ആന് ഫ്രാങ്കിന് എന്ത് സംഭവിച്ചു? ഡയറിയില് കാണാത്ത അവളുടെ നഷ്ടങ്ങളും വേദനകളും
ആന് ഫ്രാങ്ക് എന്ന ജര്മ്മന് ജൂത പെണ്കുട്ടിയുടെ ഡയറിക്കുറിപ്പുകള് ലോകപ്രശസ്തമാണ്. കേവലം പതിനഞ്ചുവയസ്സ് വരെ മാത്രം ജീവിച്ചിരുന്ന നിർഭാഗ്യവതിയായ ആ പെൺകുട്ടി എഴുതിയിട്ടത് മനുഷ്യവംശം സാക്ഷ്യം വഹിച്ച ഏറ്റവും വലിയ ക്രൂരതയുടെ അനുഭവങ്ങളാണ്. ഹിറ്റ്ലറുടെ നേതൃത്വത്തില് നടന്ന നരനായാട്ട് അവളുടെ വരികളിൽ വ്യക്തം. ജീവനെടുക്കുന്ന കോണ്സന്ട്രേഷന് ക്യാമ്പുകളില് പെടാതെ ഒളിവില് താമസിക്കുന്ന കാലമാണ് അവളുടെ ഡയറി കാട്ടിത്തരുന്നത്. അതിനുശേഷം അവള്ക്കെന്ത് സംഭവിച്ചു എന്ന് ചരിത്രരേഖകളിൽ ഏറെക്കുറെ അവ്യക്തം.
രണ്ടാം ലോക മഹായുദ്ധത്തിന് മുന്നോടിയായി ജര്മനിയില് വളരുന്ന സാമ്പത്തികപ്രശ്നങ്ങളും ജൂതവിദ്വേഷവും തിരിച്ചറിഞ്ഞ് ആംസ്റ്റര്ഡാമിലേക്ക് കുടിയേറിയതാണ് ആനിന്റെ കുടുംബം. പെട്ടെന്ന് ഡച്ച് ഭാഷ പഠിച്ചെടുത്ത ആന് പുതിയ കൂട്ടുകാര്ക്കൊപ്പം സന്തോഷമുള്ള ജീവിതമാണ് നയിച്ചത്. പഠിക്കാന് അവള് മിടുക്കിയായിരുന്നു. അവളുടെ ജീവിതത്തിലെ ഈ നല്ല ദിവസങ്ങളും ഡയറിയിലുണ്ട്.
Content Highlights: Discover Anne Frank`s tragic end after her diary`s fame. Learn about her family`s ordeal in Nazi-occupied Amsterdam and the horrors of concentration camps