56 കോടിയുടെ കടക്കെണിയിലായിരുന്ന നടൻ; ‘ഞാൻ ആരോടും കടം വാങ്ങിയിട്ടില്ല’

ബോളിവുഡിൽ വലിയ വിജയങ്ങൾ സമ്മാനിച്ചിട്ടുള്ള താരമാണ് സണ്ണി ഡിയോൾ. എന്നാൽ അദ്ദേഹത്തിന്റെ കരിയറിൽ കടുത്ത അനിശ്ചിതത്വങ്ങൾ നിറഞ്ഞ ഘട്ടങ്ങളും ഉണ്ടായിട്ടുണ്ട്. ശുഭങ്കർ മിശ്രയ്ക്ക് നൽകിയ അഭിമുഖത്തിൽ, കടക്കെണികളും കരിയറിലെ പ്രതിസന്ധികളും നിറഞ്ഞ ആ കാലഘട്ടത്തെക്കുറിച്ച് സണ്ണി ഡിയോൾ തുറന്നുപറയുകയാണ്.

അവസരങ്ങൾ ലഭിക്കാതെ പോയ കാലം
2001-ൽ പുറത്തിറങ്ങിയ 'ഗദർ: ഏക് പ്രേം കഥ', 'ഇന്ത്യൻ' എന്നീ രണ്ട് സിനിമകളും വലിയ വിജയമായിരുന്നെങ്കിലും, ആ വിജയം താരത്തിന് കൂടുതൽ സിനിമകൾ നേടിക്കൊടുത്തില്ല. ആ കാലഘട്ടത്തിൽ സിനിമാ വ്യവസായത്തിൽ വലിയ മാറ്റങ്ങളാണ് സംഭവിച്ചതെന്ന് അദ്ദേഹം പറയുന്നു.

"ഗദറിനൊപ്പം ഞാൻ 'ഇന്ത്യൻ' എന്ന ചിത്രവും ചെയ്തു. അക്കാലത്തെ 'ലഗാൻ' ഉൾപ്പെടെയുള്ള സിനിമകളേക്കാൾ വലിയ ഹിറ്റായിരുന്നു അത്. എന്നാൽ പെട്ടെന്ന് കോർപ്പറേറ്റുകൾ കടന്നുവന്നു, സിനിമയുടെ രീതികൾ മാറിമറിഞ്ഞു. അതിനുശേഷമെന്തുകൊണ്ട് എനിക്ക് ശരിയായ വിഷയങ്ങളും സംവിധായകരെയും ലഭിച്ചില്ല എന്നെനിക്കറിയില്ല."

വിവാദങ്ങൾ
2005-ൽ പുറത്തിറങ്ങിയ 'ജോ ബോലെ സോ നിഹാൽ' (Jo Bole So Nihaal) എന്ന ചിത്രവും സണ്ണിയുടെ കരിയറിന് തിരിച്ചടിയായി. ചിത്രത്തിന്റെ പേരിനെയും ഉള്ളടക്കത്തെയും ചൊല്ലി സിഖ് സമൂഹത്തിലെ ചില വിഭാഗങ്ങളിൽ നിന്ന് വലിയ വിമർശനങ്ങൾ ഉയർന്നു. ഡൽഹിയിലെ തിയേറ്ററിലുണ്ടായ സ്ഫോടനത്തിൽ ഒരാൾ കൊല്ലപ്പെടുകയും നിരവധി പേർക്ക് പരിക്കേൽക്കുകയും ചെയ്തതോടെ വിവാദം കൂടുതൽ വഷളായി. രാഷ്ട്രീയസമ്മർദ്ദവും സുരക്ഷാ പ്രശ്നങ്ങളും കാരണം ചിത്രം തിയേറ്ററുകളിൽ നിന്ന് പിൻവലിക്കേണ്ടി വന്നു. സിനിമാമേഖലയിലേക്ക് രാഷ്ട്രീയം കടന്നുകയറുന്നതിലുള്ള അമർഷം താരം പ്രകടിപ്പിച്ചു. 

