‘മരണമാണ് മുഖാമുഖം നിന്നിരുന്നത്, അത്രമേൽ അപകടകാരിയാണ് കരടിയെന്ന് അന്നെനിക്കറിയില്ലായിരുന്നു’

കാലം കുറേയേറെ പിന്നിലേക്ക് പോകണം. മൂന്ന് വ്യാഴവട്ടമെങ്കിലും പിറകിലേക്ക്. 1988-ൽ തൃശൂർ കേരള കാർഷിക സർവ്വകലാശാലയിലെ നാലുവർഷത്തെ ബി.എസ്.സി ഫോറസ്ട്രി കോഴ്‌സിന് അഡ്മിഷൻ ലഭിച്ച സമയം. വനം വകുപ്പിലെ റെയിഞ്ച് ഓഫീസർ തസ്തികയിലേക്ക് പദമൂന്നാനുള്ള പ്രതീക്ഷകളുമായാണ് കോഴ്‌സിന് ജോയിൻ ചെയ്തത്. ആദ്യ സെമസ്റ്ററിന്റെ പകുതിയോളമായിക്കാണും. അപ്പോഴാണ് പറമ്പിക്കുളം ടൈഗർ റിസർവ്വിൽ വന്യജീവി സെൻസസ് നടക്കാൻ പോകുകയാണെന്ന് അറിഞ്ഞത്.

വോളന്റീയേഴ്‌സായി പങ്കെടുക്കാനുള്ള സുവർണാവസരമാണ്. വന്യജീവികളെ അടുത്തുകാണാനും കാടുമായി പരിചയിക്കാനും കിട്ടുന്ന അസുലഭ സന്ദർഭം! വനത്തെക്കുറിച്ചും വന്യജീവികളെക്കുറിച്ചും കേട്ടറിവ് മാത്രമാണുള്ളത്. ആ വാർത്ത കേട്ടപ്പോഴേ മനസ്സുകൊണ്ട് തയ്യാറായിക്കഴിഞ്ഞിരുന്നു. രണ്ട് തരത്തിലാണ് സെൻസസ് നടത്തുന്നത്. കടുവകളുടെ കാനേഷുമാരിയും പിന്നെ പൊതുവായുള്ള മൃഗങ്ങളുടെ കണക്കെടുപ്പും. കൃത്യമായ ദിശാസൂചകങ്ങൾ നൽകി ഒരോ വോളന്റീയറിനുമൊനൊപ്പം ഒരോ ബീറ്റ് ഫോറസ്റ്റ് ഓഫീസറും വാച്ചറുമടങ്ങുന്ന മൂന്നംഗ ടീം ആയാണ് യാത്ര.

Content Highlights: Historical context of the 1988 Parambikulam wildlife census., Techniques for identifying pug marks of tigers and leopards., Methodology of general wildlife census using transects., Safety guidelines for forest trekking and wildlife observation., A firsthand account of a rare encounter with a mother sloth bear and cubs.