ഏത് ഫാസ്റ്റ് നമ്പറും ജനപ്രിയമാക്കാമെന്ന് 'ലജ്ജാവതിയേ...' എന്ന പാട്ടിലൂടെ കൈതപ്രം തെളിയിച്ചു

ജനപ്രിയഗാനങ്ങളുടെ മായാമയൂരമാണ് കൈതപ്രം ദാമോദരൻ നമ്പൂതിരി. ജീവിതയാത്രയിലെ ഏത് സന്ദർഭത്തിനോടും ചേർത്തുവയ്ക്കാവുന്ന ഗാനങ്ങൾ അദ്ദേഹം സമ്മാനിച്ചു. പ്രമദവനം, വെണ്ണിലാ ചന്ദനക്കിണ്ണം, വികാരനൗകയുമായ്, വേളിക്ക് വെളുപ്പാൻകാലം, ആകാശഗോപുരം എന്നിങ്ങനെ തുടങ്ങി ഹൃദയത്തിലെന്നും തുടിക്കുന്ന എത്രയെത്ര ഗാനങ്ങൾ. ഹൃദയരാഗങ്ങളുടെ ശില്പിയെന്ന് വിശേഷിപ്പിക്കുമ്പോഴും ഏതെങ്കിലും പ്രത്യേകവിഭാഗത്തിലുള്ള പാട്ടുകൾമാത്രമല്ല അദ്ദേഹം ചെയ്തതെന്ന് കാണാം. ചില പാട്ടുകൾ കേട്ടാൽ ഇത് കൈതപ്രത്തിന്റെതുതന്നെയോ എന്ന് നാം അദ്ഭുതപ്പെടും.

വിസ്മയകരമാണ് ആ രചനാശൈലി. കണ്ണീർപ്പൂവിന്റെ കവിളിൽ തലോടിയ തൂലികയാൽ, ലജ്ജാവതിയുടെ കടക്കണ്ണിൽ താഴമ്പൂ തിരയും. ചന്ദ്രകാന്തംകൊണ്ട് നാലുകെട്ട് പണിയുന്ന മനസ്സോടെ, രാക്ഷസിയെ കരളിൽ താമസിക്കാൻ ക്ഷണിക്കും. ക്ലാസിക്കലും സെമിക്ലാസിക്കലും മാത്രമല്ല, ഫാസ്റ്റ് നമ്പറുകളും തനിക്ക് വഴങ്ങുമെന്ന് എത്രയോ പാട്ടുകളിലൂടെ കൈതപ്രം തെളിയിച്ചിട്ടുണ്ട്.

Content Highlights: Explore Kaithapram`s versatility through his upbeat tracks like Lajjavathiye, Rakshasi, showcasing his mastery beyond melodies