കാപ്പി മൈഗ്രേൻ മാറ്റുമോ അതോ കൂട്ടുമോ? അറിഞ്ഞിരിക്കണം ഇക്കാര്യങ്ങൾ

മൈഗ്രേൻ (migraine) ഉള്ളവരാണെങ്കിൽ, കാപ്പി കുടിക്കുന്നതിനെക്കുറിച്ച് പരസ്പര വിരുദ്ധമായ നിരവധി ഉപദേശങ്ങൾ നിങ്ങൾക്ക് ലഭിച്ചിട്ടുണ്ടാകാം. അസഹനീയമായ തലവേദന കുറയ്ക്കാൻ ഒരു കപ്പ് കാപ്പി നല്ലതാണെന്ന് ചിലർ ഉറപ്പിച്ചു പറയുമ്പോൾ, കഫീൻ (Caffeine) മൈഗ്രേൻ കൂട്ടുമെന്നാണ് മറ്റു ചിലർ പറയുന്നത്. സ്ഥിരമായി കാപ്പി കുടിക്കുന്നവർ അത് പെട്ടെന്ന് നിർത്തുമ്പോഴും തലവേദന ഉണ്ടാകാറുണ്ട്. അങ്ങനെയെങ്കിൽ, മൈഗ്രേന്റെ കാര്യത്തിൽ കാപ്പി ഒരു പരിഹാരമാണോ അതോ വില്ലനാണോ?

കഫീൻ മൈഗ്രേൻ ലക്ഷണങ്ങളെ എങ്ങനെ ബാധിക്കുന്നു എന്ന് നോക്കാം. ന്യൂഡൽഹി എയിംസിൽ (AIIMS) നിന്ന് പരിശീലനം നേടിയ പ്രശസ്ത ന്യൂറോളജിസ്റ്റും, ലാജ്പത് നഗറിലെ ഐബിഎസ് (IBS) ഹോസ്പിറ്റലിലെ കൺസൾട്ടന്റ് ന്യൂറോളജിസ്റ്റുമായ ഡോ. രാഹുൽ ചൗള, ഈ വിഷയത്തെക്കുറിച്ച് വ്യക്തത നൽകുന്നു. മെയ് 21-ന് തന്റെ ഇൻസ്റ്റഗ്രാം വീഡിയോയിലൂടെ, കഫീൻ തലച്ചോറിലെ രക്തക്കുഴലുകളെ എങ്ങനെ ബാധിക്കുന്നുവെന്നും അത് മൈഗ്രേൻ ലക്ഷണങ്ങളിൽ എന്ത് മാറ്റം വരുത്തുന്നുവെന്നും അദ്ദേഹം വിശദീകരിക്കുന്നു.

മൈഗ്രേനും കാപ്പിയും

കാപ്പിയിൽ അടങ്ങിയിരിക്കുന്ന കഫീൻ തലച്ചോറിലെ അഡിനോസിൻ റിസപ്റ്ററുകളെ (adenosine receptors) തടയുകയും, രക്തക്കുഴലുകൾ സങ്കോചിക്കാൻ (constrict) കാരണമാകുകയും ചെയ്യുന്നു. മൈഗ്രേൻ ഉണ്ടാകുന്ന സമയത്ത് തലച്ചോറിലെ രക്തക്കുഴലുകൾ വികസിക്കുകയും (dilate) ഇത് വേദനയ്ക്ക് കാരണമാകുകയും ചെയ്യാറുണ്ട്. കഫീൻ ഈ രക്തക്കുഴലുകളെ തിരികെ സങ്കോചിപ്പിക്കുന്നതിലൂടെ (vasoconstriction) മൈഗ്രേൻ ലക്ഷണങ്ങൾക്ക് ആശ്വാസം നൽകാൻ സഹായിക്കും, എന്നാണ് അദ്ദേഹം അഭിപ്രായപ്പെടുന്നത്.

"മൈഗ്രേനുള്ള സമയത്ത് തലച്ചോറിൽ രക്തക്കുഴലുകൾ വികസിക്കുന്നു (Vasodilation). കാപ്പിയിൽ കഫീൻ അടങ്ങിയിട്ടുണ്ട്, ഇത് അഡിനോസിൻ റിസപ്റ്ററുകളെ തടയുകയും തലച്ചോറിലെ രക്തക്കുഴലുകളെ സങ്കോചിപ്പിക്കുകയും ചെയ്യുന്നു. ഇതിനാൽ നമുക്ക് തലവേദനയിൽ നിന്ന് ആശ്വാസം അതുകൊണ്ടാണ് ചില പെയിൻ കില്ലറുകളിൽ (വേദനസംഹാരികൾ) കഫീൻ ചേർക്കുന്നത്. 'ഒരൊറ്റ ഗുളിക കൊണ്ട് തലവേദനയിൽ നിന്ന് മുക്തി' എന്ന തരത്തിലുള്ള പ്രശസ്തമായ ടിവി പരസ്യം നിങ്ങൾ കണ്ടിട്ടുണ്ടാകാം. ആ വേദനസംഹാരിയിൽ കഫീൻ അടങ്ങിയിട്ടുണ്ട്."

എന്നിരുന്നാലും, കാപ്പി എല്ലാവരിലും മൈഗ്രേന് നല്ലതാണെന്ന് പറയാൻ കഴിയില്ലെന്നും ഡോ. ചൗള ചൂണ്ടിക്കാണിക്കുന്നു. ചില വ്യക്തികളിൽ ഇത് മൈഗ്രേൻ കൂട്ടാനുള്ള ഒരു കാരണമായി (Trigger) മാറാറുണ്ട്. അതേസമയം, ദിവസവും വലിയ അളവിൽ കാപ്പി കുടിക്കുന്നവർ അത് പെട്ടെന്ന് കുറയ്ക്കുകയോ നിർത്തുകയോ ചെയ്യുമ്പോൾ (Caffeine withdrawal headache) കടുത്ത തലവേദന അനുഭവപ്പെടാം.

മൈഗ്രേന്റെ കാര്യത്തിൽ കാപ്പി എപ്പോഴും വില്ലനല്ല. എന്നാൽ അമിതമായ ഉപയോഗം, കൃത്യതയില്ലാത്ത ശീലം, കഫീനോടുള്ള അമിത ആശ്രയത്വം എന്നിവ തീർച്ചയായും പ്രശ്നങ്ങൾ സൃഷ്ടിച്ചേക്കാം.

കൂടുതൽ ഫീച്ചറുകൾ വായിക്കാൻ ഗൃഹലക്ഷ്മി വാട്സാപ്പ് ഗ്രൂപ്പിൽ അംഗമാകൂ:https://mbi.page.link/grihalakshmi

Content Highlights: Caffeine acts as a vasoconstrictor, potentially relieving migraine pain., Excessive coffee consumption can lead to caffeine withdrawal headaches., Caffeine is a known migraine trigger for some individuals., Consistency in daily caffeine intake is key to avoiding withdrawal symptoms., Limit intake to 1-2 cups daily for safer management.