കോലത്തുനാടിന് തെയ്യം എന്നതുപോലെയാണ് മധ്യതിരുവിതാംകൂറിന് മുടിയേറ്റ്

ഇളംനിലാവും നേർത്ത വേനൽമഴയുടെ ഈറനും പടർന്ന രാവുകളിലാണ് തെക്കൻ കേരളത്തിലെ ഉത്സവപ്പറമ്പുകൾക്ക് മിഴിവേറുന്നത്. അമ്മദൈവങ്ങൾ വാഴുന്ന കോവിലുകളിൽ ദേവീ ഉപാസന ഉത്സവനാളുകളിൽ അനുഷ്ഠാനകലയുടെ രൂപമേന്തും. കേരളത്തിൽ കാളീപൂജ പ്രാചീന ഗോത്രസംസ്‌കാരത്തിന്റെ ഭാഗമാണ്. നിഗ്രഹാനുഗ്രഹശക്തിയായ കാളി. അതിവൃഷ്ടിയും മഹാരോഗങ്ങളും ഒഴിവാക്കാനും സമൃദ്ധിയും ഫലപുഷ്ടിയും വന്നുചേരാനും അമ്മദൈവങ്ങൾക്കുമുന്നിൽ കണ്ണീരണിഞ്ഞുപ്രാർഥിച്ച ആദിമർ. കൊറ്റവൈ എന്നൊരു സമരദേവത പോലുമുണ്ടായിരുന്നു അവർക്ക്.

ദേവതാരാധനാപരമായ അനുഷ്ഠാനങ്ങളിൽ കലയ്ക്കും പ്രാധാന്യമുണ്ട്. ഭഗവതി, ദേവി, ചാമുണ്ഡി, രക്തേശ്വരി, ഭദ്രകാളി, ചുടലകാളി, പോതി, തണ്ണീർഭഗവതി തുടങ്ങിയ സങ്കല്പങ്ങളോടൊപ്പമൊക്കെയും ഇത്തരം അനുഷ്ഠാനങ്ങൾ അരങ്ങേറുന്നു. തെയ്യം, തിറ, മുടിയേറ്റ്, മുടിപ്പേച്ച്, പടയണി, കാളിയൂട്ട്, ഭഗവതിയാട്ട്, കളമെഴുത്തുംപാട്ടും തുടങ്ങിയവയൊക്കെയും ഇതിലുൾപ്പെടുന്നു. കാളി-ദാരിക യുദ്ധത്തെ ആസ്പദമാക്കിയുള്ളതാണ് ഇവയിലേറെയും.

Content Highlights: Overview of Mudiyettu as a primitive Dravidian ritual art form., Detailed comparison between Mudiyettu and the localized Mudip Petch., Explanation of the Darikavadham (slaying of Darika) theme in 2026 temple rituals., Insights into the rigorous 27-day penance and training required for performers., Significance of the 'Thirumudi' (divine crown) in Kerala's folk tradition.