കടക്കെണിയും അതിജീവനവും
ഈ പ്രതിസന്ധികൾ താരത്തിന്റെ സാമ്പത്തിക സ്ഥിതിയെയും ബാധിച്ചിരുന്നു. അദ്ദേഹത്തിന്റെ സിനിമകളും നിർമ്മാണ കമ്പനികളും പ്രതീക്ഷിച്ചതുപോലെ വിജയിച്ചില്ല. കൂടാതെ അദ്ദേഹം സംവിധാനം ചെയ്ത 'ദില്ലഗി' (Dillagi), 'ഘായൽ റിട്ടേൺസ്' (Ghayal Returns), 'പൽ പൽ ദിൽ കെ പാസ്' (Pal Pal Dil Ke Paas) തുടങ്ങിയ ചിത്രങ്ങളും സാമ്പത്തിക വിജയം നേടിയില്ല.

2023-ൽ വായ്പ തിരിച്ചടക്കാത്തതിനെത്തുടർന്ന് അദ്ദേഹത്തിന്റെ ജുഹുവിലെ 'സണ്ണി വില്ല' (Sunny Villa) ലേലം ചെയ്യുമെന്ന് കാണിച്ച് ബാങ്ക് നോട്ടീസ് പുറത്തിറക്കിയപ്പോഴാണ് സണ്ണിയുടെ സാമ്പത്തിക പ്രശ്നങ്ങൾ പുറത്തറിയുന്നത്. പിന്നീട് ഈ പ്രശ്നങ്ങൾ പരിഹരിച്ചതിനെത്തുടർന്ന് നോട്ടീസ് പിൻവലിക്കുകയുണ്ടായി.

"പണത്തിനുവേണ്ടി മാത്രം എനിക്ക് പല കാര്യങ്ങളും ചെയ്യാൻ കഴിയില്ല. ഞാൻ കടക്കെണിയിലായിരുന്നപ്പോഴും പൂർണ്ണ സന്തോഷവാനായിരുന്നു. ഞാനെന്റെ ജീവിതം ആസ്വദിക്കുകയായിരുന്നു. എനിക്ക് വന്ന കടങ്ങളെല്ലാം എന്റേത് മാത്രമായിരുന്നു. ഞാൻ ആരോടും കടം വാങ്ങിയിട്ടില്ല. മറ്റാരോടും എനിക്ക് യാതൊരു ബാധ്യതയുമില്ലായിരുന്നു. എന്റെ സ്വന്തം ആസ്തി വിറ്റ് ഞാൻ പണം തിരികെ നൽകി."

തിരിച്ചുവരവ്
2023-ൽ പുറത്തിറങ്ങിയ 'ഗദർ 2' (Gadar 2) എന്ന ചിത്രത്തിന്റെ വിജയമാണ് അദ്ദേഹത്തിന് സിനിമയിൽ വീണ്ടും വലിയൊരു തിരിച്ചുവരവ് നൽകിയത്. അതിനുശേഷം 'ജാത്' (Jaat), 'ഇക്ക' (Ikka) തുടങ്ങിയ ചിത്രങ്ങളിൽ അഭിനയിച്ചു. ഏറ്റവും ഒടുവിൽ, 'ബത്വാര 1947' (Batwara 1947) എന്ന ചിത്രവും.

കൂടുതൽ ഫീച്ചറുകൾ വായിക്കാൻ ഗൃഹലക്ഷ്മി വാട്സാപ്പ് ഗ്രൂപ്പിൽ അംഗമാകൂ:https://mbi.page.link/grihalakshmi

Content Highlights: Sunny Deol faced a massive Rs 56 crore debt due to failing film projects and production ventures., He revealed that despite being in deep debt, he remained happy and cleared his dues by selling his assets., Controversies like the ban on 'Jo Bole So Nihaal' and changing industry dynamics impacted his career., The blockbuster success of 'Gadar 2' marked a major career comeback for the actor.