സഹോദരന്റെ ഒറ്റനോട്ടത്തിൽ പേടിച്ച സച്ചിൻ; ബെസ്റ്റ് ഇന്നിങ്‌സ് അഞ്ജലിക്കൊപ്പം

സച്ചിൻ ടെണ്ടുൽക്കറുടെ ഓരോ ഇന്നിങ്ങ്‌സും ക്രിക്കറ്റ് പ്രേമികളുടെ മനസ്സിലുണ്ടാവും. എന്നാൽ, അതിനൊപ്പം തന്നെ സച്ചിൻ ഹൃദയത്തോട് ചേർത്തുനിർത്തുന്ന ചില ഇന്നിങ്‌സുകളുണ്ട് അദ്ദേഹത്തിന്റെ വ്യക്തിജീവിതത്തിൽ. അച്ഛൻ രമേഷ് ടെണ്ടുൽക്കർ മുതൽ തുടങ്ങുന്നുവത്. അദ്ദേഹത്തിന്റെ ജീവിതത്തിലെ ഓരോ ഘട്ടത്തിലും താങ്ങായും തണലായും നിന്ന ആളുകളാണ് അവർ ഓരോരുത്തരും. 

മറാത്തി എഴുത്തുകാരൻ കൂടിയായ രമേഷ് ടെണ്ടുൽക്കറിന്റെ നാലുമക്കളിൽ ഏറ്റവും ഇളയതാണ് സച്ചിൻ. ക്രിക്കറ്റിലെ തന്റെ വിജയങ്ങൾക്കെല്ലാമുള്ള ക്രെഡിറ്റ് സച്ചിൻ ഏറ്റവുമാദ്യം നൽകാറുള്ളത് അച്ഛന് തന്നെയാണ്. സച്ചിന് ക്രിക്കറ്റിനോടാണ് താത്പര്യമെന്നു പറഞ്ഞപ്പോൾ അതിനൊപ്പം നിന്നയാൾ, എല്ലാ പിന്തുണയും കൊടുത്ത് കൂടെനിന്ന കരുത്ത്. ''എന്റെ സ്വപ്‌നങ്ങൾക്കും ഇഷ്ടങ്ങൾക്കുമൊപ്പം നിൽക്കാൻ അദ്ദേഹം എന്നും ശ്രമിച്ചിരുന്നു അദ്ദേഹം. അതിനൊപ്പം നീങ്ങാൻ എനിക്ക് സ്വാതന്ത്ര്യവും തന്നിരുന്നു അച്ഛൻ'', സച്ചിൻ പലപ്പോഴും പറഞ്ഞിട്ടുണ്ട് ഇക്കാര്യം. 

Content Highlights: best relationships in sachins life, from father to wife