ഭർത്താവ് കഴുത്തുഞെരിച്ച് കൊന്നെന്ന് മകൾ അമ്മയോട് പറഞ്ഞു; അങ്ങനെ സ്വാഭാവികമരണം കൊലപാതകമായി

ഒരപരിചിതനോട് തോന്നിയ കടുത്ത പ്രണയം, പിന്നാലെ വീട്ടുകാരെ എതിർത്തുകൊണ്ടുള്ള വിവാഹം, മാസങ്ങൾ കഴിയുംമുമ്പേ മരണവും… അമേരിക്കക്കാരിയായ എൽവ സോണ ഹീസ്റ്റർ എന്ന സ്ത്രീയുടെ ജീവിതകഥ ഇങ്ങനെ ചുരുക്കാം. അതിനുപിന്നാലെ കേസ് തെളിയിക്കാൻ ഇറങ്ങിത്തിരിച്ചത് സോണയുടെ അമ്മയും.

1896-ലാണ് സോണയും ഇറാസ്മസ് ട്രൗട്ട് ഷൂ എന്നയാളും കണ്ടുമുട്ടുന്നത്. അധികം വൈകാതെ അവർ പ്രണയത്തിലായി. അതേവർഷം ഒക്ടോബറിൽ വിവാഹവും. അന്ന് സോണയ്ക്ക് 23 വയസ്സേയുള്ളൂ. ഭർത്താവായ ഇറാസ്മസ് ട്രൗട്ട് ഷൂവിന് 37 വയസ്സും. എന്നാൽ, സോണയുടെ മാതാപിതാക്കൾക്ക് ഈ വിവാഹത്തോട് തീരെ താത്പര്യമില്ലായിരുന്നു. അതിനുകാരണങ്ങൾ അയാളെക്കുറിച്ച് കേട്ട കഥകളും. മുമ്പ് രണ്ടുതവണ വിവാഹിതനായിരുന്നു ട്രൗട്ട്. എന്നാൽ, ആ ഭാര്യമാരെക്കുറിച്ച് യാതൊരു വിവരവുമില്ല. അതായിരുന്നു സോണയുടെ മാതാപിതാക്കളുടെ പേടി. പക്ഷേ, ഇതൊന്നും സോണയെ പിന്തിരിപ്പിച്ചില്ല.

Content Highlights: elva zona heaster shue tragic life and the spectral testimony that exposed her murderer