‘ഞങ്ങളുടെ സാന്നിധ്യം തീർത്തും അവഗണിച്ചായിരുന്നു അവരുടെ ചലനങ്ങൾ’; മൂന്നാറിലെ പറവക്കാഴ്ചകൾ

മഞ്ഞലകൾ ഞൊറിയിട്ട പർവ്വതപാർശ്വങ്ങളിലൂടെ, വാനം മഴനൂലുകളാൽ ഭൂമിയെ തൊട്ടുഴിയും കാഴ്ചയുടെ അനുഭൂതി നുകർന്നുകൊണ്ട് മൂന്നാറിലേക്കായിരുന്നു യാത്ര. പുതുമഴയുടെ സ്പർശത്തിൽ കിളിർത്ത നിബിഡമായ പുൽപ്പരപ്പിലും ചെറുമരച്ചില്ലകളിൽ കൊത്തിപ്പെറുക്കിയും തത്തിപ്പറന്നും തേൻനുകർന്നും മഴനനയുന്ന പക്ഷികളെ കാണുകയായിരുന്നു ലക്ഷ്യം. ഇരവികുളം ദേശീയോദ്യാനത്തിൽനിന്നും പുറപ്പെടുന്ന ആദ്യ വണ്ടിയിൽ തന്നെ ഇരിപ്പിടം ഉറപ്പിച്ചു. പക്ഷിനിരീക്ഷണ തല്പരരായ സുഹൃത്തുക്കളും കൂടിയുണ്ട്.

ചെറുജലപാതങ്ങളുടെ ആരവമുതിർക്കും കാഴ്ചകൾ നുണഞ്ഞും മനസ്സിനെ കുളിരണിയിക്കുന്ന കോടമഞ്ഞ് അനുഭവിച്ചും ദേശീയോദ്യാനത്തിന്റെ ബേസ് സ്റ്റേഷൻ വരെ സഫാരി വണ്ടിയിൽ. തുടർയാത്ര കാൽനടയാണ്, ഒരു ചെറു ട്രെക്കിങ്. സമുദ്രനിരപ്പിൽനിന്നും 2,965 മീറ്റർ ഉയരത്തിൽ സ്ഥിതിചെയ്യുന്ന, പശ്ചിമഘട്ടത്തിലെ ഏറ്റവും ഉയർന്ന കൊടുമുടിയായ ആനമുടി മലനിരകൾക്കും അവ അതിരിടുന്ന വനങ്ങൾക്കും ഇടയിലാണ് വംശനാശഭീഷണി നേരിടുന്ന വരയാടുകളുടെ സംരക്ഷണത്തിനായി സ്ഥാപിതമായ ഇരവികുളം ദേശീയോദ്യാനം.

Content Highlights: Expert birdwatching guide for Munnar's monsoon season., Detailed list of endemic species like White-bellied Sholakili and Palani Laughingthrush., Essential gear and safety tips for trekking in Eravikulam National Park., Official contact information for the Forest Information Centre and DTPC Munnar., Best practices for wildlife photography in wet, high-altitude conditions.