‘ഇല്ലായ്മയിൽ നട്ടംതിരിഞ്ഞ നേരത്ത് കഞ്ഞികുടിക്കാൻ വകയുണ്ടോ എന്ന ചോദ്യം എവിടെനിന്നും ഉണ്ടായില്ല’

പലഹാരങ്ങളുടെ മണമാണ് ആ വീടിന്. കനൽച്ചൂടേറ്റും എണ്ണയിൽ മൊരിഞ്ഞും പാകമായ പലഹാരം പോലൊരു ജീവിതത്തിനും സാക്ഷിയാണ് ആ വീട്. തിരുവനന്തപുരം അമരവിള ദേവേശ്വരം ആനക്കുന്നിൽ വിശുദ്ധമേരിയുടെ ദേവാലയത്തിനും ശിവക്ഷേത്രത്തിനും അരികിലെ ശിവാലയം. അഞ്ചുസെന്റിൽ ഇരുനില വീട്. വീടിനു പിന്നിൽ ഷീറ്റ് മേഞ്ഞ വലിയൊരു അടുക്കള. അതിൽ പടുകൂറ്റൻ അടുപ്പുകൾ. കിലോക്കണക്കിന് പലഹാരങ്ങൾ തീച്ചൂടേറ്റ് കരകയറുന്ന വലിയ ഇരുമ്പ് പാത്രങ്ങൾ, കോരുതവികൾ. അടുപ്പ് പുകയ്ക്കാനുള്ള വിറക് വീട്ടുമുറ്റത്ത് കൂട്ടിയിട്ടിട്ടുണ്ട്. പലഹാരങ്ങൾക്ക് സഞ്ചരിക്കാൻ രണ്ട് വണ്ടികളും മുറ്റത്തുണ്ട്. അധ്വാനത്തിന്റെ ഈ കാഴ്ചകൾക്ക് പിന്നിൽ നിറചിരിയോടെ ഒരമ്മയുണ്ട്. ഒറ്റയ്ക്ക് നീന്തിക്കയറാനുള്ള കടലായി ജീവിതം മാറിയപ്പോൾ സധൈര്യം അതിൽ തോണിയിറക്കി ചുഴിയിലും തിരയിലുംപെടാതെ കരയിലേക്ക് തുഴഞ്ഞ രമാകുമാരി അമ്മ. 'ശിവാലയം പുലരി കുടുംബശ്രീ' പലഹാരക്കമ്പനിയുടെ ഉടമ. തീരാത്ത, തോരാത്ത കഷ്ടപ്പാടുകളെ, രോഗം അടിച്ചേല്പിച്ച അനിശ്ചിതത്വത്തെ ഒക്കെയും അധ്വാനത്തിന്റെ മാന്ത്രികവടിവീശി അദൃശ്യമാക്കി അവർ ചിലവിട്ട നാളുകളുടെ ഓർമ്മകളിലേക്ക്.

കാറ്റും കോളും

Content Highlights: Overcoming stage 4 breast cancer while managing a household., Building a successful snack manufacturing unit, Shivalayam Pulari, from scratch., Demonstrating financial independence through grit and self-reliance., Balancing business operations, family responsibilities, and health challenges.