഭൂമി. പുഷ്പഗന്ധം തൂവുന്ന തഞ്ചാവൂരില്‍നിന്ന് പുലര്‍ച്ചെയാണ് ക്ഷേത്രനഗരമായ കുംഭകോണത്തേക്ക് പുറപ്പെട്ടത്. ഒരുകാലത്ത് ചോളസാമ്രാജ്യത്തെ ഫലഭൂയിഷ്ഠമാക്കിയ പൊന്നിനദിയെ പിന്നിട്ട്, പോക്കുവെയില്‍നാളങ്ങളേറ്റുകിടക്കുന്ന പാടങ്ങളെ മറികടന്ന് മയിലാടുംതുറൈ എക്സ്പ്രസ് കൂകിപ്പാഞ്ഞു. കുംഭകോണത്തെ ഐരാവതേശ്വരക്ഷേത്രം കണ്‍കുളിര്‍ക്കെ കണ്ട് മുന്നോട്ടുനടക്കുമ്പോഴാണ് 'നിങ്ങള്‍ മലയാളികളാ?' എന്നൊരു സ്ത്രീശബ്ദം കേട്ടത്. അതൊരു പരിചയത്തിന്റെ തുടക്കം കുറിക്കലായിരുന്നു. അവരുടെ പേര് വളര്‍മതി.

ജനിച്ചതും വളര്‍ന്നതുമൊക്കെ മധുരയ്ക്ക് സമീപത്തുള്ള 'മലയാളത്താന്‍പട്ടി' ഗ്രാമത്തിലാണ്.

Content Highlights: Explore malayalathanpatti, a hidden gem in tamil Nadu with malayali roots