സോളോ ട്രിപ്പ് പ്ലാൻ ചെയ്യുന്ന പെൺകുട്ടികൾക്ക് ഒരു ഫിനാൻഷ്യൽ ഗൈഡ്

ഇൻസ്റ്റാഗ്രാമിൽ മറ്റുള്ളവരുടെ സോളോ ട്രാവൽ റീലുകൾ കണ്ട് 'അടുത്ത ട്രിപ്പ് ഞാനും ഒറ്റയ്ക്ക് പോകും' എന്ന് മനസ്സിൽ വിചാരിച്ച് ലൈക്കടിച്ചിട്ടിരിക്കുന്ന ഒരു പെൺകുട്ടിയാണോ നിങ്ങൾ? ബാഗ് പാക്ക് ചെയ്യാനും ലൊക്കേഷൻ ഇൻഫോ സേവ് ചെയ്യാനും നമുക്കൊക്കെ ഭയങ്കര ആവേശമാണ്. പക്ഷേ, 'പൈസ എവിടെന്ന് വരും?' എന്ന കാര്യം ഓർക്കുമ്പോൾ ആ ആവേശത്തിന്റെ കാറ്റ് പോകും!, വീട്ടുകാരെ ബുദ്ധിമുട്ടിക്കാതെ, നിങ്ങളുടെ സ്വപ്നയാത്രകൾക്ക് നിങ്ങൾ തന്നെ ഫണ്ട് ചെയ്യുന്നതിനേക്കാൾ വലിയൊരു 'മാസ്സ്' വേറെയില്ല. അതിനൊരു സൂത്രപ്പണിയുണ്ട്...പറയാം.

പലരുടെയും ഇത്തരം യാത്രകൾ വെറും ആഗ്രഹങ്ങളായി ഒതുങ്ങിപ്പോകുന്നത് കൃത്യമായ സാമ്പത്തിക ആസൂത്രണം ഇല്ലാത്തതുകൊണ്ടാണ്. വരുമാനത്തിൽ നിന്ന് ബാക്കി വരുന്നത് കൊണ്ട് യാത്ര പോകാം എന്ന് വിചാരിച്ചാൽ അത് നടക്കില്ല. യാത്രകൾക്കായി പണം മുൻകൂട്ടി മാറ്റിവെക്കുന്ന ശീലം ഇപ്പോൾ മുതലേ തുടങ്ങണം.