പോഹ,കചോരി,സമോസ,ജലേബ,ധോക്ല,ഭേല്...'മധ്യപ്രദേശിന്റെ ഭക്ഷണതലസ്ഥാന'മായ ഇന്ദോറിന്റെ മാള്വാരുചികള്
വിശേഷണങ്ങള് പലതുണ്ട് ഇന്ദോറിന്. 'മധ്യപ്രദേശിന്റെ ഭക്ഷണതലസ്ഥാനം' എന്നതായിരിക്കും ഏറ്റവും അനുയോജ്യം. ഇന്ത്യയിലെ ഏറ്റവും വൃത്തിയുള്ള തെരുവോരഭക്ഷണശാലകള് കാണാന് ഇവിടെയെത്തണം. ആഹാരത്തിന്റെ ഗുണവും മേന്മയും പരിശോധിക്കുന്ന ഫുഡ് സേഫ്റ്റി ആന്ഡ് സ്റ്റാന്ഡേഡ്സ് അതോറിറ്റിയാണ് ഇന്ദോറിന് ഇത്തരമൊരു പദവി നല്കിയിട്ടുള്ളത്. വിന്ധ്യാപര്വതനിരയുടെ വടക്ക്, മാള്വാപീഠഭൂമിയുള്പ്പെടുന്ന മധ്യപ്രദേശിന്റെ ഭാഗമാണിത്. തെക്കുകിഴക്കന് രാജസ്ഥാനിലെ ഒരതിരും ചേര്ന്നുകിടക്കുന്നു. അതുകൊണ്ടുതന്നെ, മധ്യപ്രദേശിലെയും രാജസ്ഥാനിലെയും രുചിക്കൂട്ടുകളാണ് ഇവിടെ കാണാന് കഴിയുക. ആ രുചിഭേദങ്ങള് തേടിയാണ് ഇന്ദോറിലേക്ക് വന്നത്.
ചെറുതായൊരു നഗരപ്രദക്ഷിണം നടത്തി രുചിവഴികളിലേക്ക് തിരിഞ്ഞു. മാള്വാരുചികള് കാഴ്ചകളായും നറുമണമായും കണ്മുന്നിലെത്തുകയാണ്. ഛപ്പന് ദുകാനിലേക്കാണ് ആദ്യം പോയത്. ഹിന്ദിയില് 'ഛപ്പന്' എന്നാല് 'അന്പത്തിയാറ്' എന്നാണ്. 'ദുകാന്' എന്നാല് 'കട'. ഇരുനൂറുമീറ്ററിനുള്ളില് അന്പത്താറ് ഭക്ഷണശാല ഇവിടെ കാണാം. നഗരത്തിലെ പ്രശസ്തമായ ഭക്ഷണത്തെരുവാണിത്.
Content Highlights: Explore Indore`s vibrant street food scene, from Malwa delicacies to unique dishes like Sabudana Khichdi & Johny Hot Dog. A food lover`s paradise!